6039

Tibetan	སྲོག༌གཅོད༌པའི༌ལྕི༌བའི༌རྒྱུ༌ལྔ།
Tibetan Alternate
Tibetan Definition	དེ༌ཡང༌། རྣལ༌འབྱོར༌སྤྱོད༌པའི༌ས༌རྣམ༌པར༌གཏན༌ལ༌དབབ༌པ༌བསྡུ༌བ༌ལས༌བྱུང༌བ༌སྟེ། 1.བསམ༌པ༌ནི། དེ༌ལ༌གལ༌ཏེ༌ཆགས༌པའི༌བསམ༌པ༌དྲག༌པོས༌བྱེད༌དམ། ཞེ༌སྡང༌གི༌བསམ༌པ༌དྲག༌པོས༌སམ། གཏི༌མུག༌གི༌བསམ༌པ༌དྲག༌པོས༌བྱེད༌པ༌ནི༌སྲོག༌གཅོད༌པ༌ལྕི༌བ༌ཡིན༌པར༌བརྗོད༌པར༌བྱའོ། ། དེ༌ལས༌བཟློག༌པ༌ནི༌ཡང༌བ༌ཡིན༌ནོ། ། 2.སྦྱོར༌བ༌ནི། གལ༌ཏེ༌བྱེད༌པར༌འགྱུར༌བའམ། བྱེད༌པའམ། བྱས༌པ༌ལ༌སེམས༌རངས༌པ༌དང༌ལྡན༌པ༌དང༌། རབ༌ཏུ༌དགའ༌བའི༌སེམས༌དང༌ལྡན༌པ༌དང༌། རང༌ཡང༌བྱེད༌ལ༌གཞན༌ཡང༌དེ༌ཡང༌དག༌པར༌འཛིན༌དུ༌འཇུག༌པ༌དང༌། དེའི༌བསྔགས༌པ༌བརྗོད༌པར༌བྱེད༌པ༌དང༌། ཆོས༌མཐུན༌པ༌པ༌མཐོང༌ན༌ཡིད༌དགའ༌བར༌འགྱུར༌བ༌དང༌། ཡུན༌རིང༌པོ༌ནས༌བསགས༌ཤིང༌ཡུན༌རིང༌པོ༌ནས༌བསགས༌པའི༌སེམས༌ཀྱིས༌བྱེད༌པ༌དང༌། རྟག༌ཏུ༌བྱེད༌པ༌དང༌། གུས༌པར༌བྱེད༌པ༌དང༌། ལན༌ཅིག༌ལ༌ཡང༌མང༌དུ༌གསོད༌པར༌བྱེད༌པ༌དང༌། ཉོན༌མོངས༌པའི༌ལས༌རབ༌ཏུ༌དྲག༌པོས༌གསོད༌པར༌བྱེད༌པ༌དང༌། འཇིགས༌པས༌དེ༌བྱ༌བ༌མ༌ཡིན༌པ༌བྱེད༌དུ༌བཅུག༌ནས༌གསོད༌པར༌བྱེད༌པ༌དང༌། ཞན༌པ༌དང༌། སྡུག༌བསྔལ༌བ༌དང༌། བཀྲེན༌པ༌དང༌། ཉམ༌ཐག༌པར༌སྨྲ༌བ༌དང༌། སྙིང༌རྗེ༌བར༌སྨྲེ༌སྔགས༌འདོན༌བཞིན༌དུ༌གསོད༌པར༌བྱེད༌པ༌ནི༌སྦྱོར༌བ༌ལྕི༌བ༌ཡིན༌པར༌བརྗོད༌པར༌བྱའོ། ། 3.གཉེན༌པོ༌མེད༌པ༌ནི། གལ༌ཏེ༌སྲོག༌གཅོད༌པར༌བྱེད༌པ༌ཡང༌ཡིན༌ལ༌ཉིན༌གཅིག༌བཞིན༌དུ༌བསླབ༌པ༌འགའ༌ཡང༌ལྡན༌པར༌མི༌བྱེད༌ལ། ཟླ༌བ༌ཕྱེད༌ལ༌ཚེས༌བརྒྱད༌དང༌། ཚེས༌བཅུ༌བཞི༌དང༌། ཚེས༌བཅོ༌ལྔ༌ལ༌བསྙེན༌གནས༌ལ༌གནས༌པར༌མི༌བྱེད༌པ༌དང༌། དུས༌དུས༌སུ༌སྦྱིན༌པ༌དག༌སྦྱིན༌པར༌མི༌བྱེད༌པ༌དང༌། བསོད༌ནམས༌དག༌མི༌བྱེད༌པ༌དང༌། མངོན༌དུ༌སྨྲ༌བ༌དང༌། ཕྱག༌འཚལ༌བ༌དང༌། ལྡང༌བ༌དང༌། ཐལ༌མོ༌སྦྱོར༌བ༌དང༌འདུད༌པ༌ལ༌སོགས༌པ༌མི༌བྱེད༌པ༌དང༌། དུས༌དུས༌སུ༌ངོ༌ཚ༌ཤེས༌པ༌དང༌། ཁྲེལ༌ཡོད༌པ༌དང༌། འགྱོད༌པ༌ཤས༌ཆེན༌པོ༌མི༌ཐོབ༌པ༌དང༌། འཇིག༌རྟེན༌པའི༌འདོད༌ཆགས༌དང༌བྲལ༌བ༌ལ༌མི༌རེག༌པ༌དང༌། ཆོས༌མངོན༌པར༌རྟོགས༌པ༌ལ༌མི༌རེག༌པ༌ནི༌སྲོག༌གཅོད༌པ༌གཉེན༌པོ༌མེད༌པ༌ལས༌ལྕི༌བ༌ཡིན༌པར༌བརྗོད༌པར༌བྱའོ། ། 4.