6762

Tibetan	བར་དོའི་རང་བཞིན་བཤད་པ་ལས་སེམས་ལས་སུ་རུང་བའི་མངོན་ཤེས་དྲུག
Tibetan Alternate
Tibetan Definition	དེ་ཡང་། མདོ་རྒྱུད་རིན་པོ་ཆེའི་མཛོད་ཀྱི་རྒྱས་འགྲེལ་སྐབས་ཉེར་བཞི་པ་འབྲིང་དང་ཐ་མ་བར་དོ་དང་རང་བཞིན་སྤྲུལ་པའི་ཞིང་དུ་གྲོལ་བའི་རིམ་པ་ལས་བར་དོའི་རང་བཞིན་བཤད་པ་ལས་བྱུང་བ་སེམས་ལས་སུ་རུང་བའི་མངོན་ཤེས་དྲུག་སྟེ། དེ་ལ་སེམས་ཀྱི་མངོན་ཤེས་དྲུག་བཞི་ཉི་ཤུ་རྩ་བཞི་སྟེ། 1. སྔར་ཞེན་པ་དག་པའི་སེམས་ཀྱི་མཐོང་བ་རྣམ་པར་དག་པ་བཞི་སྟེ། (1)སྔར་འདས་པའི་སྐྱེ་བ་བརྒྱ་ཕྲག་དྲན་པ། (2)རྣམ་པར་དག་པས་སྟོང་དུས་གཅིག་ལ་དྲན་པ། (3)ཤིན་ཏུ་དག་པས་འབུམ་དྲན་པ། (4)རབ་ཏུ་དག་པས་ཁྲག་ཁྲིག་བདུན་ཅུ་རྩ་གཉིས་ཀྱི་སྐྱེ་བ་དུས་གཅིག་ཏུ་སྐྱུ་རུ་རྭ་རློན་པ་ལག་མཐིལ་དུ་བཞག་པ་ལྟར་དྲན་ཅིང་མཁྱེན་པའོ། ། 2. ཕྱིས་འབྱུང་གི་འཁྲུལ་པ་ཟད་པའི་མཐོང་བ་རྣམ་པར་དག་པ་བཞི་སྟེ། (1)སྔར་གྱི་སྐྱེ་བ་བླངས་པའི་ལུས་ཀྱི་མཚན་ཉིད་མཁྱེན་པ། (2)རྣམ་པར་དག་པས་ངག་གི་མཚན་ཉིད་མཁྱེན་པ། (3)ཤིན་ཏུ་དག་པས་སེམས་ཀྱི་མཚན་ཉིད་མཁྱེན་པ། (4)རབ་ཏུ་དག་པས་ལུས་ངག་སེམས་གསུམ་ཀའི་མཚན་ཉིད་དུས་གཅིག་ལ་མཐོང་བའོ། ། 3. གདུལ་བྱའི་མཁྱེན་པ་རྫོགས་པའི་མཐོང་བ་རྣམ་པར་དག་པ་བཞི་སྟེ། (1)སྐྱེ་བ་འབུམ་ཕྲག་གྲངས་མེད་པའི་སེམས་ཅན་གྱི་ཚོགས་གཞན་གྱི་ལུས་ཀྱི་མཚན་ཉིད་མཐོང་བ། (2)རྣམ་པར་དག་པས་ངག་གི་མཚན་ཉིད་མཐོང་བ། (3)ཤིན་ཏུ་དག་པས་སེམས་ཀྱི་མཚན་ཉིད་མཐོང་བ། (4)རབ་ཏུ་དག་པས་ལུས་ངག་སེམས་གསུམ་ཀའི་དུས་གཅིག་ལ་མཚན་ཉིད་མཐོང་བའོ། ། 4. མི་སྣང་བ་ལམ་དུ་གྱུར་པའི་མཐོང་བ་རྣམ་པར་དག་པ་བཞི་སྟེ། (1)སྟོང་གསུམ་གྱི་སྟོང་ཆེན་པོའི་འཇིག་རྟེན་རྣམས་ཀྱི་རྡུལ་ཕྲ་རབ་ཀྱི་གྲངས་སྐད་ཅིག་ལ་མཁྱེན་པ། (2)རྣམ་པར་དག་པས་རྡུལ་དེ་སྙེད་ན་གནས་པའི་སེམས་ཅན་དེ་དག་གི་ཤེས་པ་ཇི་ལྟར་འགྱུས་པའི་གྲངས་དུས་གཅིག་ལ་ཤེས་པ། (3)ཤིན་ཏུ་དག་པས་སྣོད་བཅུད་ཀྱི་རང་བཞིན་རྣམས་ཤེས་པ། (4)རབ་དུ་དག་པས་ཆོས་ཉིད་སྟོང་པ་ཉིད་ཀྱི་དོན་རྣམས་མཐོང་བའོ། ། 5. འགྲོ་བ་རྣམས་ཡོངས་སུ་རྫོགས་པའི་མཐོང་བ་རྣམ་པར་དག་པ་བཞི་སྟེ། (1)སྔར་བདག་ཉིད་ཀྱི་ལུས་བླངས་ཚད་ཀྱི་དུས་ན་རླུང་ཇི་ཙམ་འགྱུས་དུས་གཅིག་ལ་མཐོང་བ། (2)རྣམ་པར་དག་པས་དེའི་དུས་ན་མི་དགེ་བའི་སེམས་ཇི་ཙམ་འགྱུས་ཀྱི་གྲངས་དུས་གཅིག་ལ་མཐོང་བ། (3)ཤིན་ཏུ་དག་པས་དགེ་བའི་སེམས་གྲངས་དུས་གཅིག་ལ་མཐོང་བ། (4)རབ་ཏུ་དག་པས་དགེ་མི་དགེ་གཉིས་ཀའི་གྲངས་དུས་གཅིག་ལ་མཐོང་བའོ། ། 6. དབང་པོ་ཕྱིན་ཅི་ལོག་ལས་གྲོལ་བའི་སེམས་ཀྱི་མཐོང་བ་རྣམ་པར་དག་པ་བཞི་སྟེ། (1)བདག་གིས་སྔར་སྐྱེ་བ་ཇི་སྙེད་བླངས་དུས་ཀྱི་གནས་ཀྱི་མཚན་ཉིད་མཐོང་བ། (2)རྣམ་པར་དག་པས་གཞན་གྱི་སྔོན་གྱི་སྐྱེ་གནས་མཐོང་བ། (3)ཤིན་ཏུ་དག་པས་དེ་དག་གི་དུས་སུ་རང་གི་ལུས་ངག་སེམས་ཀྱི་སྤྱོད་ལམ་རྣམས་ཤེས་པ། (4)རབ་ཏུ་དག་པས་གཉིས་ཀའི་སྔོན་གྱི་སྐྱེ་གནས་ཀྱི་མཚན་ཉིད་དང་སྒོ་གསུམ་གྱི་སྤྱོད་ལམ་ཅི་བྱས་པ་རྣམས་དུས་གཅིག་ལ་ཅི་བྱས་པ་ཤེས་པ་དང་བཞི་བཅས་ཉི་ཤུ་རྩ་བཞིའོ། །
Tibetan Source	《མདོ་རྒྱུད་མཛོད་ཝི་པ་》ཤ་457.7ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number