2989

Tibetan	ཉོན་མོངས་པའི་ཀློང་རྣམ་པར་གཅོད་པའི་ཆོས་ཀྱི་སྒོ་བཞི།
Tibetan Alternate
Tibetan Definition	དེ་ཡང་། འཕགས་པ་ཤིན་ཏུ་རྒྱས་པ་ཆེན་པོའི་སྡེ་ཉི་མའི་སྙིང་པོའི་མདོ་ལས་བྱུང་བ་སྟེ། 1.སེམས་ཀྱི་ཉོན་མོངས་པའི་ཀློང་རྣམ་པར་གཅོད་པའི་ཆོས་ཀྱི་སྒོ་ནི། མཁས་པ་རྣམས་ནི། བུད་མེད་དང་སྐྱེས་པར་ཤེས་ནས་མི་སྡུག་པའི་འདུ་ཤེས་སྐྱེད་པར་བྱེད་དོ། ། སྐྲ་མེད་པ་དང་། པགས་ཤུན་དང་། རྒྱུས་པ་དང་། ཁྲག་མེད་པ་དང་། རུས་པ་དང་། མིའི་ཐོད་པ་དཀར་པོ་ཡིད་ལ་བྱེད། ཀུན་ཏུ་སྟེན་པར་བྱེད་ཅིང་དེ་སྒོམ་པར་བྱེད། ལན་མང་དུ་བྱེད་དོ། ། བུད་མེད་ཀྱི་གཟུགས་ལ་ཇི་ལྟ་བར་སྐྱེས་པའི་གཟུགས་ལའང་དེ་བཞིན་ནོ། ། མདུན་དུ་ཇི་ལྟ་བར་ཐག་རིང་དུའང་དེ་བཞིན་ནོ། ། ཐག་རིང་དུ་ཇི་ལྟ་བར་མདུན་དུའང་དེ་བཞིན་ནོ། གཞན་ཇི་ལྟ་བར་བདག་གིའང་དེ་བཞིན་དུ་རུས་པའི་ཕུང་པོ་དཀར་པོ་དང་། སྐྲ་མེད་པ་དང་། པགས་ཤུན་དང་། རྒྱུས་པ་དང་། ཤ་དང་། ཁྲག་མེད་པར་ཡིད་ལ་བྱས་ཤིང་རིག་ པར་བྱས་ལ་ལན་མང་དུ་བྱས་པས་དེར་སེམས་ཤིན་ཏུ་གནས་པ་ཡིན། ཤིན་ཏུ་བསྒོམས་པ་དང་། ཤིན་ཏུ་ཡིད་ལ་བྱས་པ་ཡིན་ཏེ། འདི་ནི་སེམས་ཀྱི་ཉོན་མོངས་པའི་ཀློང་ཡང་དག་པར་གཅོད་པ་དང་པོའོ། ། 2.ཞི་གནས་དང་རྗེས་སུ་མཐུན་པ་ཉོན་མོངས་པའི་ཀློང་རྣམ་པར་གཅོད་པ་དང་། འདོད་ཆགས་རྣམ་པར་གཅོད་པའི་ཆོས་ཀྱི་སྒོ་ནི། ཡང་རུས་གོང་གི་ཕུང་པོ་དེ་ལ་སེམས་ཡང་དག་པར་གཏོད་པར་བྱེད་དེ། སྨིན་མཚམས་སུ་རྒྱ་ཤུག་ཙམ་དེ་ལ་དྲན་པ་གཞོག་པར་བྱེད་ཅིང་སེམས་སྒོམ་པར་བྱེད། ལན་མང་དུ་བྱེད་དོ། ། ཞེས་བྱ་བ་ནས་དེའི་སེམས་ཤིན་ཏུ་གནས་པ་ཡིན་ཏེ། ཤིན་ཏུ་བསྒོམས་པ་དང་། ཤིན་ཏུ་ཡིད་ལ་བྱས་པའི་བར་ཡིན་ནོ། ། དེ་ལ་དེའི་སེམས་ཤིན་ཏུ་སྦྱངས་པ་ཡིན། ལུས་ཤིན་ཏུ་སྦྱངས་པ་ཡིན་ཏེ། ཇི་ལྟར་སེམས་ཤིན་ཏུ་སྦྱངས་པ་ཡིན་ཞེ་ན། ཐམས་ཅད་ཐམས་ཅད་དུ་རྣམ་པར་ཞི་བར་བྱེད་དོ། ། དེ་ཅུང་ཟད་ཡིད་ལ་བྱེད་པ་ཡིན། དེ་ཅུང་ཟད་ཡང་དག་པར་ཤེས་པ་ཡིན། དེ་ཅུང་ཟད་དམིགས་པར་བྱེད་པ་ཡིན་ཏེ། འདི་ནི་ཞི་གནས་དང་། རྗེས་སུ་མཐུན་པ་ཉོན་མོངས་པའི་ཀློང་རྣམ་པར་གཅོད་པའི་ཆོས་ཀྱི་སྒོ་གཉིས་པའོ། ། 3.