6682
| Tibetan | གནས་ལུགས་གཏན་ལ་དབབ་པའི་ཆོས་དྲུག |
|---|---|
| Tibetan Alternate | |
| Tibetan Definition | གནས་ལུགས་འགྱུར་མེད་ནམ་མཁའ་ལྟ་བུ་དང་། ། མི་གཡོ་འགག་མེད་རྒྱ་མཚོ་ལྟ་བུ་དང་། ། རྟོག་མེད་འདོད་འབྱུང་ནོར་བུ་ལྟ་བུ་དང་། ། རྐྱེན་གྱིས་ཐ་དད་ག་བུར་ལྟ་བུ་དང་། ། གསལ་སྟོང་རྙོག་མེད་མེ་ལོང་ལྟ་བུ་དང་། ། ཀུན་ཁྱབ་ཕྱོགས་མེད་ཏིལ་མར་ལྟ་བུ་དང་། ། རྣམ་པ་དྲུག་ཏུ་གཏན་ལ་དབབ་པ་གཅེས། ། ཞེས་པ་ལས།
1. དང་པོ་ནམ་མཁའ་ལྟ་བུའི་ཆོས་དྲུག་ནི། (1)ཕྱོགས་ལྷུང་མེད་པས་ནམ་མཁའ་ལྟ་བུ་དང་། ། (2)རྒྱ་ཆད་མེད་པས་ནམ་མཁའ་ལྟ་བུ་དང་། ། (3)ཡངས་དོག་མེད་པས་ནམ་མཁའ་ལྟ་བུ་དང་། ། (4)མཐོ་དམན་མེད་པས་ནམ་མཁའ་ལྟ་བུ་དང་། ། (5)ཁ་དོག་དབྱིབས་མེད་ནམ་མཁའ་ལྟ་བུ་དང་། ། (6)འཁོར་འདས་ཀུན་འབྱུང་ནམ་མཁའ་ལྟ་བུའོ། ། 2. གཉིས་པ་རྒྱ་མཚོ་ལྟ་བུའི་ཆོས་དྲུག་ནི། (1)གནས་ལུགས་ཡངས་ཤིང་རྒྱ་ཆེ་རྒྱ་མཚོ་འདྲ། ། (2)དངོས་མེད་ཟང་ཐལ་གཏིང་ཟབ་རྒྱ་མཚོ་འདྲ། ། (3)བློ་ཡིས་དཔག་དཀའ་ཚད་མེད་རྒྱ་མཚོ་འདྲ། ། (4)མཐའ་གཉིས་མི་གཡོ་དྭངས་པ་རྒྱ་མཚོ་འདྲ། ། (5)ཀློང་ཡངས་མ་འགགས་རང་གསལ་རྒྱ་མཚོ་འདྲ། ། (6)རྟོག་པའི་རྦ་རླབས་རང་གྲོལ་རྒྱ་མཚོ་འདྲ། ། 3. ནོར་བུ་ལྟ་བུའི་ཆོས་དྲུག་ནི། (1)རྟོག་མེད་དགོས་འདོད་འབྱུང་བས་ནོར་བུ་འདྲ། ། (2)གང་ཡང་ཕྱོགས་ལྷུང་མེད་པས་ནོར་བུ་འདྲ། ། (3)གནས་ལུགས་རང་བཞིན་དག་པས་ནོར་བུ་འདྲ། ། (4)རྩལ་ལས་རྒྱན་དུ་ཤར་བས་ནོར་བུ་འདྲ། ། (5)དངས་གསལ་སྤྲོས་པ་མེད་པས་ནོར་བུ་འདྲ། ། (6)ཐམས་ཅད་དབྱིངས་གཅིག་རང་བཞིན་ནོར་བུ་འདྲ། ། 4. ག་བུར་ལྟ་བུའི་ཆོས་དྲུག་ནི། (1)མ་རྟོགས་འཁོར་བ་འབྱུང་བས་ག་བུར་འདྲ། ། (2)རིགས་དྲུག་སྡུག་བསྔལ་མྱོང་བས་ག་བུར་འདྲ། ། (3)རྟོགས་ནས་སངས་རྒྱས་འབྱུང་བས་ག་བུར་འདྲ། ། (4)སྐུ་གསུམ་ཞི་བདེ་འགྲུབ་པས་ག་བུར་འདྲ། ། (5)གཞི་ལ་གཉིས་ཀ་མེད་པས་ག་བུར་འདྲ། ། (6)རྐྱེན་གྱིས་ཐ་དད་སྣང་བས་ག་བུར་འདྲ། ། 5. མེ་ལོང་ལྟ་བུའི་ཆོས་དྲུག་ནི། (1)གནས་ལུགས་གཞི་ནས་གསལ་བས་མེ་ལོང་འདྲ། ། (2)སྒྲིབ་གཡོགས་གཡའ་དང་བྲལ་བས་མེ་ལོང་འདྲ། ། (3)རོལ་པ་འགག་མེད་འཆར་བས་མེ་ལོང་འདྲ། ། (4)མཚན་ཉིད་གཉིས་སུ་མེད་པས་མེ་ལོང་འདྲ། ། (5)རྟོག་མེད་ངང་དྭངས་གནས་པས་མེ་ལོང་འདྲ། ། (6)རང་གསལ་ཡེ་ནས་དག་བས་མེ་ལོང་འདྲ། ། 6. ཏིལ་མར་ལྟ་བུའི་ཆོས་དྲུག་ནི། (1)སེམས་ཅན་སངས་རྒྱས་ཁྱབ་པས་ཏིལ་མར་འདྲ། ། (2)རྒྱུ་འབྲས་སྐྱེ་ཤི་སྣང་བས་ཏིལ་མར་འདྲ། ། (3)སེམས་ཉིད་ཡུལ་ལ་སྣང་བས་ཏིལ་མར་འདྲ། ། (4)ཡུལ་རྟོག་སེམས་ཉིད་གྲོལ་བས་ཏིལ་མར་འདྲ། ། (5)བསྒོམས་ན་ཆོས་སྐུར་འཆར་བས་ཏིལ་མར་འདྲ། ། (6)འབྲས་བུ་རྒྱུར་མི་ལྡོག་པས་ཏིལ་མར་འདྲ། ། དེ་ལྟར་རྟོགས་ན་གནས་ལུགས་དོན་ལ་མཁས། ། ཞེས་སོ། ། |
| Tibetan Source | 《ཀློང་ཆེན་མཛོད་བདུན་མན་ངག་མཛོད་》ཤ་110ན་4ལས་བཏུས། |
| Wylie | |
| Wylie Definition | |
| Wylie Synonym | |
| Sanskrit | |
| English | |
| English Definition | |
| English Synonyms | |
| Chinese | |
| Chinese (Simplified) | |
| Chinese (Traditional) | |
| Chinese Definition | |
| Page Number |