382

Tibetan	འདུས་བྱས་དང་འདུས་མ་བྱས་ཀྱི་དབྱེ་བ་གཉིས།
Tibetan Alternate
Tibetan Definition	དེ་ཡང་། འདུས་བྱས་དང་འདུས་མ་བྱས་རྣམ་པར་ངེས་པ་ལས་བྱུང་བ་ལྟར་ན་ཁག་བཅོ་བརྒྱད་ཡོད་པ་སྟེ། ཁག་དང་པོ། 1.འདུས་བྱས་ནི་མི་རྟག་པ་ཉིད་དོ། ། 2.འདུས་མ་བྱས་ནི་རྟག་པ་ཉིད་དོ། ། ཁག་གཉིས་པ། 1.འདུས་བྱས་ནི་ཀུན་རྫོབ་ཀྱི་བདེན་པའོ། ། 2.འདུས་མ་བྱས་ནི་དོན་དམ་གྱི་བདེན་པའོ། ། ཁག་གསུམ་པ། 1.འདུས་བྱས་ནི་རྟེན་ཅིང་འབྲེལ་བར་འབྱུང་བའོ། ། 2.འདུས་མ་བྱས་ནི་རྟེན་ཅིང་འབྲེལ་བར་འབྱུང་བ་མ་ཡིན་པའོ། ། ཁག་བཞི་པ། 1.འདུས་བྱས་ནི་བླ་ན་ཡོད་པའོ། ། 2.འདུས་མ་བྱས་ནི་བླ་ན་མེད་པའོ། ། ཁག་ལྔ་པ། 1.འདུས་བྱས་ནི་འཇིག་རྟེན་དང་འཇིག་རྟེན་ལས་འདས་པའོ། ། 2.འདུས་མ་བྱས་ནི་འཇིག་རྟེན་ལས་འདས་པ་ཁོ་ནའོ། ། ཁག་དྲུག་པ། 1.འདུས་བྱས་ནི་གཟུགས་ཅན་དང་གཟུགས་ཅན་མ་ཡིན་པའོ། ། 2.འདུས་མ་བྱས་ནི་གཟུགས་ཅན་མ་ཡིན་པ་ཁོ་ནའོ། ། ཁག་བདུན་པ། 1.འདུས་བྱས་ནི་ཟག་པ་དང་བཅས་པའོ། ། 2.འདུས་མ་བྱས་ནི་ཟག་པ་མེད་པ་ཁོ་ནའོ། ། ཁག་བརྒྱད་པ། 1.འདུས་བྱས་ནི་ཉོན་མོངས་པ་ཅན་དང་ཉོན་མོངས་པ་ཅན་མ་ཡིན་པའོ། ། 2. འདུས་མ་བྱས་ནི་ཉོན་མོངས་པ་ཅན་མ་ཡིན་པ་ཁོ་ནའོ། ། ཁག་དགུ་པ། 1.འདུས་བྱས་ནི་ཀུན་ནས་ཉོན་མོངས་པ་དང་རྣམ་པར་བྱང་བ་པའོ། ། 2.འདུས་མ་བྱས་ནི་རྣམ་པར་བྱང་བ་པ་ཁོ་ནའོ། ། ཁག་བཅུ་པ། 1.འདུས་བྱས་ནི་སྤང་བྱ་དང་བླང་བྱའོ། ། 2.འདུས་མ་བྱས་ནི་བླང་བྱ་ཁོ་ནའོ། ། ཁག་བཅུ་གཅིག་པ། 1.འདུས་བྱས་ནི་བརྟེན་པར་བྱ་བ་དང་བརྟེན་པར་བྱ་བ་མ་ཡིན་པའོ། ། 2.འདུས་མ་བྱས་ནི་བརྟེན་པར་བྱ་བ་མ་ཡིན་པ་ཁོ་ནའོ། ། ཁག་བཅུ་གཉིས་པ། 1.འདུས་བྱས་ནི་དགེ་བ་དང་མི་དགེ་བ་དང་ལུང་དུ་མ་བསྟན་པའོ། ། 2.འདུས་མ་བྱས་ནི་དགེ་བ་དང་ལུང་དུ་མ་བསྟན་པ་ཁོ་ནའོ། ། ཁག་བཅུ་གསུམ་པ། 1.