5768

Tibetan	གཟིག༌པ༌ལྔ།
Tibetan Alternate
Tibetan Definition	དེ༌ཡང༌། མངོན༌པར༌འབྱུང༌བའི༌མངོ༌ལས༌བྱུང༌བ༌བྱང༌ཆུབ༌སེམས༌དཔའ༌ཛམྦུའི༌གླིང༌དུ༌འཇུག༌པར༌མཛད༌པའི༌གཟིགས༌པ༌ལྔ༌སྟེ། 1.རིགས༌ནི། བྱང༌ཆུབ༌སེམས༌དཔའ༌རྣམས༌རྒྱུ༌གང༌གིས༌རིགས༌ལ༌གཟིགས༌པར༌མཛད༌ཅེ༌ན། བྱང༌ཆུབ༌སེམས༌དཔའ༌དགའ༌ལྡན༌གྱི༌གནས༌ན༌བཞུགས༌པ༌ན༌འདུ༌སྙམ༌དུ༌དགོངས༌ཏེ། བྱང༌ཆུབ༌སེམས༌དཔའ༌རྣམས༌རིགས༌ཇི༌ལྟ༌བུ༌ཞིག༌ཏུ༌ཉིང༌མཚམས༌སྦྱོར༌བ༌ལེན༌སྙམ༌ན། བྲམ༌ཟེའི༌རེགས༌སམ། རྒྱལ༌རིགས༌སུ༌ཡིན༌ལ། དེ༌ལ༌རེས༌འགའ༌ནི༌བྲས༌ཟེའི༌རིགས༌བཙུན༌པར༌བཀུར། རེས༌འགའ༌ནི༌རྒྱལ༌རིགས༌ཏེ། ད༌ལྟ༌ན༌ནི༌རྒྱལ༌རིགས༌བཙུན༌པར༌བཀུར༌བར༌གཟིགས༌ནས། མ༌ལ།བདག༌ལ༌གཞན༌དག༌བྱང༌ཆུབ༌སེམས༌དཔས༌རིགས༌ངན༌པར༌ཉིང༌མཚམས༌སྦྱོར༌བ༌བླངས༌སོ༌ཞེས༌གཞི༌འདིས༌ཁ༌ཟེར༌བར༌མི༌འགྱུར༌བར༌བདག༌གིས༌རྒྱལ༌རིགས༌སུ༌ཉིང༌མཚམས༌སྦྱོར༌བ༌བླང༌བར༌བྱའོ༌སྙམ༌མོ། ། འདོ༌ལྟར༌བྱང༌ཆུབ༌སེམས༌དཔས༌ཐོག༌མ༌མེད༌པའི༌དུས༌ནས༌སྨད༌པར༌མི༌འགྱུར༌བའི༌ལས༌བྱས༌ཤིང༌བསགས༌པ༌དང༌། སངས༌རྒྱས༌བཅོས༌སྡན༌འདས༌རྣམས༌ནི༌ཆོས༌བཤད༌པ༌འབྲས༌བུ༌མེད༌པ༌མ༌ཡིན༌པས༌རྒྱུ༌འདིས༌ན༌བྱང༌ཆུབ༌སེམས༌དཔའ༌རྣམས༌རིགས༌ལ༌གཟིགས༌པར༌མཛད༌དོ། ། 2.ཡུལ༌ནི། བྱང༌ཆུབ༌སེམས༌དཔའ༌རྣམས༌རྒྱུ༌གང༌གིས༌ཡུལ༌ལ༌གཟིགས༌པར༌མཛད༌ཅེ༌ན། བྱང༌ཆུབ༌སེམས༌དཔའ༌དགའ༌ལྡན༌གྱི༌གནས༌ན༌བཞུགས༌པ༌ནི༌འདི༌སྙམ༌དུ༌དགོངས༌ཏེ། བྱང༌ཆུབ༌སེམས༌དཔའ༌ཡུལ༌ཇི༌ལྟ༌བ༌ཞིག༌ཏུ༌ཉིང༌མཚམས༌སྦྱོར༌བ༌ལེན༌སྙམ༌ན། འབྲས༌དང༌། བུ༌རམ༌ཤིང༌དང༌། བ༌ལང༌དང༌། མ༌ཧེ༌ཕུན༌ཚོགས༌པ། སློང༌མོ༌བ༌བརྒྱ༌འདུ༌བ། མཐའ༌འཁོབ༌ཀྱི༌སྐྱེ༌བོ༌མེད༌པ། དབུས༌པའི༌སྐྱེ༌བོ༌གནས༌པ། གང༌དུ༌སྐྱེ༌བོ༌གཅིག༌བཏུལ༌བས༌སྐྱེ༌བའི༌ཚོགས༌ཆེན༌པོ༌འདུལ༌བར༌འགྱུར༌བའི༌ཡུལ༌གང༌ཡིན༌པ༌གཟིགས༌སོ། ། དེ༌ནས༌བྱང༌ཆུབ༌སེམས༌དཔའ༌འདི༌སྙམ༌དུ༌དགོངས༌ཏེ། དབུས༌ཀྱི༌ཡུལ༌འདི༌ནི༌བུ༌རམ༌ཤིང༌གི༌ཕྲེང༌བ༌དང༌། འབྲས༌དང༌། བ༌ལང༌དང༌། མ༌ཧེ༌ཕུན༌སུམ༌ཚོགས༌པ། སློང༌མོ༌བ༌བརྒྱ༌འདུ༌བ། མཐའ༌འཁོབ༌ཀྱི༌སྐྱེ༌བོ༌མེད༌པ། དབུས༌པའི༌སྐྱེ༌བོ༌གནས༌པ། གང༌དུ༌སྐྱེ༌བོ༌གཅིག༌བཏུལ༌བས༌སྐྱེ༌བོའི༌ཚོགས༌ཆེན༌པོ༌བཏུལ༌བར༌འགྱུར༌བ༌ཡིན༌གྱི། མ༌ལ། བདག༌ལ༌གཞན༌དག༌བྱང༌ཆུབ༌སེམས༌དཔས༌ཡུལ༌མཐའ༌འཁོབ༌རྣམས༌སུ༌ཉིང༌མཚམས༌སྦྱོར༌བ༌བླངས༌སོ༌ཞེས༌གཞི༌འདིས༌ཁ༌ཟེར༌བ༌ར༌མི༌འགྱུར༌བར༌བདག༌གིས༌ཡུལ༌དབུས༌སུ༌ཉིང༌མཚམས༌སྦྱོར༌བ༌བླང༌བར༌བྱའོ༌སྙམ༌མོ། ། འདི༌ལྟར༌བྱང༌ཆུབ༌སེམས༌དཔས༌ཐོག༌མ༌མེད༌པའི༌དུས༌ནས༌སྨད༌པར༌མི༌འགྱུར༌བའི༌ལས༌བྱས༌ཤིང༌བསགས༌པ༌དང༌། སངས༌རྒྱས༌བཅོམ༌ལྡན༌འདས༌རྣམས༌ནི༌ཆོས༌བཤད༌པ༌འབྲས༌བུ༌མེད༌པ༌མ༌ཡིན༌པས༌རྒྱུ༌འདིས༌ན༌བྱང༌ཆུབ༌སེམས༌དཔའ༌ཡུལ༌ལ༌གཟིགས༌པར༌མཛད༌དོ། ། 3.དུས༌ནི། བྱང༌ཆུབ༌སེམས༌དཔའ༌རྣམས༌རྒྱུ༌གང༌གིས༌ན༌དུས༌ལ༌གཟིགས༌པར༌མཛད༌ཅེ༌ན། བྱང༌ཆུབ༌སེམས༌དཔའ༌དགའ༌ལྡན༌གྱི༌གནས༌ན༌བཞུགས༌པ༌ནི༌འདི༌སྙམ༌དུ༌དགོངས༌ཏེ། བྱང༌ཆུབ༌སེམས༌དཔའ༌རྣམས༌དུས༌ཇི༌ལྟ༌བུ༌ཞིག༌ཏུ༌ཛམྦུའི༌གླིང༌དུ༌ཉིང༌མཚམས༌སྦྱོར༌བ༌ལེན༌སྙམ༌ན། སྐྱེ༌དགུའི༌ཚེ༌ལོ༌ཡར༌སྐྱེ༌བ༌ན༌བརྒྱད༌ཁྲི༌ཐུབ༌པ༌ཡན༌ཆད༌ཉིང༌མཚམས༌སྦྱོར༌བ༌མི༌ལེན༌ལ། མི༌རྣམས༌ཀྱི༌ཚེ༌ལོ༌མར༌འགྲིབ༌པ༌ན༌ནརྒྱ༌ཐུབ༌པ༌མན༌ཆད༌ཉིང༌མཚམས༌སྦྱོར༌བ༌མི༌ལེན༌ནོ། ། བྱང༌ཆུབ༌སེམས༌དཔའ༌རྒྱུ༌གང༌གིས༌མི༌རྣམས༌ཀྱི༌ཚེ༌ལོ༌བརྒྱད༌ཁྲི༌ཐུབ༌པ༌ཡན༌ཆད༌ཉིང༌མཚམས༌སྦྱོར༌བ༌ལེན༌པར༌མི༌མཛན༌ཅེ༌ན། མི༌རྣམས༌ཀྱི༌ཚེ༌ལོ༌བརྒྱད༌ཁྲི༌ཐུབ༌པ༌ན༌ཡིད༌འབྱུང༌བར༌དཀའ༌ཞིང༌སྐྱོ༌བར༌བྱ༌བར༌དཀའ༌ལ༌བླུན༌ཞིང༌དབང༌པོ༌རྟུལ༌བ༌དང༌། བག༌མེད༌ཅིང༌། བདེ༌བ༌མང༌བས༌བདེན༌པ༌རྣམས༌ཀྱི༌སྣོད༌དུ༌མི༌འགྱུར༌བའི༌ཕྱིར༌རོ། ། མར༌འགྲིབ༌པ༌ལོ༌བརྒྱ༌མན༌ཆད༌དུའང༌སྙིགས༌མ༌ལྔ༌པོ༌འདི༌ལྟ༌སྟེ། (1)ཚེའི༌སྙིགས༌མ། (2)ཉོན༌མོངས༌པའི༌སྙིགས༌མ། (3)སེམས༌ཅན༌གྱི༌སྙིགས༌མ། (4)ལྟ༌བའི༌སྙིགས༌མ། (5)དུས༌ཀྱི༌སྙིགས༌མ༌ཤས༌ཆེ༌བ༌ཡིན༌པས༌བདག༌ལ༌གཞན༌དག༌བྱང༌ཆུབ༌སེམས༌དཔས༌སྙིགས༌མ༌ལྔ༌ཤས༌ཆེ༌བའི༌དུས༌སུ༌ཉིང༌མཚམས༌སྦྱོར༌བ༌བླངས༌སོ༌ཞེས༌གཞི༌འདིས༌ཁ༌ཟེར༌བར༌མི༌འགྱུར༌རོ༌སྙམ༌མོ། ། འདི༌ལྟར༌བྱང༌ཆུབ༌སེམས༌དཔས༌ཐོག༌མ༌མེད༌པའི༌དུས༌ནས༌སྨད༌པར༌མི༌འགྱུར༌བའི༌ལས༌བྱས༌ཤིང༌བསགས༌པ༌དང༌། སངས༌རྒྱས༌བཅོམ༌ལྡན༌འདས༌རྣམས༌ནི༌ཆོས༌བཤད༌པ༌འབྲས༌བུ༌མེད༌པ༌མ༌ཡིན༌པས༌རྒྱུ༌འདིས༌ན༌བྱང༌ཆུབ༌སེམས༌དཔའ༌རྣམས༌དུས༌ལ༌གཟིགས༌བ༌ཡིན༌ནོ། ། 4.རྒྱུད༌ནི། བྱང༌ཆུབ༌སེམས༌དཔའ༌རྣམས༌རྒྱུ༌གང༌གིས༌རྒྱུད༌ལ༌གཟིགས༌པར༌མཛད༌ཅེ༌ན། བྱང༌ཆུབ༌སེམས༌དཔའ༌དགའ༌ལྡན༌གྱི༌གནས༌ན༌བཞུགས༌པ༌ན༌འདི༌སྙམ༌དུ༌དགོངས༌ཏེ། བྱང༌ཆུབ༌སེམས༌དཔའ༌རྣམས༌རྒྱུད༌ཅི༌འདྲ༌བ༌ཞིག༌ཏུ༌ཉིང༌མཚམས༌སྦྱོར༌བ༌ལེན༌སྙམ༌ན། རིགས༌གང༌ཞིག༌བཙུག༌པར༌བཀུར༌ཞིང༌མ༌མེས༌དང༌། ཕ༌མེས༌ཟུང༌བདུན༌གྱི༌བར༌དུ༌སྤྱོད༌པ༌ལ༌སྐྱོན༌མེད༌པར༌གཟིགས༌ནས། དེ༌འདི