2603

Tibetan	དགའ་ལྡན་པའི་རྒུད་པ་བཞི།
Tibetan Alternate
Tibetan Definition	དེ་ཡང་། འཕགས་པ་དམ་པའི་ཆོས་དྲན་པ་ཉེ་བར་གཞག་པ་ལས་བྱུང་བ་སྟེ། 1.འདོད་པ་ལ་མངོན་པར་དགའ་བའི་ལྷ་གང་དག་ཡིན་པ་དེ་དག་རྣམས་མདོག་དང་། གཟུགས་དང་། ཆ་བྱད་དང་། རྒྱན་དམན་པར་འགྱུར་བ་ནི་དགའ་ལྡན་པ་རྣམས་ཀྱི་རྒུད་པ་དང་པོ་ཡིན་ནོ། ། 2.ཉེ་བར་ལོངས་སྤྱོད་པས་སྡུད་པ་དང་། དམ་པའི་ཆོས་ཉན་པའི་དབང་དུ་བྱས་ནས་བརྒྱ་སྟོང་བྱེ་བ་ཕྲག་དུ་མའི་འཁོར་རྣམས་བྱང་ཆུབ་སེམས་དཔའ་ལྔ་བརྒྱས་རྣམ་པར་བརྒྱན་པ་ལ་གང་ཡང་དགའ་ལྡན་གྱི་མངའ་བདག་ཉེ་བར་ཞི་བས་དམ་པའི་ཆོས་སྟོན་པར་བྱེད་དོ། ། འདི་ལྟ་སྟེ། མ་རིག་པའི་རྐྱེན་གྱིས་འདུ་བྱེད་རྣམས་ཞེས་བྱ་བ་རྒྱས་པར་རོ། ། དམ་པའི་ཆོས་དེ་དག་ཐོས་ནས་ཀྱང་ལྷ་གང་དག་ཡིད་ལེགས་པར་གཏོད་པ་དང་རབ་ཏུ་དང་བའི་ཡིད་ཀྱིས་ཉན་པར་བྱེད་པ་དེ་དག་རྣམས་ཀྱི་གཟི་བརྗིད་དང་། ཆ་བྱད་དང་། རྒྱན་དང་། གཟུགས་དེ་དག་རྣམས་བརྒྱ་སྟོང་འགྱུར་དུ་ཤིན་ཏུ་ལྷག་པར་འཕེལ་བར་འགྱུར་རོ། ། གང་ཡང་སེམས་ཀྱིས་ཀོ་ཀྲོག་ཏུ་གྱུར་པ་གློག་དང་ཟོ་ཆུན་ལྟར་ཀུན་ཏུ་འཁོར་བ་དེ་དག་རྣམས་ནི། སྲེད་པའི་ཡུལ་གྱི་དབང་གིས་ཀུན་ཏུ་ཁྲིད་པར་གྱུར་པ་དེ་དག་རྣམས་ཀྱི་གཟི་བརྗིད་དེ་དག་དང་། ཆ་བྱད་དང་། རྒྱན་དང་། གཟུགས་ཀྱང་ཟིལ་གྱིས་གནོན་པར་འགྱུར་བ་འདི་ནི་རྒུད་པ་གཉིས་པ་ཡིན་ནོ། ། 3.རྩེད་མོ་བྱེད་པའི་ལྷ་རྣམས་ཀྱི་གཞན་ཡང་ལྟུང་བ་གསུམ་པ་ཡོད་དེ། ལྷ་དེ་དག་རྣམས་ཉིད་ལས་ལྷ་གང་དག་ཉན་པ་གུས་པའི་ཡིད་ཅན་རྣམས་ཀྱིས་ཆོས་ཀྱི་མཚན་ཉིད་རྣམས་ཇི་ལྟ་བ་བཞིན་དུ་རྟོགས་པར་འགྱུར་བ་དེའི་དུས་ན་ཡིད་དེ་ལ་སོང་བར་གྱུར་པ་དེ་དག་རྣམས་ཀྱི་འོད་ཀུན་ཏུ་གང་བ་དང་། ཕྱིར་ཞིང་ཆེས་ལྷག་པར་གྱུར་པས་མངོན་པར་ཟིལ་གྱིས་གནོན་པར་བྱེད་དོ། ། ལྷག་མ་རྣམས་ཀྱི་ནི། དེ་བཞིན་དུ་མངོན་པར་རྒྱས་པར་མི་འགྱུར་བ་འདི་ནི་རྒུད་པ་གསུམ་པའོ། ། 4.དེའི་ཚེ་ཉིད་ལ་ལྷ་གང་དག་དམ་པའི་ཆོས་ཉན་པ་ལ་གུས་པ་ལེགས་པར་སྐྱེས་པར་གྱུར་ཅིང་རྣ་བའི་ཁུང་བུ་ཤིན་ཏུ་ཕྱོགས་པར་ཡིད་རྩེ་གཅིག་ཏུ་གྱུར་པས་ཆོས་ཀྱི་མཚན་ཉིད་ཀུན་ཤེས་པར་བྱེད་པ་ལ་ཆེད་ཆེར་བྱེད་པ་ཆོས་དེ་དག་རྣམས་འཛིན་པར་བྱེད་དོ། ། ཡིད་ལ་རབ་ཏུ་འཇོག་པར་བྱེད་དོ། ། དེ་ཁོ་ན་བཞིན་དུ་རྗེས་སུ་འཇོག་གོ ། དུས་ཡུན་རིང་དུ་ཡིད་ལ་ཀུན་ཏུ་བཟུང་ནས་རབ་ཏུ་སྒྲུབ་པར་བྱེད་དོ། ། ཆོས་ལ་ཇི་ལྟ་བ་བཞིན་དུ་གུས་པ་སྐྱེས་པ་དེ་དག་རྣམས་ཆོས་ཉན་པའི་མཐུ་སྟོབས་ཀྱིས་ཕྱིར་ཞིང་ཤིན་ཏུ་ལྷག་པ་ཉིད་དུ་གཟི་བརྗིད་དང་། ཆ་བྱད་དང་། རྒྱན་འགྱུར་ཏེ། ཐམས་ཅད་ཀྱང་བརྒྱ་ལོག་ཏུ་འགྱུར་རོ། དེ་དག་རྣམས་ཀྱི་གཟི་བརྗིད་དེ་དག་མངོན་པར་འཕེལ་བར་གྱུར་པ་རྣམས་ཡང་དག་པར་མངོན་པར་མཐོང་ནས་ལྷ་གང་དག་ཤིན་ཏུ་ཡང་ལྷག་པར་མོས་པ་དམན་པའི་ཡིད་ཅན་དེ་དག་ངོ་ཚ་བར་འགྱུར་བ་འདི་ནི། རྒུད་པ་བཞི་པ་ཡིན་ནོ། །
Tibetan Source	《མདོ་ཡ་པ་》ཤ་216ན་7ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number