3200

Tibetan	དེ་བཞིན་གཤེགས་པ་ལ་མར་མེ་ཕུལ་བས་ཡོངས་སུ་དག་པ་འཐོབ་པ་བཞི།
Tibetan Alternate
Tibetan Definition	དེ་ཡང་། འཕགས་པ་དེ་བཞིན་གཤེགས་པ་ལ་མར་མེ་འབུལ་བའི་མདོ་ལས་བྱུང་བ་སྟེ། 1.རིགས་ཀྱི་བུའམ། རིགས་ཀྱི་བུ་མོ་དེ་སྐྱེ་བའི་གནས་དེ་དང་། དེ་དག་ཏུ་སྐྱེས་པ་ན་སྲོག་གཅོད་པ་སྤོང་བར་འགྱུར་ཏེ། དེ་སྲོག་གཅོད་པར་མི་བྱེད་དོ། ། མ་བྱིན་པར་མི་ལེན་ཏོ། ། འདོད་པས་ལོག་པར་གཡེམ་པ་སྤོང་བར་འགྱུར་ཏེ། རང་གི་ཆུང་མ་ལའང་ལོག་པར་མི་སྟེན་ཏོ། ། འབྲུའི་ཆང་དང་། བཙོས་པའི་ཆང་བཏུང་བ་སྤོང་བར་བྱེད་དོ། ། སེམས་ཅན་གང་ལའང་དབྱུག་པའམ། མཚོན་ནམ། བོང་བའམ། ཁུ་ཚུར་རམ། མཚོན་ཆར་གྱུར་པ་གང་ཡང་རུང་བས་རྣམ་པར་འཚེ་བར་མི་བྱེད་ཅིང་དེ་སྡིག་པ་མི་དགེ་བའི་ཆོས་རྣམས་ལས་ཟློག་པར་འགྱུར་ཏེ། དེ་དག་ནི་ལུས་ཀྱི་ཡོངས་སུ་དག་པ་ཞེས་བྱའོ། ། 2.དེ་ལ་ངག་གི་ཡོངས་སུ་དག་པ་གང་ཞེ་ན། དེ་བརྫུན་དུ་སྨྲ་བ་སྤངས་པ་ཡིན་ཏེ། དེ་མ་མཐོང་བའམ། མ་ཐོས་པ་བརྗོད་པར་མི་བྱེད་ལ། མཐོང་བ་དང་། ཐོས་པ་དྲིས་པའང་དུས་མ་ཡིན་པར་སྨྲ་བར་མི་བྱེད་དེ། དེ་མཐོང་བའམ། ཐོས་པ་དྲིས་ན་ཡང་དག་པར་སྨྲ་བར་བྱེད་དེ། དེ་བདག་གི་དོན་ནམ། གཞན་གྱི་དོན་དུའང་རུང་སྟེ་ལོག་པར་མི་སྨྲའོ། ། གཞན་དག་གིས་བརྫུན་དུ་སྨྲ་བ་བཅོལ་བའི་ཚེ་ཡང་དག་པར་ཤེས་ན་བདེན་པ་སྲུང་བར་བྱེད་དེ། ངག་གི་ཡོངས་སུ་མ་དག་པ་དེ་དག་སྤོང་བར་བྱེད་དོ། ། དེ་དེ་དག་དབྱེ་བའི་ཕྱིར་འདི་ནས་ཐོས་པ་ཕ་གིར་མི་རྙེད། དེ་དགུ་དབྱེ་བའི་ཕྱིར་ཕ་གི་ནས་ཐོས་པ་འདིར་མི་སྟོད་དེ། མཐུན་པ་རྣམས་ནི་གཅུགས་པར་བྱེད་ཅིང་བྱེ་བ་རྣམས་ལ་ནི་སྡུམས་བྱེད་དོ། ། དེ་ངག་རྩུབ་པོ་སྤངས་པ་ཡིན་ཏེ། ངག་གང་ཞེར་འདེབས་པ། བརླང་བ། གཞན་ལ་རྩུབ་པ། གཞན་ལ་མི་བདེ་བ། མི་སྡུག་པ། མི་འདོད་པ། མི་དགའ་བ། ཡིད་དུ་མི་འོང་བ། གཞན་ལ་གནོད་པ། འཁོན་དུ་འཛིན་པའི་ངག་དེ་ལྟ་བུ་སྤངས་ནས་ངག་མཉན་པ། འཇམ་པ། ཡིད་དུ་འོང་བ། བདེན་པ། རྣར་སྙན་པ། སྙིང་དུ་སྡུག་པ། མཛའ་བར་གྱུར་པ། སྐྱེ་བོ་མང་པོ་མགུ་བ། སྐྱེ་བོ་མང་པོ་འདོད་པ། དགའ་བ། ཡིད་དུ་འོང་བ། དགྲ་ཐམས་ཅད་རབ་ཏུ་ཞི་བར་བྱེད་པ་དེ་ལྟ་བུའི་ངག་སྨྲའོ། ། དེ་ཚིག་ཀྱལ་པ་སྤངས་པ་ཡིན་ཏེ། དེ་སྣང་བར་བྱ་བ་གཞན་དང་མི་སྨྲ་བ་ཡིན། དེ་གཞན་གྱི་ལག་རྩིས་དང་། བརྡ་སྤྲོད་པར་བྱེད་དོ། ། དེ་མང་དུ་སྨྲ་བར་མི་བྱེད། དུས་མ་ཡིན་པར་སྨྲ་བར་མི་བྱེད་ལ། མྱ་ངན་ལས་འདས་པ་དང་མི་ལྡན་པའི་ཚིག་མི་སྨྲ་སྟེ། དེ་ལྟར་དེ་ངག་གི་ལས་ཡོངས་སུ་མ་དག་པ་སྤོང་བ་འདི་ནི། ངག་གི་ལས་ཡོངས་སུ་དག་པ་ཞེས་བྱའོ། ། 3.དེ་ཡིད་ཀྱི་ལས་ཡོངས་སུ་མ་དག་པ་སྤོང་བ་ཡིན་ཏེ། དེ་བརྣབ་སེམས་སུ་མི་བྱེད་ཅིང་དེ་གཞན་གྱི་ནོར་དང་། གཞན་གྱི་རྗེས་དང་། གཞན་གྱི་ཡོ་བྱད་དག་ལ་བརྣབ་སེམས་མི་སྐྱེད་དོ། ། དེ་གནོད་སེམས་མི་བྱེད་དེ། གནོད་སེམས་སྤོང་བ་ཡིན་ནོ། ། ལོག་པར་ལྟ་བའང་སྤོང་སྟེ། སྡིག་པའི་ལྟ་བ་ཅན་མ་ཡིན་ནོ། ། དེ་ལྟར་ཡིད་ཀྱི་ལས་ཡོངས་སུ་མ་དག་པ་སྤོང་བ་འདི་ནི་ཡིད་ཀྱི་ལས་ཡོངས་སུ་དག་པ་ཞེས་བྱའོ། ། 4.མཛའ་བཤེས་ཡོངས་སུ་དག་པའང་འཐོབ་སྟེ། གང་དག་བརྫུན་དུ་སྨྲ་བ་དང་། འབྲུའི་ཆང་དང་། བཅོས་པའི་ཆང་བཏུང་བ་སྤོང་བ་དང་། མི་རྩུབ་པ་དང་། མི་བརླང་བ་དང་། ལེགས་པར་སྡོམ་པ་དང་། ཡང་དག་པའི་ལྟ་བ་ཅན་དེ་དག་ལ་སྟེན་ཅིང་གོང་དུའང་སངས་རྒྱས་བཅོམ་ལྡན་འདས་རྣམས་དང་། བྱང་ཆུབ་སེམས་དཔའ་རྣམས་དང་། རང་སངས་རྒྱས་དང་། ཉན་ཐོས་རྣམས་ལའང་སྟེན་ཅིང་བསྙེན་ལ་བསྙེན་བཀུར་བྱེད་དེ། འདི་ནི་ཡོངས་སུ་དག་པ་བཞི་པ་སྟེ་མཛའ་བཤེས་ཡོངས་སུ་དག་པ་ཞེས་བྱའོ། །
Tibetan Source	《མདོ་མ་པ་》ཤ་136ན་1ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number