འདུས་བྱས་ནི་འདོད་པའི་ཁམས་ཀྱི་རྣམ་གྲངས་སུ་གཏོགས་པ་དང་གཟུགས་ཀྱི་ཁམས་ཀྱི་རྣམ་གྲངས་སུ་གཏོགས་པ་དང་གཟུགས་མེད་པའི་ཁམས་ཀྱི་རྣམ་གྲངས་སུ་གཏོགས་པའོ། ། 2.འདུས་མ་བྱས་ནི་ཟག་པ་མེད་པའི་ཁམས་ཀྱི་རྣམ་གྲངས་སུ་གཏོགས་པ་ཁོ་ནའོ། ། ཁག་བཅུ་བཞི་པ། 1.འདུས་བྱས་ནི་སྡུག་བསྔལ་གྱི་བདེན་པ་དང་ཀུན་འབྱུང་གི་བདེན་པ་དང་ལམ་གྱི་བདེན་པའོ། ། 2.འདུས་མ་བྱས་ནི་འགོག་པའི་བདེན་པ་ཁོ་ནའོ། ། ཁག་བཅོ་ལྔ་པ། 1.འདུས་བྱས་ནི་སྡུག་བསྔལ་གྱིས་ཐོབ་པ་དང་ཀུན་འབྱུང་གིས་ཐོབ་པ་དང་འགོག་པས་ཐོབ་པ་དང་ལམ་གྱིས་ཐོབ་པ་དང་བསྒོམ་པས་སྤང་བར་བྱ་བའོ། ། 2.འདུས་མ་བྱས་ནི་སྤང་བྱ་མ་ཡིན་པ་ཁོ་ནའོ། ། ཁག་བཅུ་དྲུག་པ། 1.འདུས་བྱས་ནི་གཟུགས་ནས་རྣམ་པར་ཤེས་པའི་བར་གྱི་ཕུང་པོས་ཀུན་ཏུ་བསྡུས་པའོ། ། 2.འདུས་མ་བྱས་ནི་ཕུང་པོས་བསྡུས་པ་མ་ཡིན་པ་ཁོ་ནའོ། ། ཁག་བཅུ་བདུན་པ། 1.མིག་ནས་ཆོས་ཀྱི་སྐྱེ་མཆེད་ཀྱི་བར་ཀུན་ཏུ་བསྡུས་པའོ། ། 2.འདུས་མ་བྱས་ནི་ཆོས་ཀྱི་སྐྱེ་མཆེད་ཀྱིས་ཀུན་ཏུ་བསྡུས་པ་ཁོ་ནའོ། ། ཁག་བཅོ་བརྒྱད་པ། 1.འདུས་བྱས་ནི་མིག་གི་ཁམས་ཀྱིས་ཀུན་ཏུ་བསྡུས་པ་ནས་ཡིད་ཀྱི་ཁམས་ཀྱི་བར་དུ་ཀུན་ཏུ་བསྡུས་པ་དང་། མིག་གི་རྣམ་པར་ཤེས་པས་ཁམས་ཀྱིས་བསྡུས་པ་ནས་ཡིད་ཀྱི་རྣམ་པར་ཤེས་པའི་ཁམས་ཀྱི་བར་ཀུན་ཏུ་བསྡུས་པ། གཟུགས་ཀྱི་ཁམས་ཀྱིས་བསྡུས་པ་ནས། ཆོས་ཀྱི་ཁམས་ཀྱིས་ཀུན་ཏུ་བསྡུས་པའོ། ། 2.འདུས་མ་བྱས་ནི་ཆོས་ཀྱི་ཁམས་ཀྱིས་ཀུན་ཏུ་བསྡུས་པ་ཁོ་ནའོ། ། དེ་ལ་གཞུང་དུ་འཆད་པར་འགྱུར་བ་གང་འགོག་པའི་བདེན་པས་ཀུན་ཏུ་བསྡུས་པའི་ཆོས་རྣམས་དང་ནམ་མཁའ་ནི་འདུས་མ་བྱས་ཀྱི་ཆོས་སོ། ཆོས་གཞན་ཐམས་ཅད་ནི་འདུས་བྱས་ཀྱི་ཆོས་སོ། །
Tibetan Source	《བསྟན་འགྱུར་དབུ་མ་ཧ་པ་》ཤ་109ན་2ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number