3912

Tibetan	སྨན་པ་འབུམ་རམས་པ་སོགས་ཀྱི་གཞུང་ཚད་ཁག་བཞི།
Tibetan Alternate
Tibetan Definition	དེ་ཡང་། མདོ་རྒྱུད་རིན་པོ་ཆེའི་མཛོད་ཀྱི་རྒྱས་འགྲེལ་རྟགས་དང་རྟེན་འབྲེལ་བརྟག་པ་ལས་བྱུང་བ་སྟེ། དེ་ཡང་གཡུ་ཐོག་རྣམ་ཐར་ལས། དེ་ནས་དགུང་ལོ་ང་ལྔ་ཙམ་བཞེས་པའི་དུས་སློབ་མ་བདེ་བ་དཔལ་ཕྱག་ཕྱིར་འཁྲིད་ནས་ཀོང་པོར་བྱོན་པས། སློབ་མ་སུམ་བརྒྱ་ཙམ་འདུ་བ་བྱུང་། དེ་རྣམས་ལ་རྒྱུད་བཞི་ཆ་ལག་ཁ་སྐོང་དང་བཅས་པ་གནང་བས་སྨན་པ་འབུམ་རམས་པ་བྱ་བ་ལྔ་བཅུ་ཙམ། སྨན་པ་རབ་འབྱམས་པ་བྱ་བ་ཡང་ལྔ་བཅུ་ཙམ་བྱུང་། སྨན་པ་དཀའ་བཅུ་པ་བྱ་བ་བརྒྱ་ཙམ་བྱུང་ནས་དགུང་ལོ་དྲུག་ཅུ་རེ་ལྔ་ཀོང་པོར་བཞུགས་པ་དེའི་སྐབས་མཛད་པའི་སྨན་པའི་གཞུང་ཚད་ནི། 1.སྨན་པ་འབུམ་རམས་པ་བྱ་བའི་གཞུང་ཚད་ནི། དཔལ་ལྡན་རྒྱུད་བཞི་རྩ་འགྲེལ་ཆ་ལག་ཁ་སྐོང་མདོ་བྱང་ཕྱོགས་རིགས་ཀྱི་སྨན་པ་དགུས་བསྒྱུར་བའི་གསོ་དཔྱད་ཀྱི་དཔེ་རྣམས་དང་། བོད་ཀྱི་མཁས་པ་མི་དགུས་མཛད་པའི་དཔེ་རྣམས་དང་། འཕགས་པ་ཀླུ་སྒྲུབ་ཀྱིས་མཛད་པའི་བསྟན་བཅོས་སོ་མ་རཱ་ཛ་དང་། ཨོ་རྒྱན་རིན་པོ་ཆེས་མཛད་པའི་བདུད་རྩི་བུམ་པ། སློབ་དཔོན་དཔའ་བོས་མཛད་པའི་ཡན་ལག་བརྒྱད་པའི་སྙིང་པོ་བསྡུས་པ། དྲང་སྲོང་དཔལ་ལྡན་འཕྲང་བས་མཛད་པའི་དྲང་སྲོང་སྙན་བརྒྱུད། ཁ་ཆེའི་པཎྜི་ཏ་ཟླ་དགས་མཛད་པའི་ཚིག་དོན་ཟླ་ཟེར་སོགས་ཀྱི་རྩ་འགྲེལ་ཆ་ལག་རྣམས་བློ་ལ་ཐོན་ཅིང་། དེ་དག་གི་དོན་ལག་ལེན་དུ་བསྒྲིལ་ཤེས་པ་ལ་བྱའོ། ། 2.སྨན་པ་རབ་འབྱམས་པའི་གཞུང་ཚད་ནི། རྒྱུད་བཞི་རྩ་འགྲེལ་ཆ་ལག་ཁ་སྐོང་མདོ་བྱང་། བོད་ཀྱི་མི་དགུས་མཛད་པའི་གདམས་པ་དང་། བསྟན་བཅོས་སོ་མ་རཱ་ཛ་དང་། བདུད་རྩི་བུམ་པ་རྩ་འགྲེལ་ཆ་ལག་དང་བཅས་པའོ། ། 3.སྨན་པ་དཀའ་བཅུ་པའི་གཞུང་ཚད་ནི། རྒྱུད་བཞི་རྩ་འགྲེལ་ཆ་ལག་ཁ་སྐོང་མདོ་བྱང་དང་བཅས་པའོ། ། 4.སྨན་པ་བསྡུས་ར་བའི་གཞུང་ཚད་ནི། རྩ་བཤད་ཕྱི་གསུམ་རྩ་འགྲེལ་ཆ་ལོག་ཁ་སྐོང་མདོ་བྱང་དང་བཅས་པའོ། །
Tibetan Source	《མདོ་རྒྱུད་མཛོད་ཨ་པ་》ཤ་687.16ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number