6090

Tibetan	ལྷ༌རྣམས༌ཀྱི༌ངོ༌ཚ༌བའི༌རྒྱུ༌ལྔ།
Tibetan Alternate
Tibetan Definition	དེ༌ཡང༌། འཕགས༌པ༌དམ༌པའི༌ཆོས༌དྲན༌པ༌ཉེ༌བར༌གཞག༌པ༌ལས༌བྱུང༌བ༌སྟེ། 1.ཟས༌ཀྱི༌དུས༌ན༌ལྷ༌གཞན༌དག༌གི༌བདུད༌རྩི༌དྲི༌མ༌མེད༌པ༌རྣམས༌མངོན༌པར༌མཐོང༌ལ༌རང༌གི༌དྲི༌མ༌ཅན༌དང༌དམན༌པར༌གྱུར༌པ༌ཀུན༌ནས༌ཉེ༌བ༌ན༌གནས༌ནས༌ཟ༌བར༌བྱེད༌པ༌ན༌མཆོག༌ཏུ༌ངོ༌ཚ༌བ༌ལྟ༌བུ༌སྐྱེ༌བ༌འདི༌ནི༌ལྷ༌རྣམས༌ཀྱི༌ངོ༌ཚ༌བའི༌རྒྱུ༌དང༌པོ༌ཡིན༌ནོ། ། 2.གཟུགས༌ཤིན༌ཏུ༌བཟང༌བ༌མང༌བ། ལྷ༌གཟུགས༌བཟང༌བའི༌ལྷ༌གཞན༌ཉེ༌བར༌གནས༌པ༌དེ༌དག༌མངོན༌པར༌མཐོང༌ནས༌ལྷ༌གཞན༌རྣམས༌ངོ༌ཚ༌བར༌འགྱུར༌བ༌འདི༌ནི༌ངོ༌ཚ༌བའི༌རྒྱུ༌གཉིས༌པ༌ཡིན༌ནོ། ། 3.གང༌གི༌ཚེ༌ནམ༌མཁའ༌ལ༌པདྨའི༌ནགས༌དང༌། ཉེ༌བའི༌ནགས༌དང༌། རིའི༌རྩེ༌མོ༌གསེར༌དང༌། བཻཌཱུརྱའི༌རང༌བཞིན༌རྣམས༌ལ༌རྩེད༌མོ༌རྩེ༌བའི༌དོན༌དུ༌ལྷ༌རྣམས༌གང༌དག༌འགྲོ༌བར༌བྱེད༌པ༌དེའི༌ཚེ༌ལས༌ཀྱི༌ཁྱད༌པར༌གྱིས༌ཤིན༌ཏུ༌མྱུར༌བར༌འགྲོ༌བར༌འགྱུར༌རོ། ། ལྷ༌གང༌དག༌ལས༌ཤིན༌ཏུ༌ཆུང༌བ༌དེ༌འགྲོ༌བ༌བུལ༌བར༌འགྱུར༌རོ། ། དེ༌ཤུགས༌དང༌ལྡན༌པར༌འགྲོས༌ཀྱིས༌ཇེས༌སུ༌འགྲོ༌བ༌མ༌ཡིན༌ནོ། ། དེ༌རང༌གི༌གནས༌ཀྱི༌ལྷ༌མོའི༌ཚོགས༌དེ༌རྣམས༌ཀྱི༌མདུན༌དུ༌ངོ༌ཚ༌བར༌འགྱུར༌བ༌ནི། ངོ༌ཚ༌བའི༌རྒྱུ༌གསུམ༌པ༌ཡིན༌ནོ། ། 4.གང༌གི༌ཚེ༌ལྷ༌པདྨའི༌རྫིང༌བུ༌ལ༌བརྟེན༌པ༌དེའི༌ཚེ༌ལྷ༌གང༌གིས༌རྣམ༌པ༌ཇི༌སྲིད༌ཀྱི༌ལས༌བྱས༌པར༌གྱུར༌པ༌དེའི༌རྣམ༌པ༌དེ༌སྲིད༌ཀྱི༌པདྨ༌འབྱུང༌བར༌འགྱུར༌རོ། ། ཁ༌དོག༌དང༌། དྲི༌དང༌། རེག༌བྱ༌ཤིན༌ཏུ༌ཆེ༌བ༌དེ༌དག༌རྣམས༌མངོན༌དུ༌ལེགས༌པར༌མཐོང༌ནས༌ཀྱང༌ཇི༌ལྟར༌འཁོར༌གྱི༌ནང༌དུ༌འཇུག༌པ༌ན༌གཙོ༌བོར༌གྱུར༌པའི༌ལྷ༌རྣམས༌ཤིན༌ཏུ༌ངོ༌ཚ༌བར༌འགྱུར༌བ༌ནི། ངོ༌ཚ༌བའི༌རྒྱུ༌བཞི༌པ༌ཡིན༌ནོ། ། 5.