6087

Tibetan	ལྷ༌དང༌མིར༌མི༌རིགས༌པ༌བག༌མེད༌པའི༌སྐྱོན༌ལྔ།
Tibetan Alternate
Tibetan Definition	དེ༌ཡང༌། འཕགས༌པ༌དམ༌པའི༌ཆོས༌དྲན༌པ༌ཉེ༌བར༌གཞག༌པ༌ལས༌བྱུང༌བ༌སྟེ། 1.བག༌མེད༌པར༌གྱུར༌པས༌བག༌མེད༌པར༌སྤྱོད༌པ། རྣམ༌པར༌གཡེང༌བའི༌ཡིད༌ཀྱིས༌གཞན༌ཉིད༌བསམ༌པ༌ན༌གཞན༌ཉིད༌རྗོད༌པར༌བྱེད༌དོ། ། དེའང༌སྙིང༌པོ༌མེད༌པ༌དོན༌མེད༌པར༌བྱེད༌པ༌པོ༌སྔ༌མ༌དང༌ཕྱི༌མ༌འགལ༌བ༌ཡེ༌ཡེའོ། ། གཞན༌རྣམས༌ལའང༌སེམས༌འཛིན༌པར༌འགྱུར༌བ༌ན༌ཡིན༌ནོ། དེ༌ཅིའི༌ཕྱིར༌ཞེ༌ན། བག༌མེད༌པས༌རྣམ༌པར༌གཡེངས༌པར༌གྱུར༌པའི༌བློས༌རིག༌བ༌མ༌ཡིན༌ནོ། ། བདག༌གིས༌གཏམ༌འདི༌ཅི༌སྨྲས༌པ༌དང༌རྣམ༌པ༌ཇི༌ལྟ༌བུ༌ཞིག༌ཀྱང༌བདག༌གིས༌སྨྲས༌བྱ༌བ༌དང༌། བདག༌གིས༌གང༌ལ༌སྨྲ༌པར༌བྱ༌བ༌ཡང༌སྟེ། དེའི༌བློ༌རྣམ༌པར༌གཡེང༌པར༌འགྱུར༌ཞིང༌རྣམ༌པར༌མི༌གནས༌པས༌གང༌རུང༌བ༌ལ༌དེ༌སྨྲ༌བར༌བྱེད༌དོ། ། དེ༌དེ༌ལྟར༌ཡང༌མོར༌འགྱུར༌རོ། ། ཡོངས༌ལས༌ཁ༌ཉེན༌པར༌འགྱུར༌རོ། ། ཡིད༌དུ༌མི༌འོང༌བར༌འགྱུར༌རོ། ། གཞན༌དག༌རྣམས༌ཀྱིས༌ཀྱང༌རྣམ༌པར༌གཤེ༌བར༌བྱེད༌དོ། ། དེ༌ཐམས༌ཅད༌ལ༌རྩྭ༌བཞིན༌དུ༌བདག༌ཉིད༌འདུད༌པར༌བྱེད༌དོ། ། འདི༌དག༌ནི། སྐྱོན༌དང༌པོ༌ཡིན༌ཏེ། བག༌མེད༌པས༌ཀུན༌ཏུ༌བཅིངས༌པའི༌སྐྱོན༌རྣམས༌ཀྱིས༌ཀྱང༌ལོག༌པར༌ལྷུང༌བ༌རྣམས༌སུ༌སྐྱེ༌བར༌འགྱུར༌བ༌ནི། འགྲོ༌བ༌གསུམ༌པོ༌རྣམས༌ཕན༌ཚུན༌དུ༌གང༌ཡང༌རུང༌བ༌རྣམས༌སུའོ། ། འདི༌ནི། བག༌མེད༌པ༌རྣམས༌ཀྱི༌སྐྱོན༌གྱི༌དང༌པོ༌ཡོན༌ནོ། ། 2.