4587

Tibetan	ཀུན་ཏུ་འདྲེ་བར་གནས་པ་ལྔ།
Tibetan Alternate
Tibetan Definition	དེ་ཡང་། འཕགས་པ་དམ་པའི་ཆོས་དྲན་པ་ཉེ་བར་གཞག་པ་ལས་བྱུང་བ་སྟེ། 1.ཚུལ་ཁྲིམས་དང་ལྡན་པ་མཆོག་ཏུ་དགེ་བའི་ཆོས་ཅན་དྲང་པོར་གྱུར་པ་དྲང་བའི་རང་བཞིན་ཅན་རྣམས་མཆོག་ཏུ་ཚུལ་ཁྲིམས་འཆལ་པ་རྣམས་དང་ལྷན་ཅིག་ཏུ་གནས་པར་འགྱུར་བ་སྟེ། གཞན་གྱི་དབང་དུ་གྱུར་པའི་སྐྱོན་འདི་ནི་ཀུན་ཏུ་འདྲེ་བར་གནས་པ་དང་པོ་ཡིན་ནོ། ། 2.གཞན་གྱི་དབང་དུ་གྱུར་པའི་སྐྱོན་གྱིས་སམ། རང་འདོད་པར་གྱུར་པས་ཀྱང་ལོག་པར་ལྟ་བ་ཅན་རྣམས་དང་ལྷན་ཅིག་ཏུ་གྲོང་དང་། གྲོང་ཁྱེར་དང་། གྲོང་རྡལ་དང་། ཚོང་འདུས་རྣམས་སུ་གནས་པར་བྱེད་པ་འདི་ནི་ཀུན་ཏུ་འདྲེ་བར་གནས་པ་གཉིས་པའོ། ། 3.གཉེན་བཤེས་དང་། གྲོགས་པོ་དང་། རང་གི་སྐྱེ་བོ་རྣམས་དང་ཕྲད་པར་འདོད་པར་གྱུར་ཅིང་ལྟ་བ་ལ་སྲེད་པར་གྱུར་པས་ཉེ་བར་འགྲོའོ། ། དེས་དེ་དང་ལྷན་ཅིག་ཏུ་སྔོན་གྱི་ཁྱིམ་ལ་གོམས་པས་སླར་ཡང་དེ་ཁོ་ན་བཞིན་དུ་གནས་པར་བྱེད་པ་འདི་ནི་ཀུན་ཏུ་འདྲེ་བར་གནས་པ་གསུམ་པའོ། ། 4.ཀུན་ཏུ་དགའ་བར་གྱུར་པས་ཕན་ཚུན་དུ་བསྟན་བཅོས་ཀྱིས་ཀུན་ཏུ་བརྗོད་པ་དག་གིས་དགའ་བར་གྱུར་པས་རྒྱལ་པོའི་ཁྱིམ་དུ་ཆུད་པར་དགེ་སློང་གནས་པར་བྱེད་དོ། ། གཞན་ཟིལ་གྱིས་མནན་པར་བྱ་བའི་བསམ་པས་སོ། ། འདི་ནི་ཀུན་ཏུ་འདྲེ་བར་གནས་པ་བཞི་པའོ། ། 5.བློ་རྣམ་པར་གཡེང་པར་གྱུར་པའི་དགེ་སློང་སྤྱོད་པ་ཀུན་ཏུ་མབསྡམས་པ། སྔོན་གང་དག་ཟོས་པ་དང་འཐུངས་པ་དང་། གྲོང་པའི་ཆོས་བསྟེན་པར་གྱུར་པའམ། སྒྲ་དང་། རེག་བྱ་དང་། རོ་དང་། གཟུགས་དང་། དྲིས་བྱས་པར་གྱུར་པ་དེ་དག་རྣམས་ཀྱང་རྗེས་སུ་དྲན་པར་བྱེད་དོ། ། དེ་དག་རྣམས་ལ་རྣམ་པར་རྟོག་པར་བྱེད་དོ། ། དེ་རྣམ་པར་རྟོག་པས་ཉེ་བར་བཅོམ་པར་གྱུར་པས་དེ་མ་ཐག་ཏུ་ཀུན་ཏུ་འདྲེས་པར་གྱུར་ནས་ཤིན་ཏུ་རྩུབ་པར་གྱུར་པ་རྣམས་ཀྱི་ཤིན་ཏུ་སྡུག་བསྔལ་བར་གྱུར་པ་དང་ལྷན་ཅིག་པའི་ཡུལ་མི་འདོད་པ་མི་སྡུག་པ་ཡིད་དུ་མི་འོང་བ་རྣམས་དང་ལྷན་ཅིག་ཏུ་གནས་པར་བྱེད་པ་འདི་ནི་ཀུན་ཏུ་འདྲེ་བར་གནས་པའོ། །
Tibetan Source	《མདོ་ཡ་པ་》ཤ་3212ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number