5889
| Tibetan | རུས༌མི༌གཅིག༌པའི༌རྒྱལ༌རབས༌ཚན༌པ༌ལྔ། |
|---|---|
| Tibetan Alternate | |
| Tibetan Definition | དེ༌ཡང༌། ཐང༌རྒྱལ༌རབས༌འཐོར༌བའི༌རྗེས༌སུ༌རུས༌མི༌གཅིག༌པའི༌རྒྱལ༌རབས༌ཚན༌པ༌ལྔ༌བྱུང༌བ༌སྟེ།
1.ལེའང༌རྗེས༌མ། 2.ཐང༌རྗེས༌མ། 3.ཅིན༌རྗེས༌མ། 4.ཧན༌རྗེས༌མ། 5.ཀྲའོ༌རྗེས༌མ༌བཅས༌ཡིན། རྒྱལ༌ཁབ༌དེ༌རྣམས༌ཀྱང༌བྱང༌ཕྱོགས༌ཀྲུང༌ཡོན༌ས༌ཁུལ༌(དེང༌སང༌ཧོ༌ནན༌ཞིང༌ཆེན༌གྱི༌ལུའོ༌དབྱང༌ལྟེ༌བར༌བྱས༌པ༌)དུ༌བྱུང༌བ༌ཡིན༌(སྤྱི༌ལོ907ནས༌960བར)། (1)ཧོའུ༌ལེའང༌། ཐང༌རྒྱལ༌རབས༌དུས༌མཇུག༌གི༌ཞིང༌པའི༌འོས༌ལངས༌ཀྱི༌གཙོ༌འཛིན༌ཧོང༌ཁྲའོས༌ཞིང༌པའི༌གསར༌བརྗེའི༌སྲིད༌དབང༌བཙུགས༌ནས༌རྒྱལ༌པོ༌བྱེད༌སྐབས༌བློན༌པོ༌བྱེད༌མཁན༌ཀྲུའུ༌ཝེན༌གྱིས༌ཐང༌ལ༌མགོ༌བཏགས༌རྗེས༌ཐང༌གོང༌མ༌ཐང༌ཨེད༌རྡིའི༌ལི༌༦ཁྲུའི་ཁྲི༌ལོ༌བཞི༌པ༌མེ༌ཡོས༌(907)ལོར༌གོང༌མ༌ཐང༌ཨེད༌རྡི༌གོ༌གནས༌ལས༌ཕབ༌སྟེ༌རང༌ཉིད༌གོང༌མ༌བྱས༌པ༌ཞིག༌ཡིན༌ཞིང༌། རྒྱལ༌རབས༌ཀྱི༌མིང༌ལ༌ལེའང༌(ལྱང༌)རྒྱལ༌རབས༌རྗེས༌མ༌ཟེར༌བ༌དང༌རྒྱལ༌ས༌ནི༌ཧོ༌ནན༌ཞིང༌ཆེན༌གྱི༌ཁའི༌ཧྥེང༌ཡིན། རྒྱལ༌རབས༌འདིར༌ལྔ༌རྗེས༌སུ༌གོང༌མ༌མི༌རབས༌གསུམ༌བྱུང༌བས༌སྤྱི༌ལོ907ནས༌923བར༌ལོ༌ངོ༌བཅུ༌བདུན༌བར༌སྲིད༌དབང༌བཟུང༌། (2)ཧོའུ༌ཐང༌སྟེ༌ཐང༌རྗེས༌མ༌ནི། ལེའང༌རྗེས༌མའི༌རྒྱལ༌རབས༌ཀྱི༌རྒྱལ༌པོ༌མུ༌རྟིས༌ཀྲུའུ༌ཀྲེན༌གྱི༌ལུང༌ཏེ༌ཁྲི༌ལོ༌གསུམ༌པ༌ཆུ༌ལུག༌(923)ལོར༌ཐང༌གི༌རིགས༌རྒྱུད༌ཡིན༌པའི༌དཔོན༌རིགས༌ལི༌ཚུན༌ཁུས༌ཟེར༌བས༌ལེའང༌རྗེས༌མའི༌རྒྱལ༌རབས༌གཏོར༌ཏེ༌རང༌ཉིད༌རྒྱལ༌པོ༌བྱས༌པའི༌རྒྱལ༌རབས༌ཀྱི༌མིང༌ལ༌ཐང༌རྗེས༌མ༌ཟེར༌ཞིང༌། རྒྱལ༌ས༌ནི༌ཧོ༌ནན༌གྱི༌ལུའོ༌དབྱང༌ཡིན༌པ༌དང༌། རྒྱལ༌རབས༌དེང༌རྒྱལ༌པོ༌མི༌རབས༌བཞི༌བྱུང༌བའི༌རུས༌མིང༌ནི༌ལི༌ཡིན། སྤྱི༌ལོ༌923ནས༌936བར༌ལོ༌ངོ༌བཅུ༌བཞི༌རིང༌སྲིད༌དབང༌བཟུང༌། (3)ཧོའུ༌ཅིན༌སྟེ༌ཅིན༌རྗེས༌མ༌ནི། ཐང༌རྗེས༌མའི༌རྒྱལ༌རབས༌ཀྱི༌རྒྱལ༌པོ༌བཞི༌པ༌ཐང༌མུ༌དྷིས༌ལི༌ཚུང༌ཁེའི༌ཆིང༌ཆིན༌ཁྲི༌ལོ༌གསུམ༌པ༌མེ༌སྤྲེལ༌(936)ལོར༌དེའི༌མག༌པ༌ཡིན༌པའི༌རྒྱལ༌ཕྲན༌ཧྲི༌ཅིང༌ཐང༌ཟེར༌བས༌སྲིད༌དབང༌ཕྲོགས༌ཏེ༌རང༌ཉིད༌རྒྱལ༌པོ༌བྱས༌པའི༌རྒྱལ༌རབས༌ཀྱི༌མིང༌ལ༌ཅིན༌རྗེས༌མ༌ཟེར༌ཞིང༌། རྒྱལ༌ས༌ཧོ༌ནན༌ཞིང༌ཆེན༌གྱི༌ཁའེ༌ཧྥེང༌ཡིན། རྒྱལ༌རབས༌དེར༌རྒྱལ༌པོ༌མི༌རབས༌གཉིས༌བྱུང༌བའི༌རུས༌མི༌ནི༌ཧྲི༌ཡིན། སྤྱི༌ལོ༌936ནས༌946བར༌ལོ༌ངོ༌བཅུ༌གཅིག༌རིང༌སྲིད༌དབང༌བཟུང༌། (4)ཧོའུ༌ཧབ༌སྟེ༌ཧན༌རྗེས༌མ༌ནི། ཅིན༌རྒྱལ༌རབས༌ཀྱི༌རྒྱལ༌པོ༌མི༌རབས༌གཉིས༌པ༌ཁྲུའུ༌རྟི༌ཧྲི༌ཀྲུང༌ཀུས༌ཀྱི༌ཁའི༌ཡུན༌ཁྲི༌ལོ༌བཞི༌པ༌མེ༌ལུག༌(947)ལོར༌ཆིས༌ཏན༌མི༌རིགས༌ཀྱི༌འགོ༌གཙོ༌ཡེ༌ལུས༌ཏེ༌ཀོང༌གིས༌ཅིན༌རྒྱལ༌ཁབ༌ལ༌དམག༌དྲངས༌ཏེ༌གཏོར༌ཞིང༌། རྒྱལ༌ཕྲན༌རྒྱལ༌པོ༌ལིའུ༌ཀྲི༌ཡན༌ཟེར༌བས༌གོ༌སྐབས༌དེ༌དང༌བསྟུན༌ནས༌རང༌ཉིད༌ཅིན༌གྱི༌རྒྱལ༌པོ༌བྱས༌པའི༌རྒྱལ༌རབས༌ཀྱི༌མིང༌ལ༌ཧན༌རྗེས༌མ༌ཟེར། རྒྱལ༌ས༌ནི༌ཧོ༌ནན༌ཞིང༌ཆེན༌གྱི༌ཁའེ༌ཧྥེང༌ཡིན། རྒྱལ༌རབས༌དེར༌རྒྱལ༌པོ༌མི༌རབས༌གཉིས༌བྱུང༌བའི༌རུས༌མིང༌ནི༌ལིའུ༌ཡིན༌ཞིང༌། སྤྱི༌ལོ༌947ནས༌950བར༌ལོ༌བཞི༌ལས༌སྲིད༌དབང༌བཟུང༌མ༌ཐུབ། (5)ཧོའུ༌ཀྲའུ༌སྟེ༌ཀྲའོ༌རྗེས༌མ༌ནི༌ཧན༌རྗེས༌མའི༌རྒྱལ༌རབས༌ཀྱི༌རྒྱལ༌པོ༌མི༌རབས༌གཉིས༌པ༌ཧན༌ཝུན༌དྷིས༌སྲིད༌ལོ༌བཞི༌པ༌ལྕགས༌ཕག༌(951)ལོར༌རྒྱལ༌ཕྲན༌གྱི༌རྒྱལ༌པོ༌ཀོའོ༌ཝེ༌ཟེར༌བས༌རང༌ཉིད༌རྒྱལ༌པོ༌བྱས༌པའི༌རྒྱལ༌ཁབ༌ཀྱི༌མིང༌ལ༌ཀྲའོ༌རྗེས༌མ༌ཟེར༌ཞིང༌། རྒྱལ༌ས༌ནི༌ཧོ༌ནན༌ཞིང༌ཆེན༌གྱི༌ཁའེ༌ཧྥེང༌ཡིན། རྒྱལ༌རབས༌འདིར༌རྒྱལ༌པོ༌མི༌ཐོག༌གསུམ༌བྱུང༌བའི༌རུས༌མིང༌ནི༌ཀོའུ༌ཡིན༌ལ། སྤྱི༌ལོ༌951ནས༌960བར༌ལོ༌བཅུའི༌རིང༌སྲིད༌དབང༌བཟུང༌བ༌བཅས༌རྒྱལ༌རབས༌ལྔ༌པོ༌དེས༌ལོ༌ལྔ༌བཅུང༌བཞི༌རིང༌སྲིད༌དབང༌བཟུང༌ངོ༌། ། |
| Tibetan Source | 《དུང༌དཀར༌ཚིག༌མཛོད༌ཆེན༌མོ༌》ཤ༌1820.23ལས༌བཏུས། |
| Wylie | |
| Wylie Definition | |
| Wylie Synonym | |
| Sanskrit | |
| English | |
| English Definition | |
| English Synonyms | |
| Chinese | |
| Chinese (Simplified) | |
| Chinese (Traditional) | |
| Chinese Definition | |
| Page Number |