2801

Tibetan	མངལ་དུ་འཇུག་པར་མི་འགྱུར་བ་བཞི།
Tibetan Alternate
Tibetan Definition	དེ་ཡང་། དཀོན་བརྩེགས་ལེའུ་བཅུ་གསུམ་པ་མངལ་དུ་འཇུག་པ་བསྟན་པའི་ལེའུ་ལས་བྱུང་བ་རྐྱེན་དང་མི་ལྡན་པ་སྟེ། 1.ཕ་དང་། མ་གཉིས་ཀ་ཡང་ཆགས་པའི་སེམས་བྱུང་བར་གྱུར་ལ། བར་མ་དོའི་ཕུང་པོ་ཡང་མངོན་དུ་གྱུར་ཅིང་སྐྱེ་བའི་གནས་ཡོངས་སུ་ཚོལ་བར་བྱེད་ཀྱང་ཕ་མ་དེ་དག་གི་འདུ་འཕྲོད་སྔ་ཕྱིར་གྱུར་ཅིང་དུས་གཅིག་ཏུ་བྱུང་བར་མ་གྱུར་ཏམ། སོ་སོའི་ལུས་ལ་ནད་རྣམས་ལྡན་པར་གྱུར་ན་ཡང་མངལ་དུ་འཇུག་པར་མི་འགྱུར་རོ། ། 2.གལ་ཏེ་མ་ལ་མངལ་རླུང་དང་། མཁྲིས་པ་དང་། བད་ཀན་དང་། ཁྲག་གིས་ཉེ་བར་ནོན་པར་གྱུར་ཏམ། མཚམས་ཤས་གང་བའམ། སྨན་གྱིས་གང་བའམ། དབུས་ནས་འདྲ་བའམ། གྲོག་མོའི་རྐེད་པ་འདྲ་བའམ། རྔ་མོའི་ཁ་འདྲ་བའམ། ཤིང་རྟའི་ཚིགས་པ་བཞིན་སོག་ཁར་འདུག་པའམ། ཤིང་རྟའི་སྲོག་ཤིང་ལྟ་བུར་འདུག་པའམ། ཤིང་རྟའི་ལྟེ་བའི་ཁ་ལྟ་བུར་འདུག་པའམ། ཤིང་ལོ་ལྟ་བུར་གྱུར་པའམ། སྤ་ལྟ་བུར་གྱུ་གྱུར་འཁྱིལ་བར་གྱུར་ཏམ། མངལ་གྱི་ནང་ནས་ཀྱི་གྲ་མ་སྐྱེས་པ་ལྟ་བུར་གྱུར་ཏམ། ཁུ་ཚུ་དང་ཁྲག་མང་དུ་འཛག་ཅིང་སྐད་ཅིག་ཡུད་ཙམ་ཡང་འདུག་ཏུ་མི་བཏུབ་པར་གྱུར་ཏམ། ཐུར་དུ་འཛག་པར་གྱུར་ཏམ། མངལ་གྱི་ལམ་རྩུབ་པར་གྱུར་ཏམ། སྟེང་དུ་ཡངས་པའམ། འོག་ཏུ་ཡངས་པའམ། ཡོ་བའམ། ཟབ་པ་མ་ཡིན་པའམ། རྡོལ་ནས་ཟགས་པའམ། མཐོ་བའམ། དམའ་བའམ། ཐུང་ཞིང་དོག་པའམ། ནད་སྣ་ཚོགས་དང་བཅས་པར་གྱུར་ནའང་མངལ་དུ་འཇུག་པར་མི་འགྱུར་རོ། ། 3.གལ་ཏེ་ཕ་མ་གཉིས་ཆོ་རིགས་བཙུན་ཞིང་བསོད་ནམས་ཆེན་པོ་དང་ལྡན་པར་གྱུར་ལ། བར་མ་དོའི་ཕུང་པོ་བསོད་ནམས་ཆུང་བ་དང་། བར་མ་དོའི་སྲིད་པ་ཆོ་རིགས་བཙུན་ཞིང་བསོད་ནམས་ཆེན་པོ་དང་ལྡན་པར་གྱུར་ལ། ཕ་མ་བསོད་ནམས་ཆུང་བར་གྱུར་ཏམ། གཉིས་ཀ་བསོད་ནམས་དང་ལྡན་ཡང་ཕན་ཚུན་ཕྲད་པར་འགྱུར་བའི་ལས་བསགས་པར་མ་གྱུར་ནའང་མངལ་དུ་འཇུག་པར་མི་འགྱུར་རོ། ། 4.འདི་ལྟར་བར་མ་དོའི་ཕུང་པོ་དེ་མངལ་དུ་འཇུག་པར་འགྱུར་བ་ན་ཐོག་མ་ཁོ་ནར་ཕྱིན་ཅི་ལོག་གི་སེམས་རྣམ་པ་གཉིས་འབྱུང་བར་འགྱུར་ཏེ། གཉིས་གང་ཞེ་ན། ། (1)ཕ་མ་གཉིས་ཕྲད་པར་གྱུར་པའི་ཚེ་གལ་ཏེ་ཕོར་འགྱུར་བ་ཞིག་ཡིན་ན་ནི། མ་ལ་ནི། ཆགས་པ་སྐྱེ་བར་འགྱུར་ལ། ཕ་ལ་ནི། ཞེ་སྡང་སྐྱེ་བར་འགྱུར་ཏེ། ཕའི་ཁུ་བ་བྱུང་ན་། འདི་ནི་བདག་གི་ཡིན་ནོ། ། སྙམ་དུ་སེམས་སོ། ། (2)གལ་ཏེ་མོར་འགྱུར་བ་ཞིག་ཡིན་ན་ནི། ཕ་ལ་ནི། ཆགས་པ་སྐྱེ་བར་འགྱུར་ལ། མ་ལ་ནི། ཞེ་སྡང་སྐྱེ་བར་འགྱུར་ཏེ། མའི་ཁུ་བ་བྱུང་ན། འདི་ནི་བདག་གི་ཡིན་ནོ། ། སྙམ་དུ་སེམས་པས། གལ་ཏེ་འདི་ལྟ་བུའི་ཞེ་སྡང་དང་། ཆགས་པའི་སེམས་སྐྱེས་པར་མ་གྱུར་ན། མངལ་དུ་འཇུག་པར་མི་འགྱུར་བའོ། །
Tibetan Source	《དཀོན་བརྩེགས་ག་པ་》ཤ་381བ་2ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number