6091

Tibetan	ལྷ་རྣམས་ཀྱི་འཆི་བའི་དུས་ཀྱི་འཇིགས་པ་ལྔ།
Tibetan Alternate
Tibetan Definition	དེ་ཡང་། འཕགས་པ་དམ་པའི་ཆོས་དྲན་པ་ཉེ་བར་གཞག་པ་ལས་བྱུང་བ་སྟེ། 1.འདོད་པ་སྡུག་པ་མཐུན་པ་ཡིད་དུ་འོང་བའི་བུད་མེད་རྣམས་ཐམས་ཅད་དང་ལྷའི་རིགས་ཀྱི་སྐལ་པ་མཐུན་པ་དེ་ཉིད་དུ་སླར་ཡང་ཀུན་ཏུ་མི་ཕྲད་པ་སྟེ། དེ་ལ་འདི་ནི། རྣམ་པར་འབྲལ་བས་བྱས་པའི་སྡུག་བསྔལ་ཆེན་པོ་དང་པོ་ཡིན་ནོ། ། 2.གཞན་ཡང་ལྷ་རྣམས་འཆི་འཕོ་བར་གྱུར་པའི་དུས་ན་སྡུག་བསྔལ་གཉིས་པ་འདི་ལྟ་སྟེ། འདོད་པའི་སྡུག་པ་ཡིད་དུ་འོང་བའི་ལྷ་རྫས་ཀྱི་ཡུལ་རྣམས་དང་ཕྱི་ནས་ཡང་མི་ཕྲད་པ་ཞེས་བྱ་བ་འདི་ནི། ལྷ་རྣམས་འཆི་འཕོ་བའི་དུས་ན་སྡུག་བསྔལ་ཆེན་པོ་གཉིས་པ་ཡིན་ནོ། ། 3.གཞན་ཡང་ལྷ་རྣམས་ལ་སྡུག་བསྔལ་གསུམ་པ་ཡོད་དེ། ལྷ་གཞན་གང་དག་དང་རྩེ་བར་བྱེད་པ་དེ་དག་གིས་འདིའི་མངོན་སུམ་དུ་གྱུར་པ་གང་གི་ཚེ་སྣུམ་ཟད་པའི་མར་མེ་འཆི་བ་བཞིན་དུ་མཐོང་བར་འགྱུར་རོ། ། དེའི་ཚེ་དེ་ལ་སྡུག་བསྔལ་གང་དག་སྐྱེ་བར་འགྱུར་བ་དེ་དག་འདི་ལྟར་འགྱུར་བ་ཡིན་ཏེ། ངེས་པའི་ལས་ཀྱི་རླུང་གིས་བདག་ངེས་པར་བརླག་པར་འགྱུར་བ་ཡིན་ནོ། ཞེས་དེ་ལ་རྣམ་པར་འབྲལ་བར་བྱས་པའི་སྡུག་བསྔལ་སྐྱེ་བ་གང་ཡིན་པ་དེ་དམྱལ་བའི་སྡུག་བསྔལ་གྱིས་ཀྱང་ཆེར་མི་བཟོད་དོ། ། 4.གཞན་ཡང་ལྷ་རྣམས་ཀྱི་སྡུག་བསྔལ་བཞི་པ་ཡོད་དེ། གང་གི་ཚེ་འཆི་འཕོ་བར་འགྱུར་བ་དང་ཉེ་བར་འགྱུར་བ་ན་འགྲོ་བ་གང་ནས་སྐྱེ་བར་འགྱུར་བ་དང་། གང་ལ་འདི་སྐྱེ་བ་འབྱུང་བར་འགྱུར་བ་དམྱལ་བ་དང་ཡི་དྭགས་དང་དུད་འགྲོ་རྣམས་ཀྱི་འགྲོ་བ་དེ་དེས་ཇི་ལྟ་བ་བཞིན་དུ་མཐོང་བར་གྱུར་པ་ན་དེའི་ཚེ་འདི་འགྱོད་པར་གྱུར་པས་བྱས་པའི་མེར་འོས་པ་རྣམ་པ་དུ་མའི་སྡུག་བསྔལ་འབྱུང་བར་འགྱུར་རོ། ། 5.གཞན་ཡང་ལྷ་རྣམས་ལ་སྡུག་བསྔལ་ཆེན་པོ་ལྔ་པ་ཡོད་དེ། གང་དག་དགེ་བའི་བཤེས་གཉེན་དུ་གྱུར་པ་རྣམས་ཀྱིས་ཆོས་བསྟན་པར་གྱུར་པ་ན་དེའང་ཉན་པར་མི་བྱེད་པ་དང་། དམ་པའི་ཆོས་རྗེས་སུ་སྒྲུབ་པར་མི་བྱེད་པར་བག་མེད་པས་བག་མེད་པར་རྒྱུ་བ་ཡུལ་གྱིས་ཀུན་ནས་འཕྲོག་པར་གྱུར་པའི་སེམས་ཀྱིས་ཏེ། འཆི་འཕོ་བར་འགྱུར་བའི་དུས་དེའི་ཚེ་དེའང་རྗེས་སུ་དྲན་ནས་མི་བཟད་པའི་སྡུག་བསྔལ་ངས་ཅི་ཞིག་བྱས་ན། ཆོས་གང་ཡིན་པ་ནི། མ་མཉན་ནོ། ། ཚུལ་ཁྲིམས་ལའང་རྗེས་སུ་མ་བསྒྲུབས་པས་ཤེས་རབ་ཀྱང་གོམས་པར་མ་བྱས་པ་དེའི་སེམས་དང་པོ་ཁོ་ནོར་རྣམ་པར་འགྱོད་པར་འགྱུར་བའི་མེས་སྲེག་པར་བྱེད་དོ། ། རང་ལས་ཀྱི་ཞགས་པ་དེས་དབང་མེད་པར་ངེས་པར་བཅིངས་ནས་བག་མེད་པའི་དགྲས་བསླུས་པ་ཡིན་ཏེ། ལྷ་རྣམས་ལ་སྡུག་བསྔལ་ཆེན་པོ་ལྔ་པོ་འདི་རྣམས་ཡོད་དོ། །
Tibetan Source	《མདོ་ར་པ་》ཤ་137བ་2ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number