འགོག་པ་ལ་དམིགས་པའི་ཉོན་མོངས་པའི་ཀློང་རྣམ་པར་གཅོད་པའི་ཆོས་ཀྱི་སྒོ་ནི། ཇི་ལྟར་ལུས་ཤིན་ཏུ་སྦྱངས་པ་ཡིན་ཞེ་ན། དེ་བཞིན་དུ་སྒོམ་པའི་དབུགས་རྔུབ་པ་དང་དབུགས་ཕྱུང་བ་རྣམ་པར་ཞི་བར་བྱེད་ཅིང་འཇུག་པར་ཡང་མི་བྱེད། འབྱུང་བར་ཡང་མི་བྱེད་དོ། ། དེ་ལུས་དང་སེམས་ཤིན་ཏུ་སྦྱངས་ཤིང་ཞི་གནས་ལ་རྗེས་སུ་བརྩོན་པ་འགོག་པ་ལ་དམིགས་པ་ཡིན་ཏེ། འདི་ནི་འགོག་པ་ལ་དམིགས་པའི་ཉོན་མོངས་པའི་ཀློང་རྣམ་པར་གཅོད་པའི་ཆོས་ཀྱི་སྒོ་གསུམ་པའོ། ། 4.ཞི་གནས་ལ་རབ་ཏུ་བརྩོན་པ་དང་། འགོག་པ་ལ་དམིགས་པ་དང་། ཉོན་མོངས་པའི་ཀློང་རྣམ་པར་གཅོད་པའི་ཆོས་ཀྱི་སྒོ་ནི། ཡང་གང་གི་སེམས་རྒོད་པ་མྱུར་དུ་ཞི་གནས་དང་མཐུན་པར་བྱུང་བ་དེ་མགོ་ཐོད་ཀྱི་མཚོག་མར་རྒྱུ་ཤུག་གི་འབྲས་བུ་ཙམ་ལ་གནས་གཅིག་ཏུ་སེམས་ཉེ་བར་གཏོད་པར་བྱེད་ཅིང་སྒོམ་པར་བྱེད། ལན་མང་དུ་བྱེད་དོ། ། དེར་བུ་གའི་བར་དུ་མཐོང་བར་བྱེད་ཅིང་སྒོམ་པར་བྱེད། ལན་མང་དུ་བྱེད་དོ། ། དེར་ཡང་བྱེ་མའི་འབྲུ་ཙམ་གྱི་རུས་གོང་གི་ཕྱེ་མར་བྱེད། མཐོང་བར་བྱེད་ཅིང་རིམ་པ་དེ་གཉིས་པ་དང་གསུམ་པ་ཞེས་བྱ་བ་ནས་མགོའི་ཐོད་པ་ཐམས་ཅད་རུས་གོང་གི་ཕྱི་མའི་བར་དུ་ཡང་དག་པར་རྗེས་སུ་མཐོང་བར་བྱེད། དེ་དག་ཀྱང་རླུང་གིས་ཁྱེར་བར་ཡང་དག་པར་རྗེས་སུ་མཐོང་བར་བྱེད་པ་ནས་ཐམས་ཅད་ནམ་མཁའ་སྟོང་པ་ཉིད་དུ་མཐོང་བའི་བར་དུ་བྱེད་དོ ། དེ་ལ་ལུས་ཤིན་ཏུ་སྦྱངས་པ་དང་། སེམས་ཤིན་ཏུ་སྦྱངས་པ་འདི་ནི་ཞི་གནས་ལ་རབ་ཏུ་བརྩོན་པ་དང་། འགོག་པ་ལ་དམིགས་པ་དང་། ཉོན་མོངས་པའི་ཀློང་རྣམ་པར་གཅོད་པའི་ཆོས་ཀྱི་སྒོ་བཞི་པའོ། །
Tibetan Source	《མདོ་ཝ་པ་》ཤ་239ན་2ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number