གཞན༌ཡང༌བག༌མེད༌པ༌རྣམས༌ལ༌སྐྱོན༌གཉིས༌པ༌ཡོད༌དེ། གང༌ཞེ༌ན། འདི༌ལྟ༌སྟེ། དགོས༌པ༌དང༌དགོས༌པ༌མ༌ཡིན༌པ༌རྣམས༌ཀྱང༌མི༌ཤེས༌པའོ། ། བག༌མེད༌པས༌ཉམས༌པར༌གྱུར༌པའི༌བློས༌རྟོགས༌པར༌མི༌འགྱུར༌ཏེ། བདག༌གི༌ལེགས༌པར༌བྱས༌པའི༌དོན༌རྣམས༌ནི། ཅི༌ཡིན། ཅི༌ནི། བྱ༌བ༌མ༌ཡིན༌པ༌ཡིན། དེའི༌ལས༌དེ༌དག༌རྣམས༌ཀྱི༌འབྲས༌བུ༌ནི། རྣམ༌པ༌ཅི༌འདྲ༌བ༌ཞིག༌ཏུ༌འགྱུར། དེ༌ཇི༌ལྟར༌ལས༌རྣམས༌ཤེས༌པ༌མ༌ཡིན༌པ༌དེ༌དེ༌ལྟར༌རྣམ༌པར༌སྨིན༌པ༌རྣམས༌ཀྱང༌མི༌ཤེས༌སོ། ། དེ༌ལས༌དང༌འབྲས༌བུ༌རྣམས༌ལ༌རྣམ༌པར༌རྨོངས༌པར༌གྱུར༌ཅིང༌རྨོངས༌པ༌ནི། ལུས༌ཞིག༌པར༌གྱུར༌ནས༌བག༌མེད༌པ༌དེའི༌སྐྱོན༌གྱིས༌ངན༌སོང༌ལོག༌པར༌ལྟུང༌བར༌གྱུར༌པ༌དམྱལ༌བ༌རྣམས༌སུ༌སྐྱེ༌བར༌འགྱུར༌རོ། ། 3.གཞན༌ཡང༌སྐྱོན༌གསུམ༌པ༌བག༌མེད༌པ༌ལ༌ཡོད༌དེ། བག༌མེད༌པ༌ལ༌ཀུན༌ཏུ༌འཁྲིད༌པར༌གྱུར༌པའི༌ལྷའམ༌མི༌རྣམས༌ཀྱང༌རུང༌སྟེ། གྲོགས༌པོ༌དམ༌པ༌མ༌ཡིན༌པ༌སྟེན༌པར༌བྱེད༌ལ། དཀོན༌མཆོག༌གསུམ༌ལ༌བསྙེན༌པར༌མི༌བྱེད༌པ༌དང༌། ཤེས༌རབ༌དང༌ཚུལ༌ཁྲིམས༌ལའང༌མ༌ཡིན། བླ༌མ༌རྣམས༌ལ༌སྟོན༌པར༌མི༌བྱེད༌དོ། ། སྐྱོན༌དང༌ཡོན༌ཏན༌གྱི༌ཁྱད༌པར༌རྣམས༌ཀྱང༌ཀུན༌ཏུ༌མི༌ཤེས༌སོ། ། འཁོར༌བའི༌སྡུག༌བསྔལ༌རྣམས༌ཀྱིང༌ཤེས༌པར༌མི༌འགྱུར༌རོ། ། ལས༌རྣམ༌པ༌སྣ༌ཚོགས༌པ༌རྣམས༌ཀྱང༌ཀུན༌ཏུ༌མི༌རྟོགས༌སོ། ། སྲོད༌དང༌ཐོ༌རངས༌མི༌ཉལ༌བར༌བརྩོན༌པར༌གནས༌པའི༌རང༌བཞིན༌ཅན༌མ༌ཡིན༌ནོ། ། དེ༌ཤི༌བར༌གྱུར༌པའི༌འོག༌ཏུ༌བག༌མེད༌པ༌དེའི༌སྐྱོན༌གྱིས༌ངན༌སོང༌ལོག༌པར༌ལྟུང༌བ༌དམྱལ༌བར༌སྐྱེའོ། ། 4.