3679

Tibetan	བྱང་ཆུབ་སེམས་དཔའ་བཞི།
Tibetan Alternate
Tibetan Definition	དེ་ཡང་། འཕགས་པ་བློ་གྲོས་རྒྱ་མཚོས་ཞུས་པའི་མདོ་ལས་བྱུང་བ་སྟེ། 1.སེམས་དང་པོ་བསྐྱེད་པའི་བྱང་ཆུབ་སེམས་དཔའ་གང་ཡིན་པ་དེས་ནི། དེ་བཞིན་གཤེགས་པ་ལ་གཟུགས་དང་མཚན་དུ་མཐོང་ངོ་། ། 2.སྤྱོད་པ་ལ་ཞུགས་པའི་བྱང་ཆུབ་སེམས་དཔའ་གང་ཡིན་པ་དེས་ནི། དེ་བཞིན་གཤེགས་པ་ལ་ཡོན་ཏན་ཡོངས་སུ་གྲུབ་པར་མཐོང་ངོ་། ། 3.ཕྱིར་མི་ལྡོག་པའི་བྱང་ཆུབ་སེམས་དཔའི་གང་ཡིན་པ་དེས་ནི། དེ་བཞིན་གཤེགས་པ་ལ་ཆོས་ཀྱི་སྐུས་རབ་ཏུ་ཕྱེ་བར་མཐོང་ངོ་། ། 4.སྐྱེ་བ་གཅིག་གིས་ཐོགས་པའི་བྱང་ཆུབ་སེམས་དཔའ་གང་ཡིན་པ་དེས་ནི། དེ་བཞིན་གཤེགས་པ་ལ་གཟུགས་དང་། མཚན་དང་། ཡོན་ཏན་ཡོངས་སུ་གྲུབ་པ་དང་། སྐྱེ་བ་དང་། རིགས་དང་། རུས་དང་། ཆོས་ཉིད་དུ་ཁས་མི་ལེན་ཏོ། ། དེ་ཅིའི་ཕྱིར་ཞེ་ན། དེའི་མིག་ནི། ཤེས་རབ་ཀྱིས་རྣམ་པར་ལྟ་བའོ། ། ཤེས་རབ་ལ་གནས་པའོ། ། ཤེས་རབ་ཏུ་ཡང་དག་པར་འདུ་བའོ། ། ཤེས་རབ་ཀྱང་རྒྱུ་བ་མེད་པའི་སྤྲོས་པ་མེད་པ་སྟེ། དེ་ནི། མཐོང་བ་མ་ཡིན། མི་མཐོང་བ་ཡང་མ་ཡིན་ནོ། དེ་ཅིའི་ཕྱིར་ཞེ་ན། མཐོང་བ་དང་། མི་མཐོང་བ་དེ་གཉི་གའང་མཐའ་སྟེ། མཐོང་བ་དང་། མི་མཐོང་བའི་མཐའ་གཉིས་དང་བྲལ་བ་ནི། སངས་རྒྱས་མཐོང་བའོ། ། གང་སངས་རྒྱས་མཐོང་བ་དེ་བདག་མཐོང་བ་སྟེ། བདག་མཐོང་བ་རྣམ་པར་དག་པས་སངས་རྒྱས་མཐོང་བ་རྣམ་པར་དག་པ། སངས་རྒྱས་མཐོང་བ་རྣམ་པར་དག་པས་ཆོས་ཐམས་ཅད་མཐོང་བ་རྣམ་པར་དག་པར་ཁོང་དུ་ཆུད་པར་བྱའོ། ། གང་མཐོང་བ་རྣམ་པར་དག་པ་དེ་ལ་ཡེ་ཤེས་མཐོང་བ་འདི་ནི། སངས་རྒྱས་མཐོང་བ་ཞེས་བྱའོ། །
Tibetan Source	《མདོ་ན་པ་》ཤ་125ན་5ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number