1980

Tibetan	མཛོད་གནས་དང་པོའི་བསྟན་བྱ་གསུམ།
Tibetan Alternate
Tibetan Definition	1.ཕུང་པོ་ལྔ་ནི། (1)གཟུགས་ཀྱི་ཕུང་པོ་བཅུ་གཅིག་ནི། [1]ནང་གི་དབང་པོ་གཟུགས་ཅན་པ་ལྔ། [2]ཕྱི་ཡི་གཟུགས་སྒྲ་དྲི་རོ་རེག་བྱ་ལྔ། [3]རྣམ་པར་རིག་བྱེད་མ་ཡིན་པའི་གཟུགས་སོ། ། (2)ཚོར་བའི་ཕུང་པོ་གསུམ་ནི། [1]བདེ་བ། [2]སྡུག་བསྔལ། [3]བཏང་སྙོམས་སོ། ། (3)འདུ་ཤེས་ཀྱི་ཕུང་པོ་གཉིས་ནི། [1]རྟོག་བཅས་ཀྱི་འདུ་ཤེས། [2]རྟོག་མེད་ཀྱི་འདུ་ཤེས་སོ། ། དེ་རེ་རེ་ལ་ཡང་། ཆུང་ངུ་དང་། རྒྱ་ཆེན་པོ་དང་། ཚད་མེད་པའོ། ། (4)འདུ་བྱེད་ཀྱི་ཕུང་པོ་གཉིས་ནི། ། [1]མཚུངས་ལྡན་འདུ་བྱེད་ཀྱི་ཕུང་པོ་ནི་སེམས་དང་སེམས་བྱུང་ཐམས་ཅད་དོ། ། [2]མཚུངས་ལྡན་མ་ཡིན་པའི་འདུ་བྱེད་ཀྱི་ཕུང་པོ་ལྡན་མིན་འདུ་བྱེད་ཐམས་ཅད་དོ། ། (5)རྣམ་ཤེས་ཀྱི་ཕུང་པོ་ནི། མིག་གི་རྣམ་པར་ཤེས་པ་ནས་ཡིད་ཀྱི་རྣམ་པར་ཤེས་པའི་བར་ཡིན་ནོ། ། 2.སྐྱེ་མཆེད་བཅུ་གཉིས་ལས། (1)ནང་གི་སྐྱེ་མཆེད་དྲུག་ནི། [1]མིག་གི་དབང་པོ་ཟར་མའི་མེ་ཏོག་ལྟ་བུ། [2]རྣ་བའི་དབང་པོ་གྲོ་ག་བཅུས་ནས་བཅད་པ་ལྟ་བུ། [3]སྣའི་དབང་པོ་མིག་སྨན་གྱི་ཐུར་མ་ཉིས་གཤིབས་ལྟ་བུ། [4]ལྕེའི་དབང་པོ་ནི་ཟླ་བ་ཕྱེད་པ་ལྟ་བུ། [5]ལུས་ཀྱི་དབང་པོ་ནི་བྱ་རིན་ན་འཇམ་གྱི་ཤུན་པ་ལྟ་བུ། [6]ཡིད་ཀྱི་དབང་པོའོ། ། (2)ཕྱིའི་སྐྱེ་མཆེད་དྲུག་ནི། [1]གཟུགས། [2]སྒྲ། [3]དྲི། [4]རོ། [5]རེག་བྱ། [6]ཆོས་སོ། ། མིག་གི་དབང་པོ་དང་མིག་གི་སྐྱེ་མཆེད་དོན་གཅིག གཟུགས་ཕུང་དང་གཟུགས་གཉིས་དོན་གཅིག་ཀྱང་གཟུགས་ཀྱི་སྐྱེ་མཆེད་དང་། གཟུགས་གཉིས་དོན་མི་གཅིག་སྟེ། གཟུགས་ཀྱི་སྐྱེ་མཆེད་ནི། མིག་ཤེས་ཀྱི་གཟུང་བྱ་ཁོ་ན་སྟེ་ཁ་དོག་དང་དབྱིབས་ལྟ་བུའོ། ། སྒྲ་དང་སྒྲའི་སྐྱེ་མཆེད་དང་། རྣ་བའི་ཤེས་པས་བཟུང་བྱ་གསུམ་དོན་གཅིག་ཡིན་ལ། དེ་བཞིན་དྲི་དང་། རོ་དང་། རེག་བྱ་ལ་ཡང་འདྲའོ། ། ཕྱི་ནང་གི་སྐྱེ་མཆེད་དང་པོ་ལྔ་ནི། སྐྱེ་མཆེད་གཟུགས་ཅན་པ་བཅུའོ། ། སེམས་ཡིད་རྣམ་ཤེས་གསུམ་དོན་གཅིག་པས། མིག་གི་རྣམ་པར་ཤེས་པ་ནས། ཡིད་ཀྱི་བར་གཙོ་སེམས་གང་ཡིན་ཐམས་ཅད་ཡིད་ཀྱི་སྐྱེ་མཆེད་ཀྱི་ནང་དུ་འདུས། གཙོ་སེམས་ལས་གཞན་པའི་དབང་པོ་ལྔ་དང་། གཟུགས་སྒྲ་སོགས་དོན་ལྔ་དང་། སེམས་བྱུང་ཐམས་ཅད་དང་། འདུས་མ་བྱས་ཀྱི་ཆོས་ཐམས་ཅད་ཆོས་ཀྱི་སྐྱེ་མཆེད་ཀྱི་ནང་དུ་འདུའོ། ། 3.ཁམས་བཅོ་བརྒྱད་ནི། (1)མིག་སོགས་རྟེན་དབང་པོའི་ཁམས་དྲུག (2)མིག་གི་རྣམ་པར་ཤེས་པ་སོགས་བརྟེན་པ་རྣམ་པར་ཤེས་པའི་ཁམས་དྲུག ། (3)གཟུགས་སོགས་དམིགས་པ་ཡུལ་གྱི་ཁམས་དྲུག་གོ ། མདོར་ན་འདུས་བྱས་ཐམས་ཅད་ཕུང་པོ་ལྔའི་ནང་དུ་འདུས། ཤེས་བྱ་ཐམས་ཅད་སྐྱེ་མཆེད་བཅུ་གཉིས་ཀྱི་ནང་དུ་འདུ། དེ་བཞིན་ཁམས་བཅོ་བརྒྱད་ཀྱི་ནང་དུའང་འདུའོ། །
Tibetan Source	《ཀློང་རྡོལ་གསུང་འབུམ་》གླེགས་བམ་དང་པོ་ཤ་552.13ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number