གཞན༌ཡང༌སྐྱོན༌བཞི༌པ༌བག༌མེད༌པ༌ལ༌ཡོད༌དེ། དེ༌གང༌ཞེ༌ན། འདི༌ལྟ༌སྟེ། དེ༌ཁོ༌ནར༌སྐྱེས༌པར༌གྱུར༌པའི༌སྐྱེས༌བུ༌རྣམས༌དང༌། ལྷ༌རྣམས༌ཀྱང༌དེ༌ཁོ༌ན༌བཞིན༌དུ༌ཚེའི༌འདུ༌བྱེད༌རྣམས༌ཟད༌པར༌འགྱུར༌ཞིང༌ལེགས༌པར༌བྱས༌པའི༌ལས༌རྣམས༌ཟད༌པར༌གྱུར༌ནས༌ནི། འཆི༌བདག༌གི༌རྒྱལ༌པོ༌འོང༌བར༌འགྱུར༌ལ། གང༌དང༌ལྷན༌ཅིག༌ཏུ༌སྐྱེས༌པར༌གྱུར༌པའི༌བག༌མེད༌པ༌སྟེན༌པར༌བྱེད༌པ༌རྣམས༌ལ༌དེ༌དང༌ལྷན༌ཅིག༌ཏུ༌རྣམ༌པར༌འབྲལ༌བར༌འབྱུང༌བར༌འགྱུར༌རོ། ། བཞི༌པོ༌འདི༌དག༌རྣམས༌གང༌ཡིན༌པ༌དང༌ནི། ངེས༌པ༌ཁོ༌ནར༌ལྷན༌ཅིག༌ཏུ༌འབྲལ༌བར༌འབྱུང༌བར༌འགྱུར༌རོ། ། བཞི༌གང༌ཞེ༌ན། འདི༌ལྟ༌སྟེ། (1)ལང༌ཚོ། (2)ནད༌མེད༌པ། (3)སྲོག (4)ཕུན༌སུམ༌ཚོགས༌པའོ། ། བཞི༌པོ༌འདི༌དག༌རྣམས༌དང༌ནི། ངེས༌པ༌ཁོ༌ནར༌ལྷན༌ཅིག༌ཏུ༌འབྲལ༌བར༌བྱ༌དགོས༌སོ། ། དེ༌དག༌རྣམས༌ལའང༌མཁས༌པ༌རྣམས༌ཀྱིས༌སྐབས༌དབྱེ༌བར༌མི༌བྱ༌བ༌དང༌། བག༌མེད༌པ༌དེའང༌འདིར༌བསྟེན༌པར༌མི༌བྱའོ། ། ཇི༌ལྟར༌བག༌མེད༌པ༌དེས༌ཀྱང༌འདིར༌དགྲ༌བཞིན༌དུ༌འབྱུང༌བར༌འགྱུར༌བས། འདི༌ནི། བསྟེན༌པར༌མི༌བྱའོ། ། བག༌མེད༌པས༌ཟིལ༌གྱིས༌མནན༌པར༌གྱུར༌པ༌རྣམས༌ནི། ལྷའམ༌མི༌རྣམས༌ཀྱང༌རུང༌སྟེ། བརླག༌པར༌འགྱུར༌རོ། ། དེའི༌ཕྱིར༌ན༌འདི༌ཡོངས༌སུ༌སྤང༌པར༌བྱའོ། ། 5.