ལྷ༌རྣམས༌སོ༌སོ༌ལ༌ངོ༌ཚ༌བར༌འགྱུར༌བ༌གང༌ཞེ༌ན། སྟན༌རྣམས༌ནི༌གང༌དག༌གིས༌རྣམ༌པ༌ཇི༌ལྟ༌བུ༌དག༌གི༌ལས༌བྱས༌པར༌གྱུར༌པའི༌ལྷ༌དེ༌དང༌དེ༌དག༌གི༌རྣམ༌པ༌དེ༌ལྟ༌བུ༌རྣསམ༌སུ༌སྟེ། རྣམ༌པ༌དེ༌ལྟ༌བུ༌ཁོ༌ནའི༌སྟན༌རྣམས༌འབྱུང༌བར༌འགྱུར༌རོ། ། དེ༌ལ༌གང༌གིས༌ཤིན༌ཏུ༌ལེགས༌པར༌བྱས༌པའི༌ལས༌བྱས༌པར༌གྱུར༌པ༌དེ༌དག༌རྣམས༌ལ༌ནི། བཻཌཱུརྱའི༌རང༌བཞིན༌དང༌། ཨིནྡྲ༌ནཱི༌ལའི༌རང༌བཞིན༌ནམ། པདྨ༌ར་གཱའི༌རང༌བཞིན༌གྱི༌སྟན༌རྣམས༌རབ༌ཏུ༌འབྱུང༌བར༌འགྱུར༌རོ། ། སྟན༌དེ༌དག༌ལ༌ལྷ༌གཞན༌གང༌དག༌འདུག༌པར༌བྱེད༌པ༌ན༌ལས༌རྣམས༌ཉུང༌བའི༌ཕྱིར༌ན༌དེའི༌ཚེ༌ན༌སྟན༌དེའང༌གསེར་དུ་འགྱུར་བའམ། ཡང་ན་དངུལ་གྱི་རང་བཞིན་འགྱུར་བའམ། ཡང་ན་ཤེལ་གྱི་རང་བཞིན་དུ་འགྱུར་རོ། ། དེའི་ཚེ་སྟན་རྣམ་པར་གྱུར་པ་དེ་མངོན་པར་མཐོང་ནས་ལྕི་མོ་དང་ཡང་མོ་རྣམ་པ་སྣ་ཚོགས་པ་ཡིན་པ་ཁོ་ནས་ལྷ་དེ་དག་ཀུན་ནས་ཤིན་ཏུ་ངོ་ཚ་བར་འགྱུར་རོ། ། དེ་རྣམས་ངོ་ཚ་བས་ཤིན་ཏུ་གཟི་བརྗིད་རྣམས་ཡོངས་སུ་ཉམས་པར་འགྱུར་རོ། ། དེ་དག་དེ་ལྟར་ཀུན་ནས་ཉམས་པས་བཞིན་གྱི་མདངས་ཡོངས་སུ་ཉམས་པར་འགྱུར་བ་དང་། གཞན་ཡང་ཤིན་ཏུ་རེབ་ཀྱི་སྟོབས་དང་ལྡན་པ་དང་། ཆེས་ལྷག་པའི་ལྷ་རྣམས་མངོན་པར་མཐོང་ནས་ལྷ་ལས་རྣམས་ཤིན་ཏུ་དམན་པའི་ལྷ་དེ་དག་ལྷ་མོ་རྣམས་ཀྱིས་ཡོངས་སུ་སྤོང་ངོ་། ། ལྷ་མོ་དེས་ལྷ་དེ་དག་ཡོངས་སུ་སྤངས་ནས་ལྷ་གཞན་རྣམས་ལ་བརྟེན་ནོ། ། ལུགས་གཅིག་ཏུ་ངེས་པའི་ལྷ་མོ་དེ་དག་རྣམས་ཐམས་ཅད་ཀྱང་ལྷ་གཞན་དག་རྣམས་ལ་ཀུན་ནས་འཕོས་ནས་ཁྱད་པར་དུ་འཕགས་པའི་ལྷ་དག་དགའ་བར་བྱེད་དོ། ། ལས་དམན་པའི་ལྷ་དེ་རྣམས་མཆོག་ཏུ་ངོ་ཚ་བ་ཐོབ་པར་འགྱུར་བ་འདི་ནི། ངོ་ཚ་བའི་རྒྱུ་ལྔ་པ་ཡིན་ནོ། །
Tibetan Source	《མདོ་ཡ་པ་》ཤ་166ན་4ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number