4243

Tibetan	རིགས་པ་རྣམ་པ་བཞི།
Tibetan Alternate
Tibetan Definition	ཤེས་བྱ་ཀུན་ཁྱབ་ལས་བྱུང་བ་ཁག་གཅིག་སྟེ། 1.རྒྱུད་ནི། ཆགས་བྲལ་གྱི་ཚུལ་ལ་སྐྱེས་བུ་དམ་པ་མིའི་སྐྱེ་བར་འཁྲུངས་པ་ནི་རྒྱུད་ཅེས་བྱ་སྟེ། མིའི་རྟེན་ཁོ་ན་ལ་རབ་ཏུ་བྱུང་ནས་ཆགས་དང་བྲལ་བྱ་ཡིན་པས་སོ། ། 2.གླེང་གཞི་ནི། རྒྱལ་པོ་ལྟ་བུ་བཙུན་མོའི་འཁོར་ནང་ནས་ངེས་པར་འབྱུང་བས་རྟགས་ཆ་ལུགས་སོགས་ཀྱིས་རབ་ཏུ་བྱུང་བ་ནི་གླེང་གཞི་སྟེ་ཆགས་བྲལ་འདོད་ན་རབ་ཏུ་བྱུང་བ་ཁོ་ན་རིགས་པས་སོ། ། 3.ངེས་ཚིག་ནི། རབ་ཏུ་བྱུང་བས་ཀྱང་འདུལ་བའི་སྡེ་སྣོད་ལས་བསྟན་པའི་སྡོམ་པ་བསྲུང་བ་ནི་ངེས་ཚིག་སྟེ། ངེས་པར་བསྟན་པའི་གནས་སུ་རིགས་པས་སོ། ། 4.རྒྱུ་ནི། སྡོམ་པ་བསྲུངས་ནས་ཀྱང་འབྲས་བུ་བྱང་ཆུབ་འདོད་པས། ཚུལ་གནས་ཐོས་དང་བསམ་ལྡན་པས། ། སྒོམ་པ་ལ་ནི་རབ་ཏུ་སྦྱོར། ། ཞེས་པའི་ཆོས་སྤྱོད་པ་ནི་རྒྱུ་སྟེ་ཁོ་ན་ཉིད་ཆགས་བྲལ་་དུ་རིགས་པས་སོ། ། ཆགས་ལམ་གྱི་ཚུལ་ལ། (1)བདག་ཉིད་རང་རིགས་དང་མཐུན་པར་རིགས་ལྔའི་སངས་རྒྱས་སུ་བསྐྱེད་པ་ནི་རྒྱུད་དེ་སྔགས་ཀྱི་རྟེན་དུ་རིགས་པས་སོ། ། (2)སླར་ཡང་གསང་ཆེན་རིགས་གཅིག་རྡོ་རྗེ་འཆང་ཁ་སྦྱོར་སོགས་ཀྱི་རྣམ་པར་གྱུར་པ་ནི་གླེང་གཞི་སྟེ། ཆགས་ལམ་གྱི་རྣམ་པ་ལ་ངེས་པ་སྟེར་བས་སོ། ། (3)རིགས་ལྔའི་སྡོམ་པ་བཟུང་ནས་ཕྱི་ནང་གསང་བའི་རྡོ་རྗེ་ལ་སོགས་པའི་རིམ་པ་བཟུང་བ་དང་། ཁྱད་པར་བླ་མེད་ལ་རྡོ་རྗེ་དང་པདྨ་མཉམ་པར་སྦྱོར་བས་ཚངས་སྤྱོད་ཀྱི་བརྟུལ་ཞུགས་བཟུང་བ་ནི་ངེས་པར་གདོན་མི་ཟ་བར་བསྟེན་པའི་གནས་ཡིན་པས་སོ། ། (4)སྒེག་པ་དང་དགོད་པ་སོགས་སོགས་ཀྱི་སྒོ་ནས་འདོད་ཆགས་ལམ་བྱེད་ཀྱི་གསང་ཆོས་ལ་སྤྱོད་པ་ནི་རྒྱུ་སྟེ་བདེ་ཆེན་གྱི་སྐུ་ཐོབ་པར་བྱེད་པས་སོ། །
Tibetan Source	《ཤེས་བྱ་ཀུན་ཁྱབ་》དེབ་བར་ཆ་ཤ་718.20ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number