གཞན༌ཡང༌བག༌མེད༌པར༌གྱུར༌པ༌རྣམས༌ཀྱི༌སྐྱོན༌ལྔ༌པའོ། ། འདི༌གང༌ཞེ༌ན། འདི༌ལྟ༌སྟེ། གང༌ལ༌འཇིགས༌པའི༌གནས༌སུ༌གྱུར༌པ༌དེ༌དག༌ཁོ༌ན༌ལ༌ཡིད༌ཆེས༌པར༌བྱེད༌དེ། འཇིགས༌པའི༌གནས༌སུ༌གྱུར༌ཅིང༌ཡིད༌མི༌ཆེས༌པ༌ཇི༌ལྟར༌བུད༌མེད༌རྣམས༌དང༌མཚུངས༌པ༌གཞན༌ཉིད༌ནི། ཡོད༌པ༌མ༌ཡིན༌ནོ། ། བག༌མེད༌པའི༌དབང༌དུ༌གྱུར༌པའི༌སྐྱེས༌བུ༌ངན༌པ༌རྣམས༌ནི། དེ༌དག༌རྣམས༌ཉིད༌ལ༌ཡིད༌ཆེས༌པ༌སྐྱེས༌པར༌བྱེད༌ཅིང༌གང༌འགའ༌ཞིག༌ལ༌ཡིད༌ཆེས༌པར༌མི༌བྱེད༌པ༌རྣམས༌ཀྱང༌དེ༌ཇི༌སྲིད༌ཤི༌བར༌མ༌འགྱུར༌གྱི༌བར༌དུ༌སྙིང༌ལ༌འགེབས༌པར༌བྱེད༌དེ། ཇི༌ལྟར༌མེའི༌ལྷན༌ཅིག༌སྐྱེས༌པ༌ཚ༌བ༌ཡིན༌པ༌དེ༌བཞིན༌དུ༌བུད༌མེད༌རྣམས༌ཀྱི༌ཡང༌གཡོ༌དང༌འདོད༌པ༌ཅན༌དང༌སྒྱུ༌དང༌ཕྲག༌དོག༌དང༌མངོན༌པར༌འཁུ༌བར༌འགྱུར༌བ༌དང༌། ང༌རྒྱལ༌དང༌མི༌སྙན༌པར༌བྱེད༌པ༌དང༌ལོག༌པར༌སྒྲུབ༌པ༌དང༌ཀུན༌ཏུ༌འདྲེས༌པའི༌སེམས༌དང༌སྐྱོན༌དེ༌རྣམས༌བུད༌མེད༌དང༌ལྷན༌ཅིག༌སྐྱེས༌པ༌ཡིན༌ཏེ། བག༌མེད༌པས༌ཀུན༌ཤས༌འཁྲིད༌པར༌གྱུར༌པའི༌སྐྱེས༌བུ༌ངན༌པ༌དེ༌ཚིག༌ཙམ༌འབའ༌ཞིག༌གིས༌རབ༌ཏུ༌རྣམ༌པར༌བཅོམ༌པར༌གྱུར༌ནས༌དེ༌དག༌ཉིད༌ལ༌ཡིད༌ཆེས༌པར༌བྱེད༌དོ། ། དེ༌དག༌ཉིད༌ཀྱིས༌ཀུན༌ནས༌འཆུམས༌པར༌གྱུར༌ཅིང༌བློ༌རབ༌ཏུ༌སད༌པར༌བྱེད༌དོ། ། དེ༌ལྟར༌མདོར༌བསྡུས༌པར༌གྱུར༌ན༌བག༌མེད༌པ༌རྗེས༌སུ༌འབྲང༌བ༌དང༌བཅས༌པར༌སྐྱོན༌ཆེན༌པོ༌ལྔ༌ཡོད༌དོ། རབ༌ཏུ༌དབྱེ༌བ༌ལས༌ནི། ཚད༌མེད༌པར༌འགྱུར༌རོ། །
Tibetan Source	《མདོ༌ཡ༌པ༌》ཤ༌360ན༌5ལས༌བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number