2088

Tibetan	ཡིད་ལས་བྱུང་བའི་ལུས་ནི་རྣམ་པ་གསུམ།
Tibetan Alternate
Tibetan Definition	དེ་ཡང་། ལང་གཤེགས་མདོ་ལས་སངས་རྒྱས་ཐམས་ཅད་ཀྱི་གསུང་གི་སྙིང་པོའི་མདོ་ལས་བྱུང་བ་སྟེ། 1.ཏིང་ངེ་འཛིན་གྱི་བདེ་བ་ལ་སྙོམས་པར་ཞུགས་པའི་ཡིད་ལས་བྱུང་བའི་ལུས་ནི། ས་གསུམ་པ་དང་། བཞི་པ་དང་། ལྔ་པ་ལ་ཏིང་ངེ་འཛིན་གྱི་བདེ་བ་ལ་སྙོམས་པར་ཞུགས་པའི་ཕྱིར་རང་གི་སེམས་རྣམ་པ་མང་པོ་དབེན་པར་སྤྱོད་པས་སེམས་ཀྱི་རྒྱ་མཚོ་ལ་གནས་ཏེ། རྣམ་པར་ཤེས་པའི་རླབས་ཀྱིས་མཚན་ཉིད་མི་འབྱུང་བས་རང་གི་སེམས་སྣང་བའི་ཡུལ་དངོས་པོ་ཡོད་པ་དང་། དངོས་པོ་ཡོངས་སུ་ཤེས་པ་ནི་ཏིང་ངེ་འཛིན་གྱི་བདེ་བ་སྙོམས་པར་ཞུགས་པའི་ཡིད་ལས་བྱུང་བའི་ལུས་ཞེས་བྱའོ། ། 2.ཆོས་ཀྱི་ངོ་བོ་ཉིད་རྟོགས་པའི་ཡིད་ལས་བྱུང་བའི་ལུས་ནི། ས་བརྒྱད་པ་ལ་སྒྱུ་མ་ལྟ་བུ་ལ་སོགས་པའི་ཆོས་ལ་སྣང་བ་མེད་པར་རྣམ་པར་ཁོང་དུ་ཆུད་པས་ལུས་དང་སེམས་གནས་ཤིན་ཏུ་གྱུར་ཏེ། སྒྱུ་མ་ལྟ་བུའི་ཏིང་ངེ་འཛིན་རབ་ཏུ་འཐོབ་པ་དང་། གཞན་ཡང་ཏིང་ངེ་འཛིན་གྱི་སྒོ་དང་། མཚན་མ་དང་། སྟོབས་དང་། དབང་དང་། མངོན་པར་ཤེས་པ་དཔག་ཏུ་མེད་པ་འཐོབ་སྟེ། མེ་ཏོག་ལྟར་རྒྱས་ཤིང་ཡིད་བཞིན་དུ་མགྱོགས་པ་དང་། སྒྱུ་མ་དང་། རྨི་ལམ་དང་། ཆུ་ཟླ་དང་། གཟུགས་བརྙན་ལྟ་བུ་འབྱུང་བ་ལས་གྱུར་པ་མ་ཡིན་ཡང་འབྱུང་བ་ལས་གྱུར་པ་དང་འདྲ་བ། གཟུགས་རྣམ་པ་སྣ་ཚོགས་ཐམས་ཅད་ཀྱིས་ཡན་ལག་ཕུན་སུམ་ཚོགས་པར་བརྒྱན་པ། སངས་རྒྱས་ཀྱི་ཞིང་ཐམས་ཅད་དུ་འཁོར་གྱི་དཀྱིལ་འཁོར་གྱི་རྗེས་སུ་འཇུག་པ། ཆོས་ཀྱི་ངོ་བོ་ཉིད་རྟོགས་པར་ཁོང་དུ་ཆུད་པའི་ཕྱིར་དེ་ནི་ཆོས་ཀྱི་ངོ་བོ་ཉིད་རྟོགས་པ་ལས་བྱུང་བའི་ལུས་ཞེས་བྱའོ། ། 3.རིས་སུ་ལྷན་ཅིག་སྐྱེས་པ་མངོན་པར་འདུ་བྱ་བ་མེད་པའི་ཡིད་ལས་བྱུང་བའི་ལུས་ནི། སངས་རྒྱས་ཀྱི་ཆོས་ཐམས་ཅད་རྟོགས་ཤིང་རང་གིས་ཐོབ་པའི་བདེ་བའི་མཚན་ཉིད་ལ་དམིགས་པ་དེ་ནི་རིས་སུ་ལྷན་ཅིག་སྐྱེས་པ་མངོན་པར་འདུ་བྱ་བ་མེད་པའི་ཡིད་ལས་བྱུང་བའི་ལུས་ཞེས་བྱ་སྟེ། ལུས་གསུམ་པོ་དེ་དག་གིས་མཚན་ཉིད་རབ་ཏུ་དབྱེ་བ་རྟོགས་པ་འདི་ལ་རབ་ཏུ་བརྩོན་པར་བྱའོ། །
Tibetan Source	《མདོ་ཅ་པ་》ཤ་388ན་2ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number