7547

Tibetan	རང་རྒྱལ་གྱི་ལམ་བདུན།
Tibetan Alternate
Tibetan Definition	དེ་ཡང་། ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་གྱི་སྤྱི་དོན་ལས་བྱུང་བ་སྟེ། 1. རིགས་ནི། དེ་ལ་ཁྱད་པར་གསུམ་སྟེ། (1)རང་བཞིན་གྱིས་ཉོན་མོངས་པ་ཤེས་ཆུང་བ་སྟེ། དེས་ན་དེའི་སེམས་འདུ་འཛི་ལ་མི་དགའ་ཞིང་གཅིག་པུ་ལ་དགའ་བའོ། ། (2)སྙིང་རྗེ་ཤས་ཆུང་བ་སྟེ། དེས་ན་དེའི་སེམས་ཆོས་སྟོན་པ་དང་སེམས་ཅན་གྱི་དོན་བྱ་བ་ལ་མི་འཇུག་གིས་སེམས་ལས་ཆུང་ངུར་གནས་སོ། ། གཅིག་པུ་ལ་དགའ་བ་འདི་ཚོགས་སྤྱོད་ལ་དོར་རོ། ། (3)དབང་པོ་འབྲིང་དུ་གྱུར་ཅིང་ང་རྒྱལ་སྤྱོད་པ་ཅན་ཏེ། དེས་ན་སློབ་དཔོན་མེད་ཅིང་འགྲན་ཟླ་མེད་པར་བྱང་ཆུབ་འདོད་པའོ། ། 2. ལམ་ནི། ལམ་ལ་སློབ་ཚུལ་གསུམ་ལས། (1)རང་སངས་རྒྱས་ཀྱི་རིགས་ལ་གནས་ནས་བསྐལ་བ་བརྒྱར་སངས་རྒྱས་འབྱུང་བ་མཉེས་པར་བྱས་ཏེ་རང་བྱང་ཆུབ་ཏུ་རྒྱུད་སྨིན་པར་བྱེད་ཅིང་ཕྱིས་རང་གི་བྱང་ཆུབ་ཐོབ་པར་བྱ་བའི་ཕྱིར། མཁས་པར་བྱ་བའི་དངོས་པོ་དྲུག་ལ་མཁས་པར་བྱེད་བ་སྟེ་དྲུག་ནི། ཕུང་པོ། ཁམས། སྐྱེ་མཆེད། རྟེན་འབྲེལ། གནས་དང་གནས་མ་ཡིན་པ། བདེན་པ་རྣམས་ལ་མཁས་པའོ། ། འདི་ནི་བདེ་རྒྱུའི་ལམ་མོ། ། འདི་ལ་ཁ་ཅིག་ཉན་ཐོས་ཀྱི་སྡེ་སྣོད་ལ་དམིགས་ནས་བསྐལ་བ་བརྒྱའི་བར་དུ་ཐོས་བསམ་བྱས་ཤིང་ད་དུང་སྐྱེ་བ་ལེན་པར་ཤེས་པ་ན་སྔར་གྱི་ལམ་སྦྱངས་ནས་འཆི་འཕོ་ཀར། སངས་རྒྱས་དང་ཉན་ཐོས་མེད་པའི་ཞིང་དུ་སྐྱེ་བ་དང་། དེར་ཡང་གཞན་ལ་མ་ལྟོས་པར་རང་གིས་ཐོབ་པའི་ཤེས་རབ་ཀྱིས་ལམ་བགྲོད་པ་དང་། བྱང་ཆུབ་ཐོབ་པ་ན་ཡང་གདུལ་བྱ་ལ་ངག་གིས་མིན་པར་ལུས་ཀྱིས་སྙིང་བརྩེ་བར་བྱེད་པར་གྱུར་ཅིག ཅེས་སྨོན་ལམ་གསུམ་འདེབས་ཤིང་ཤི་འཕོས་ནས་ཞིང་སྟོང་བར་གླིང་གསུམ་གྱི་སྐྱེས་པ་དམངས་རིགས་མ་ཡིན་པ་གཅིག་ཏུ་སྐྱེས་ཏེ། ཁྱིམ་ནས་ཁྱིམ་མེད་པར་རང་བྱུང་གི་རབ་ཏུ་བྱུང་ཞིང་བསྙེན་པར་རྫོགས་ནས་དུར་ཁྲོད་དུ་ཕྱིན་ཏེ། རུས་པ་འདི་ཅི་ལས་བྱུང་བསམ་པས་མ་རིག་པ་ནས་རྒ་ཤིའི་བར་རྟེན་འབྲེལ་ལུགས་འབྱུང་བཟློག་རྟོགས་པའི་དོན་བསམ་གཏན་བཞི་པའི་དངོས་གཞི་ལ་བརྟེན་ནས་བསྒོམ་པས་ལམ་ཕྱི་མ་བཞི་ཚེ་གཅིག་ལ་མངོན་དུ་བྱེད་དོ། ཞེས་འཆད་དོ། ། (2)སངས་རྒྱས་འབྱུང་བ་མཉེས་པར་བྱེད་པ་དང་། སྐྱེས་བུ་དམ་པ་ལ་བརྟེན་པ་དང་། དམ་པའི་ཆོས་ཉན་པ་དང་། ཚུལ་བཞིན་ཡིད་ལ་བྱེད་པ་ལ་བརྟེན་ནས་སྦྱོར་ལམ་དང་པོ་གསུམ་སྐྱེད་པར་བྱེད་ནས། ཕྱིས་ཆོས་མངོན་པར་རྟོགས་པར་བྱ་བའི་ཕྱིར་དངོས་པོ་དྲུག་ལ་མཁས་པར་བྱེད་པའོ། ། (3)སྔར་དང་འདྲ་བ་ལས་འབྲས་བུ་དང་པོ་གཉིས་གང་རུང་མངོན་དུ་བྱེད་པའོ། ། འདི་གཉིས་ལ་བོད་རྣམས་ཚོགས་སྤྱོད་ཆེ་ཆུང་གི་ཐ་སྙད་བྱེད་དོ། ། 