202

Tibetan	ཆོས་ཀྱི་སྦྱིན་པས་སེམས་ཅན་རྣམས་སྡུད་པ་གཉིས།
Tibetan Alternate
Tibetan Definition	དེ་ཡང་། ཤེར་ཕྱིན་ཁྲི་པ་ལེའུ་ཉེར་དགུ་པ་ཆོས་ཀྱི་སྦྱིན་པའི་ལེའུ་ལས་བྱུང་བ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཀྱི་སྦྱིན་པས་སེམས་ཅན་རྣམས་སྡུད་པ་གཉིས་ཏེ། 1.འཇིག་རྟེན་པའི་ཆོས་ཀྱི་སྦྱིན་པ་ནི། གང་འཇིག་རྟེན་པའི་ཆོས་རྣམས་བརྗོད་པ་དང་། འཆད་པ་དང་། རབ་ཏུ་སྟོན་པ་དང་། རྣམ་པར་འབྱེད་པ་སྟེ། འདི་ལྟ་སྟེ། མི་སྡུག་པའི་ལེའུ་དང་། བསམ་གཏན་བཞི་དང་། ཚད་མེད་པ་བཞི་དང་། གཟུགས་མེད་པའི་སྙོམས་པར་འཇུག་པ་བཞི་དང་། མངོན་པར་ཤེས་པ་ལྔ་བརྗོད་པ་དང་། འཆད་པ་དང་། རབ་ཏུ་སྟོན་པ་དང་། རྣམ་པར་འབྱེད་པ་སྟེ། འདི་ནི་འཇིག་རྟེན་པའི་ཆོས་ཀྱི་སྦྱིན་པ་ཞེས་བྱའོ། ། ཅིའི་ཕྱིར་འཇིག་རྟེན་པ་ཡིན་ཞེ་ན། འཇིག་རྟེན་ལས་མི་འཕགས་པས་དེའི་ཕྱིར་འཇིག་རྟེན་པ་ཞེས་བྱའོ། ། 2.འཇིག་རྟེན་ལས་འདས་པའི་ཆོས་ཀྱི་སྦྱིན་པ་ནི། འཇིག་རྟེན་པའི་སྦྱིན་པ་དེ་བྱིན་ནས། རྣམ་གྲངས་དུ་མས་སེམས་ཅན་དེ་དག་བསམ་གཏན་དང་། ཚད་མེད་པ་དང་། གཟུགས་མེད་པའི་སྙོམས་པར་འཇུག་པ་དང་། མངོན་པར་ཤེས་པ་དེ་དག་ལས་འབྱེད་པར་བྱེད། ཟློག་པར་བྱེད་དེ། ཕྱེ་ཞིང་བཟློག་ནས་ཀྱང་ཐབས་ལ་མཁས་པས་འཕགས་པའི་ཆོས་ལ་འགོད་པར་བྱེད་དེ། འདི་ལྟ་སྟེ། དྲན་པ་ཉེ་བར་བཞག་བཞི་དང་། དེ་བཞིན་དུ་འཕགས་པའི་ལམ་ཡན་ལག་བརྒྱད་པའི་བར་དང་། རྣམ་པར་ཐར་པའི་སྒོ་གསུམ་ལ་འགོད་པར་བྱེད་དོ། ། དེ་བཞིན་དུ་རྒྱུན་དུ་ཞུགས་པའི་འབྲས་བུ་དང་། རང་བྱང་ཆུབ་ཀྱི་བར་ལ་འགོད་པར་བྱེད་དེ། འདི་ནི་འཇིག་རྟེན་ལས་འདས་པའི་ཆོས་ཀྱི་སྦྱིན་པ་ཡིན་ནོ། ། ཅིའི་ཕྱིར་དེ་འཇིག་རྟེན་ལས་འདས་པ་ཡིན་ཞེ་ན། འཇིག་རྟེན་ལས་བརྒལ་བ་དང་། འཇིག་རྟེན་རྣམས་ཀྱི་གོང་ན་འདུག་པའི་ཕྱིར་རོ། །
Tibetan Source	《ཤེར་ཕྱིན་》སྨད་ཆ་ཤ་352ན་3ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number