༌སྙམ༌དུ༌དགོངས༌ཏེ༌ཤཱཀྱའི༌རིགས༌རྒྱུད༌འདི༌ན༌ི༌བཙུན༌པར༌བཀུར༌བ༌ཡིན༌ཞིང༌མང༌པོས༌བཀུར༌བ༌ནས༌བཟུང༌སྟེ༌སྤྱོད༌པ༌སྐྱོན༌མེད༌པ༌ཡིན༌གྱི། མ༌ལ། བདག༌ལ༌གཞན༌དག༌བྱང༌ཆུབ༌སམས༌དཔས༌རྒྱུད༌ངན༌པ༌ལས༌ཉིང༌མཚམས༌སྦྱོར༌བ༌བླངས༌སོ༌ཞེས༌གཞི༌འདིས༌ཁ༌ཟེར༌བར༌མི༌འགྱུར༌བར༌བདག༌གིས༌རྒྱལ༌པོ༌ཟས༌གཙང༌མའི༌རྒྱུད༌དུ༌ཉིང༌མཚམས༌སྦྱོར༌བ༌བླང༌ངོ༌སྙམ༌མོ། ། འདི༌ལྟར༌བྱང༌ཆུབ༌སེམས༌དཔའ༌ཐོག༌མ༌མེད༌པའི༌དུས༌ནས༌སྨད༌པར༌མི༌འགྱུར༌བའི༌ལས༌བྱས༌ཤིང༌བསགས༌པ༌དང༌། སངས༌རྒྱས༌བཅོས༌ལྡན༌འདས༌རྣམས༌ནི༌ཆོས༌བཤད༌པ༌འབྲས༌བུ༌མེད༌པ༌མ༌ཡིན༌པས༌རྒྱུ༌འདིས༌ན༌བྱང༌ཆུབ༌སེམས༌དཔའ༌རྒྱུད༌ལ༌གཟིགས༌པར༌མཛད༌དོ། ། 5.བུད༌མེད༌ནི། བྱང༌ཆུབ༌སེམས༌དཔའ༌རྣམས༌རྒྱུ༌གང༌གིས༌བུད༌མེད༌ལ༌གཟིགས༌པར༌མཛད༌དོ༌ཅེ༌ན། བྱང༌ཆུབ༌སེམས༌དཔའ༌དགའ༌ལྡན༌གྱི༌གནས༌ན༌བཞུགས༌པ༌ན༌འདི༌སྙམ༌དུ༌དགོངས༌ཏེ། བྱང༌ཆུབ༌སེམས༌དཔའ༌རྣམས༌བུད༌མེད༌ཅི༌འདྲ༌བ༌ཞིག༌གི༌རུམ༌དུ༌ཉིང༌མཚམས༌སྦྱོར༌བ༌ལེན༌སྙམ༌ན༌དི༌འདི༌སྙམ༌དུ༌དགོངས༌ཏེ། བུད༌མེད༌གང༌ཞིག༌གཟུགས༌བཟང༌མོ༌དང༌ལྡན༌པ། རིགས༌དང༌ལྡན༌པ། རིགས༌འཕེལ༌བར༌འགྱུར༌བ། ཁྲོ༌བག༌ཅན༌མ༌ཡིན༌པ། ཕྲ༌མ༌ཅན༌མ༌ཡིན༌པ། ངག༌རྩུབ༌པ༌མ༌ཡིན༌པ། དང༌པ༌དང༌ལྡན༌པ། རང༌བཞིན༌བཟང༌བ། བསམ༌པ༌དགེ༌བ། རྒྱུད༌ཕུན༌སུམ༌ཚོགས༌པ། རིགས༌མཐོ༌བ། ཉེ༌དུའི༌རིགས༌དང༌ལྡན༌པ། ཤེས༌རབ༌ཕུན༌སུམ༌ཚོགས༌པ། གཏོག༌བ༌ཕུན༌སུམ༌ཚོགས༌པ། མཚན༌ཉིད༌མི༌གཡོ༌བ། རང༌བཞིན༌བརྟན༌ལ༌རྒོད༌བག༌ཅན༌མ༌ཡིན༌པ། ཁེངས༌པ༌མེད༌པ། བྱམས༌པའི༌སེམས༌དང༌ལྡན༌པ། ལྡུག༌ཅིང༌ཡིད༌དུ༌འོང༌བ། འཇིག༌རྟེན༌ཐམས༌ཅད༌ལ༌ཆོས༌དང༌ལྡན༌པ། བུད༌མེད༌ཐམས༌ཅད༌ཀྱི༌མཆོག༌ཏུ༌གྱུར༌པ། སྔོན༌གྱི༌སངས༌རྒྱས༌རྣམས༌ལ༌ཨེ༌མའོ༌བདག༌སངས༌རྒྱས༌ཀྱི༌ཡུམ༌དུ༌གྱུར༌ཅིག༌ཅེས༌སྨོན༌ལམ༌བཏབ༌པ༌དང༌། བྱང༌ཆུབ༌སེམས༌དཔའ༌ཟླ༌བ༌བཅུ༌རུམ༌དུ༌འཛིན༌ནུས༌པ༌དང༌། རང༌གི༌དོན༌ཡང༌ཉམས༌པར༌མི༌བྱེད༌པ༌ཡིན༌པར༌གཟིགས༌སོ། ། དེ༌ནས༌བྱང༌ཆུབ༌སེམས༌དཔའ༌འདི༌སྙམ༌དུ༌དགོངས༌ཏེ། སྒྱུ༌འཕྲུལ༌ཆེན༌མོ༌འདི༌ནི༌མ༌མེས༌དང༌། ཕ༌མེས༌ཟུང༌བདུན༌གྱི༌བར༌དུ༌སྤྱོད༌པ༌ལ༌སྐྱོན༌མེད༌ཅིང༌གཟུགས༌དང༌ལྡན༌པ༌དང༌། རིགས༌དང༌ལྡན༌པ༌དང༌། ཚུལ༌དང༌ལྡན༌ཞེས༌བྱ༌བ༌ནས༌བུད༌མེད༌ཐམས༌ཅད༌ཀྱི༌མཆོག༌ཏུ༌གྱུར༌ཅེས༌བྱ༌བའི༌བར༌གོང༌མ༌བཞིན༌ཏེ། ཁྲོ༌བག༌ཅན༌མ༌ཡིན༌པ༌དང༌། རིགས༌འཕེལ༌བར༌འགྱུར༌བ༌དང༌། བྱང༌ཆུབ༌སེམས༌དཔའ༌རུམ༌དུ༌ཟླ༌བ༌བཅུར༌འཛིན༌ནུས༌པ༌དང༌། རང༌གི༌དོན༌ཡང༌མི༌ཉམས༌པ༌ཡིན༌ལ། འདི༌ལྟར༌སྒྱུ༌འཕྲུལ༌ཆེན༌མོས༌སྔོན༌སངས༌རྒྱས༌རྣམས༌ལ། ཀྱེ༌མ། བདག༌སངས༌རྒྱས༌ཀྱི༌ཡུམ༌དུ༌གྱུར༌ཅིག༌ཅེས༌སྨོན༌ལམ༌བཏབ༌པའང༌ཡིན༌པས༌བདག༌ལ༌གཞན༌དག༌བྱང༌ཆུབ༌སེམས༌དཔའ༌མཚན༌ངན༌པ༌དང༌ལྡན༌པའི༌བུད༌མེད༌ཀྱི༌རུམ༌དུ༌ཉིང༌མཚམས༌སྦྱོར༌བ༌བླངས༌སོ༌ཞེས༌ཁ༌ཟེར༌བར༌མི༌འགྱུར༌རོ༌སྙམ༌མོ། ། འདི༌ལྟར༌བྱང༌ཆུབ༌སེམས༌དཔས༌སྨད༌པར༌མི༌འགྱུར༌བའི༌ལས༌བྱས༌ཤིང༌བསགས༌པ༌དང༌། སངས༌རྒྱས༌བཅོམ༌ལྡན༌འདས༌རྣམས༌ནི༌ཆོས༌བཤད༌པ༌འབྲས༌བུ༌མེད༌པ༌མ༌ཡིན༌པས༌རྒྱུ༌འདིས༌ན༌བྱང༌ཆུབ༌སེམས༌དཔའ༌བུད༌མེད༌རྣམས༌ལ༌གཟིགས༌པར༌མཛད༌དོ། །
Tibetan Source	《མདོ༌ལ༌པ༌》ཤ༌5བ༌7ལས༌བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number