ལོག༌པ༌ལ༌མངོན༌པར༌ཞེན༌པ༌ནི། གལ༌ཏེ༌དགེ༌སྦྱོང༌དང༌བྲམ༌ཟེ༌མཆོད༌སྦྱིན༌ལོག༌པར༌བྱེད༌པ༌རྣམས༌ཀྱི༌ལྟ༌བའི༌རྗེས༌སུ༌ཡིད༌འདོད༌པར༌བྱེད༌ཅིང༌། ཆོས༌འདོད༌པས༌སྲོག༌གཅོད༌པར༌བྱེད༌པ༌ནི༌སྲོག༌གཅོད༌པ༌ལོག༌པ༌ལ༌མངོན༌པར༌ཞེན༌པ༌ལས༌ལྕི༌བ༌ཡིན༌པར༌བརྗོད༌པར༌བྱའོ། ། གལ༌ཏེ༌འདི༌སྙམ༌དུ༌སེམས༌ཏེ། ཕྱུགས༌གསད༌པ༌ལ༌ནི༌ཉེས༌པ༌མེད༌དེ། འདི༌ལྟར༌ཕྱུགས༌རྣམས༌ནི༌སྐྱེ༌དགུའི༌བདག༌པོས༌ཡོ༌བྱད༌ཀྱི༌རྒྱུར༌སྤྲུལ༌པ༌ཡིན༌པའི༌ཕྱིར༌རོ༌སྙམ༌དུ༌སེམས༌ན༌ཡང༌སྲོག༌གཅོད༌པ༌ལྕི༌བ༌ཡིན༌པར༌བརྗོད༌པར༌བྱའོ། ། དེ༌ལྟར༌ལོག༌པར༌ལྟ༌བ༌གང༌ཡང༌རུང༌བ༌ལས༌བརྟེན༌ཏེ། སྲོག༌གཅོད༌པར༌བྱེད༌ན༌ཡང༌སྲོག༌གཅོད༌པ༌ལོག༌པ༌ལ༌མངོན༌པར༌ཞེན༌པ༌ལས༌ལྕི༌བ༌ཡིན༌པར༌བརྗོད༌པར༌བྱའོ། ། 5.གཞི༌ནི། གལ༌ཏེ༌དུད༌འགྲོའི༌སྐྱེ༌གནས༌སུ༌སྐྱེས༌པའི༌སྲོག༌ཆགས༌བོང༌ཆེན༌པོ༌གསོད༌པར༌བྱེད༌ན། སྲོག༌གཅོད༌པ༌གཞི༌ལས༌ལྕི༌བ༌ཡིན༌པར༌བརྗོད༌པར༌བྱའོ། ། གལ༌ཏེ༌མིའམ༌མིར༌ཆགས༌པ༌གསོད༌པར༌བྱེད༌དམ། གལ༌ཏེ༌ཕ༌མའམ། བླ༌མ༌ལྟ༌བུའམ། གལ༌ཏེ༌ཡིད༌གཅུགས༌པའམ། གལ༌ཏེ༌སློབ༌པའམ། གལ༌ཏེ༌བྱང༌ཆུབ༌སེམས༌དཔའ༌འམ། གལ༌ཏེ༌དགྲ༌བཅོམ༌པའམ། གལ༌ཏེ༌རང༌སངས༌རྒྱས༌གསོད༌པར༌བྱེད༌དམ། དེ༌བཞིན༌གཤེགས༌པས༌ནི༌མ༌གྲོངས༌པ༌མ༌ཡིན༌པར༌ཤེས༌བཞིན༌དུ། གལ༌ཏེ༌གསོད༌པའི༌བསམ༌པས༌དེ༌བཞིན༌གཤེགས༌པ༌ལ༌ངན༌སེམས༌ཀྱིས༌ཁྲག༌འབྱིན༌པར༌བྱེད༌པ༌ནི༌སྲོག༌གཅོད༌པའི༌གཞི༌ལས༌ལྕི༌བ༌ཡིན༌པར༌བརྗོད༌པར༌བྱའོ། ། ཇི༌སྐད༌བསྟན༌པའི༌རྒྱུད༌དེ༌དག༌ལས༌བཟློག༌པ༌ནི༌སྲོག༌གཅོད༌པ༌ཡང༌བ༌ཡིན༌པར༌བརྗོད༌པར༌བྱའོ། །
Tibetan Source	《བསྟན༌འགྱུར༌སེམས༌ཙམ༌ཞི༌པ༌》ཤ༌136བ༌6ལས༌བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number