4615

Tibetan	སྐུའི་དབྱེ་བ་ལྔ།
Tibetan Alternate
Tibetan Definition	དེ་ཡང་། མདོ་རྒྱུད་རིན་པོ་ཆེའི་མཛོད་དེབ་གཟུགས་གླེགས་བམ་བཞི་པ་མདོ་རྒྱུད་རིན་པོ་ཆེའི་མཛོད་ཀྱི་རྒྱས་འགྲེལ་སྐབས་ཉེར་ལྔ་པ་མཐར་ཕྱིན་པ་འབྲས་བུའི་རིམ་པ་ལས་བྱུང་བ་སྟེ། 1.སྐུ་གཅིག་ཏུ་བསྟན་པ་ནི། གཞི་རིག་པའི་སར་གཅིག་ལམ་རིག་པའི་སར་གཅིག འབྲས་བུ་རིག་པ་དྲི་མེད་ཀ་དག་ཏུ་གཅིག་པའི་ལྡོག་པ་ནི། མཐའ་བྲལ་ནམ་མཁའ་ལྟ་བུ་མི་འགྱུར་རྡོ་རྗེའི་སྐུ་སྟོང་པ་ཡེ་ཤེས་ཀྱི་སྙིང་པོ་ཅན་ལྷུན་གྲུབ་རིན་པོ་ཆེའི་སྦུབས་དང་པོ་སངས་རྒྱས་ཀྱི་སྐུ་ནི། རང་ཤར་ལས། ཨེ་མ་ཧོ། སྣང་བ་ཆེན་པོ་གསལ་བ་ཆེ། དག་པའི་ནམ་མཁའ་མཐའ་དང་བྲལ། ། སྤྲོས་བྲལ་ཆོས་ཉིད་འགྱུར་བ་མེད། ། མཐའ་དང་དབུས་མེད་ཕྱོགས་ཆ་བྲལ། ། རང་སྣང་ཆོས་དབྱིངས་རྣམ་དག་ཞིང་། ། དང་པོ་སངས་རྒྱས་རྒྱུ་མེད་པ། ། ཐ་མ་རྐྱེན་གྱིས་བསྐྱེད་དུ་མེད། ། སྟོང་པ་ཡེ་ཤེས་སྙིང་པོ་ཅན། ། མཐའ་ལ་མི་གནས་རྡོ་རྗེའི་སྐུ། ། སྤྲོས་དང་བྲལ་བའི་ཆོས་ཉིད་ལ། ། ངོ་བོ་རང་བཞིན་ཐུགས་རྗེའི་བདག ། ཡེ་ཤེས་སྐུ་གསུམ་འོད་དུ་གསལ། ། མཁའ་ལ་ཉི་ཤར་མུན་པ་སེལ། ། ཡེ་ཤེས་ལྔ་ཡི་མཚན་ཉིད་གསལ། ། སངས་རྒྱས་སྤྲུལ་པ་རབ་འབྱམས་འབྱུང་། ། ཞེས་སོ། ། 2.སྐུ་གཉིས་སུ་དབྱེ་བ་ནི། གཞི་ཀ་དག་དང་ལྷུན་གྲུབ་གཉིས་སུ་མེད་པའི་རིག་པ། ལམ་དབྱིངས་དང་ཡེ་ཤེས་གཉིས་སུ་ཉམས་སུ་བླངས་པས། འབྲས་བུ་ཆོས་སྐུ་དང་གཟུགས་སྐུ་རྣམ་པ་གཉིས་སུ་ཤར་བས་དོན་གཉིས་མཐར་ཕྱིན་པ་སྟེ། ཐལ་འགྱུར་ལས། ཆོས་ཀྱི་སྐུ་ལས་གཟུགས་སྐུར་གསལ། ། ཞེས་སོ། ། 3.སྐུ་གསུམ་དུ་དབྱེ་ན། ངོ་བོའི་ཆ་ལས་སྟོང་རིག་མཁྱེན་པའི་ཡེ་ཤེས་ཆོས་སྐུ། རང་སྣང་འོད་གསལ་གྱི་ལོངས་སྐུ། སྣ་ཚོགས་སྤྲུལ་པའི་སྐུ་དང་གསུམ་སྟེ། མུ་ཏིག་ཕྲེང་བ་ལས། སྐུ་གསུམ་སངས་རྒྱས་ཉག་གཅིག་པོ། ། ཡེ་ཤེས་མཚན་ཉིད་ལྔ་ལྡན་ཉིད། ། འདུག་ཚུལ་ཤེས་བྱའི་བབས་ཀྱིས་གྲུབ། ། ཅེས་སོ། ། 4.སྐུ་བཞིར་དབྱེ་ན། སྐུ་གསུམ་གྱི་ཆོས་ཉིད་གཅིག་དང་དུ་མའི་མཐའ་དང་བྲལ་བ་ངོ་བོ་ཉིད་ཀྱི་སྐུ། སྟོབས་བཅུ་མི་འཇིགས་པ་དང་། ཆོས་མ་འདྲེས་པ་བཅོ་བརྒྱད་ལ་སོགས་པ་རིག་པའི་ཡོན་ཏན་རྟོགས་པ་དང་ཏིང་ངེ་འཛིན་དང་མངོན་པར་ཤེས་པ་དང་ཐུགས་རྗེ་ཆེན་པོ་རྣམས་ནི་ཆོས་ཀྱི་སྐུ། མཚན་དང་དཔེ་བྱད་རྫོགས་པས་འོག་མིན་སྟུག་པོ་བཀོད་པའི་ཞིང་ན་བཞུགས་པ་ལོངས་སྤྱོད་རྫོགས་པའི་སྐུ། གདུལ་བྱའི་ངོ་བོ་ལ་གང་ལ་གང་འདུལ་དུ་སྣང་བ་སྤྲུལ་པའི་སྐུ་སྟེ། ཐལ་འགྱུར་ལས། སྤྲུལ་པའི་སྐུ་དང་ལོངས་སྐུ་དང་། ། ཆོས་སྐུ་ངོ་བོ་ཉིད་ཀྱི་སྐུ། ། ཞེས་སོ། ། 5.སྐུ་ལྔར་དབྱེ་ན། སྤངས་རྟོགས་མཐར་ཕྱིན་དུ་ཞི་བ་བརྙེས་པ་མངོན་པར་བྱང་ཆུབ་ཀྱི་སྐུ། དབྱིངས་ཀ་དག་ལས་འཕོ་འགྱུར་མེད་པ་མི་འགྱུར་རྡོ་རྗེའི་སྐུ། ཆོས་སྐུ། ལོངས་སྐུ། སྤྲུལ་པའི་སྐུ་དང་ལྔ་སྟེ། རྫོགས་པ་རང་བྱུང་ལས། སྐུ་ལྔ་ཡེ་ཤེས་ཆོས་ལྔའོ། ། ཞེས་པ་དང་། རང་ཤར་ལས། འགྱུར་མེད་དོན་གྱི་སྐུ་ལྔ་གནས། ། ཞེས་སོ། །
Tibetan Source	《མདོ་རྒྱུད་མཛོད་ཞི་པ་》ཤ་504.7ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number