4627

Tibetan	སྐྱེ་བའི་རབ་ཏུ་དབྱེ་བ་རྣམ་པ་ལྔ།
Tibetan Alternate
Tibetan Definition	དེ་ཡང་། རྣལ་འབྱོར་སྤྱོད་པའི་ས་ལས་བྱུང་བ་སྟེ། 1.ཁམས་ཀྱི་རབ་ཏུ་དབྱེ་བ་ནི། འདོད་པ་ན་སྤྱོད་པ་དང་། གཟུགས་ན་སྤྱོད་པ་དང་། གཟུགས་མེད་པ་ན་སྤྱོད་པའི་སྐྱེ་བའོ། ། 2.འགྲོ་བའི་རབ་ཏུ་དབྱེ་བ་ནི། འགྲོ་བ་ལྔ་པོ་དག་ཏུ་སྐྱེ་བ་རྣམས་སོ། ། 3.གནས་གཞན་གྱི་རབ་ཏུ་དབྱེ་བ་ནི། (1)འདོད་པའི་ཁམས་ན་གནས་གཞན་སུམ་ཅུ་རྩ་དྲུག (2)གཟུགས་ཀྱི་ཁམས་ན་གནས་གཞན་བཅོ་བརྒྱད། (3)གཟུགས་མེད་པའི་ཁམས་ན་གནས་གཞན་བཞི་པོ་དག་ཏུ་སྐྱེ་བ་སྟེ། དེ་དག་ཏུ་བསྡོམས་ན་སྐྱེ་བ་ལྔ་བཅུ་རྩ་བརྒྱད་དུ་འགྱུར་རོ། ། 4.རིགས་ཀྱི་རབ་ཏུ་དབྱེ་བ་ནི། འདོད་པའི་ཁམས་ཀྱི་མི་རྣམས་ཀྱི་ནང་དུ་རིགས་ངན་པར་སྐྱེ་བ་སྟེ། ཁ་ཅིག་གདོལ་པའི་རིགས་སམ། གཡུང་པོའི་རིགས་དང་། མ་རབས་དང་། འཚོ་བ་ངན་པ་སོགས་སུ་སྐྱེ་བ་དེ་དག་ནི་སྐལ་པ་མེད་པའི་མི་ཞེས་བྱའོ། ། རིགས་བཙུན་པར་སྐྱེ་བ་ནི། ཁ་ཅིག་རྒྱལ་རིགས་ཤིང་སཱ་ལ་ཆེན་པོ་ལྟ་བུའམ། བྲམ་ཟེ་ཤིང་སཱ་ལ་ལྟ་བུ་སོགས་དང་། ཕྱུག་པོ་དང་། ལོངས་སྤྱོད་ཆེ་བ་རྣམས་སུ་སྐྱེ་བ་དེ་དག་ནི་སྐལ་པ་དང་ལྡན་པའི་མི་ཞེས་བྱ་བའོ། ། རིགས་ངན་པ་ཡང་མ་ཡིན་རིགས་བཙུན་པ་ཡང་མ་ཡིན་པར་སྐྱེ་བ་ནི་བར་མའི་མི་རྣམས་སུ་སྐྱེ་བ་ལྟ་བུའོ། ། ཡང་ན་འདོད་པའི་ལྷ་རྣམས་དང་། གཟུགས་དང་གཟུགས་མེད་པའི་ལྷ་སོགས་ཀྱི་ནང་དུ་སྐྱེ་བ་ལྟ་བུའོ། ། 5.འཇིག་རྟེན་ན་ལུས་རབ་ཏུ་དབྱེ་བ་ནི། ཕྱོགས་བཅུའི་འཇིག་རྟེན་གྱི་ཁམས་ཚད་མེད་པ་དག་ན། སེམས་ཅན་ཚད་མེད་པ་རྣམས་ཀྱི་སྐྱེ་བ་ཚད་མེད་པར་རིག་པར་བྱའོ། །
Tibetan Source	《བསྟན་འགྱུར་སེམས་ཙམ་ཚི་པ་》ཤ་99བ་1ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number