4327

Tibetan	ལེན་པ་བཞི།
Tibetan Alternate
Tibetan Definition	འདི་ལ་ཁག་གཉིས་ཡོད་པ་སྟེ། འཕགས་པ་ཡང་དག་པར་སྤྱོད་པའི་ཚུལ་ནམ་མཁའི་མདོག་གི་འདུལ་བའི་བཟོད་པ་ཞེས་བྱ་བའི་མདོ་ལས་བྱུང་བ་ཁག་གཅིག་སྟེ། 1.འདོད་པའི་(སྐབས་འདིར་གཟུགས་ཀྱི་ལེན་པ་ལ་འགྲེལ་པར་འདོད་པའི་ལེན་པ་འཁོད་འདུག)ལེན་པ་ནི། འདོད་པའི་རོ་མྱང་བར་བྱེད་པ་དང་། བདེ་བ་ལ་མངོན་པར་དགའ་ཞིང་མངོན་པར་ཆགས་ཞེན་པ་འདི་ནི། འདོད་པའི་ལེན་པ་ཞེས་བྱའོ། ། 2.ལྟ་བའི་ལེན་པ་ནི། ཆད་པའམ་རྟག་པ་ཞེས་བྱ་བ་ནས་ལྟ་བར་སོང་བ་དྲུག་ཅུ་རྩ་གཉིས་ཀྱི་བར་དེ་ནི། ལྟ་བའི་ལེན་པ་ཞེས་བྱའོ། ། 3.ཚུལ་ཁྲིམས་ཀྱི་ལེན་པ་ནི། གང་དག་འཕགས་པའི་བསྟན་པའི་ཚུལ་ཁྲིམས་དང་། བརྟུལ་ཞུགས་དང་། དཀའ་ཐུབ་དང་། ཚངས་པར་སྤྱོད་པའི་གནས་དང་། སྦྱངས་པའི་ཡོན་ཏན་དང་། ཡོ་བྱད་བསྙུངས་པ་དང་། གང་ཡང་ཞགས་པ་ཐུབ་པ་དགུ་བཅུ་རྩ་ལྔའི་ཚུལ་ཁྲིམས་དང་། བརྟུལ་ཞུགས་དང་། དཀའ་ཐུབ་དང་། ཚངས་པར་སྤྱོད་པའི་གནས་དང་། སྦྱངས་པའི་ཡོན་ཏན་དང་། ཡོ་བྱད་བསྙུངས་པ་འདི་ནི། ཚུལ་ཁྲིམས་ཀྱི་ལེན་པའོ། ། 4.བདག་ཏུ་སྨྲ་བའི་ལེན་པ་ནི། གང་དག་འདི་སྙམ་དུ་སེམས་ཏེ། བདག་དང་། སེམས་ཅན་དང་། སྲོག་དང་། འགྲོ་བ་དང་། ཤེད་ལས་སྐྱེས་པ་དང་། ཤེད་ཅན་དང་། བྱེད་པ་པོ་དང་། བྱེད་དུ་འཇུག་པ་དང་། ལྡང་བར་བྱེད་པ་དང་། ལྡང་བར་བྱེད་དུ་འཇུག་པ་དང་། ཚོར་བ་པོ་དང་། སྐྱེད་པ་པོ་དང་། སྐྱེད་དུ་འཇུག་པ་འབྱུང་ཞིང་འབྱུང་བ་ཡོད་དོ་སྙམ་པ་འདི་ནི། བདག་ཏུ་སྨྲ་བའི་ལེན་པ་ཞེས་བྱའོ། །
Tibetan Source	《མདོ་ཞ་པ་》ཤ་331བ་7ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number