6763

Tibetan	བར་དོའི་རང་བཞིན་བཤད་པ་ལས་སྐྱེ་གནས་ཀྱི་རྟགས་བསྟན་པ་དྲུག
Tibetan Alternate
Tibetan Definition	དེ་ཡང་། མདོ་རྒྱུད་རིན་པོ་ཆེའི་མཛོད་ཀྱི་རྒྱས་འགྲེལ་སྐབས་ཉེར་བཞི་པ་འབྲིང་དང་ཐ་མ་བར་དོ་དང་རང་བཞིན་སྤྲུལ་པའི་ཞིང་དུ་གྲོལ་བའི་རིམ་པ་ལས་བྱུང་བ་སྟེ། དྲོད་སྤྱི་མཚན་མཚན་རྐང་ཁ་མིག་འདུ་བརྟག སྐྱེ་གནས་ཀྱི་རྟགས་བསྟན་པ་ལ་དྲོད་སྤྱི་བོར་ཡལ་ན་རབ་ཀ་དག་འབྲིང་བར་དོ་ཐ་མ་སྤྲུལ་སྐུར་དབུགས་འབྱིན་པར་ངེས་ལ། སྐྱེ་བོ་ཐ་མལ་བ་རྣམས་མཐོ་རིས་སུ་སྐྱེ་བས་དབུགས་འབྱིན་ནོ། ། 1. དེའང་འཆི་དུས་མིག་རབ་རིབ་བྱེད་ཅིང་མཚན་མར་དྲོད་འདུས་ན་བྱོལ་སོང་དུ་སྐྱེའོ། ། 2. ལག་པ་གཡས་གཡོབ་ཅིང་དྲོད་སྤྱི་བོར་འདུས་ན་ལྷའོ། ། 3. ཚིག་འཆོལ་ཞིང་མཆན་ཁུང་གཡས་སུ་དྲོད་འདུས་ན་ལྷ་མིན་ནོ། ། 4. རྐང་པ་གཡོན་ས་ལ་རྡེབ་ཅིང་དྲོད་རྐང་མཐིལ་དུ་འདུས་ན་དམྱལ་བའོ། ། 5. ལུས་སེར་ཞིང་བཀྲག་མེད་ལ་དྲོད་ཁར་འདུས་ན་ཡི་དྭགས་སོ། ། 6. ཚིག་གསལ་ཞིང་དྲན་པ་མ་ཉམས་པར་དྲོད་མིག་ཏུ་འདུས་ན་མིའི་སྐྱེ་གནས་སུ་སྐྱེའོ། ། ཡང་དེ་ཉིད་ལས། ཕྱི་ཡི་སྣང་བ་འདི་ལྟ་བུ། ། གལ་ཏེ་དྲོད་ནི་གྱེན་ཡལ་ན། ། དབུགས་ཆེན་འབྱིན་པར་འགྱུར་བ་ཡིན། ། མིག་ནི་མི་གསལ་རབ་རིབ་ན། ། ངན་སོང་གནས་རྣམས་དག་ཏུ་སྐྱེ། ། ལག་པ་དག་ནི་གཡས་གཡོབ་ན། ། མི་དེ་ལྷ་ཡི་གནས་སུའོ། ། ཁ་ནས་ཚིག་གི་འཆོལ་བ་ནི། ། ལྷ་མིན་གནས་སུ་དེ་བཞིན་སྐྱེས། ། རྐང་པ་གཡོན་པ་ས་ལ་རྡེབ། ། དེ་ནི་དམྱལ་བའི་གནས་སུའོ། ། ལུས་ཀྱི་མདོག་ནི་སེར་བཀྲག་མེད། ། དེ་ནི་ཡི་དྭགས་ཡུལ་དུའོ། ། ཁ་ནས་སེམས་ཅན་སྐད་འདོན་ན། ། དེ་ནི་བྱོལ་སོང་གནས་སུའོ། ། ཡང་ན་ཁ་ལྐུགས་སོ་འཐམས་ན། ། དེ་བཞིན་བྱོལ་སོང་སྐྱེ་གནས་སོ། ། ཚིག་གསལ་དྲན་པ་མ་ཉམས་ན། ། དེ་ནི་མི་ཡི་གནས་སུའོ། ། ཕྱི་ཡི་རྟགས་ནི་དེ་དག་དང་། ། ནང་གི་རྟགས་ནི་འདི་དག་སྦྱར། ། སྤྱི་བོར་དྲོད་རྣམས་འདུས་པ་ན། ། དེ་ནི་ལྷ་ཡི་གནས་སུའོ། ། དེ་བཞིན་རྐང་མཐིལ་དྲོད་འདུས་ན། ། དེ་ནི་དམྱལ་བའི་གནས་སུའོ། ། མཆན་ཁུང་གཡས་སུ་དྲོད་འདུས་ན། ། དེ་ནི་ལྷ་མིན་ཡུལ་དུའོ། ། དེ་བཞིན་ཁར་ནི་དྲོད་འདུས་ན། ། མི་དེ་ཡི་དྭགས་གནས་སུ་སྐྱེ། ། དེ་བཞིན་མཚན་མར་དྲོད་འདུས་ན། ། དེ་ནི་བྱོལ་སོང་སྐྱེ་གནས་སོ། ། མིག་ཏུ་དྲོད་རྣམས་འདུས་པ་ན། ། མི་ཡི་གནས་སུ་སྐྱེ་བ་ཡིན། ། དེ་ལྟར་རྟགས་དང་སུ་ལྡན་པ། ། འདི་ནི་ངེས་པ་ཁོ་ནའོ། ། ཞེས་སོ། ། དེ་དག་ལས་ཁྱད་པར་དུ་བྱོལ་སོང་དུ་སྐྱེ་ན་མཚན་མར་དྲོད་འདུས་པ་དང་། སོ་འཐབས་པའམ། ཁ་ནས་དུད་འགྲོའི་སྐད་སྣ་ཚོགས་འདོན་པའམ། མིག་རབ་རིབ་ཀྱི་སྣང་བས་ཁེབས་པ་ནི་ཕྱི་ནང་གི་རྟགས་འཛོམ་པར་བཤད་དོ། །
Tibetan Source	《མདོ་རྒྱུད་མཛོད་ཝི་པ་》ཤ་430.23ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number