3. ཡང་དག་པར་འགྲུབ་པ་ནི། འབྲས་བུ་གྲུབ་ཚུལ་ནི། དེ་གསུམ་ཀས་ཀྱང་མཐར་སངས་རྒྱས་མི་འབྱུང་བ་ན་སློབ་དཔོན་མེད་པོར་བྱང་ཕྱོགས་སོ་བདུན་བསྒོམས་ནས་ཉོན་མོངས་པ་ཐམས་ཅད་སྤང་བའི་དགྲ་བཅོམ་པའི་བར་དུ་ཐོབ་པར་བྱེད་དོ། ། དེ་ལྟར་གསུམ་པོ་འདི་ཡང་སྲིད་པ་ཐ་མའི་ཚེ་གཅིག་ལ་ལམ་མང་བ་དང་འབྲིང་དང་ཉུང་བ་བསྐྱེད་ནུས་པའི་སྒོ་ནས་འདི་དག་གི་ཁྱད་པར་བསྟན་ཏེ་བསེ་རུ་ལྟ་བུས་ཀྱང་། ཚེ་གཅིག་ལ་ལམ་ལྷག་མ་བཞི་སྐྱེད་ཀྱིས་སྟན་གཅིག་ལ་བསྐྱེད་པར་ཀུན་བཏུས་པ་མི་འདོད་དོ། ། མཛོད་པ་ནི། སྟོན་དང་བསེ་རུ་བྱང་ཆུབ་པ། ། བསམ་གཏན་མཐའ་རྟེན་གཅིག་ལ་ཀུན། ། དེ་ཡི་སྔོན་དུ་ཐར་ཆ་མཐུན། ། ཞེས་སྲིད་པ་ཐ་མ་པའི་ཚེ། མཐོང་ལམ་གྱི་སྔོན་དུ་སྲིད་རྩེའི་ཉེར་བསྡོགས་ཐོབ་ནས་ཅི་ཡང་མན་ཆད་ལ་ཆགས་པ་དང་བྲལ་ཞིང་། བསམ་གཏན་གྱི་མཐའ་བཞི་པ་ལ་བརྟེན་ནས་ལམ་ལྷག་མ་བཞི་སྟན་གཅིག་ལ་མངོན་དུ་བྱེད་ཅིང་དེའི་ཚེ་མཐོང་སྤང་རྣམས་དང་། སྲིད་རྩེའི་སྒོམ་སྤང་དགུ་ཙམ་ཞིག་སྤོང་བར་བཤད་དོ། ། འདིའི་ལྟར་ན་ཆགས་བྲལ་སྔོན་སོང་ཡིན་ཞིང་ཕྱིར་མི་འོང་ཞུགས་གནས་ཀྱང་འོང་ངོ་། ། གཞན་ཡང་བྱང་ས་ལས། རང་རྒྱལ་བ་ནི་ཉན་ཐོས་ཇི་ལྟ་བ་དེ་ཁོ་ན་ལྟར་རིག་པར་བྱའོ། ། ཞེས་བཤད་པས། ལམ་གྱི་རང་བཞིན་མཚུངས་པའི་ཕྱིར་ཞུགས་གནས་བརྒྱད་ཀ་ཙིར་རུང་ངོ་། ། 4. ཚོགས་བསོག་པ་ནི། དྲིན་ལན་བསབ་པ་ལས། རང་སངས་རྒྱས་རྣམས་ནི་བསྐལ་པ་ཆེན་པོ་བརྒྱས་ཚར་ཕྱིན་པར་འགྱུར་རོ། ། ཞེས་སྤྱིར་གསུངས་པས་གསུམ་ཀ་འདྲ་བར་བསྐལ་ཆེན་བརྒྱར་ཚོགས་གསོག་གོ ། དེ་གསུམ་ལས་ཕྱི་མ་གཉིས་ཉན་ཐོས་ཀྱི་རིགས་ཅན་མ་ངེས་པ་འགའ་ཞིག་རང་རྒྱལ་དུ་སོང་བ་ཡིན་པར་མཛོད་འགྲེལ་ལས་བཤད་དོ། ། 5. གནས་པ་ནི། དེ་ལ་གཉིས་ལས། (1)ཐུགས་གནས་པ་ནི། ཆོས་ཟབ་མོ་ལ་མོས་པ་དང་། རྟེན་འབྲེལ་ཟབ་མོ་རྟོགས་པ་ལྷུར་ལེན་པ་དང་། རྣམ་ཐར་སྒོ་གསུམ་ཡིད་ལ་བྱེད་ཅིང་གནས་པ་ནི་གསུམ་ཀ་ལ་འདྲའོ། ། (2)ལུས་ཀྱི་གནས་པ་ནི། བསེ་རུ་ལྟར་སྤྱོད་པ་ནི། གཅིག་པུར་གནས་ལ། ལྷག་མ་གཉིས་ཚོགས་དང་གནས་པར་འགྱུར་རོ། ། 6. རྒྱུ་བ་ནི། དེ་དག་ཐམས་ཅད་ཀྱང་གྲོང་ངམ་གྲོང་རྡལ་གང་དུ་བརྟེན་ཅིང་གནས་ཀྱང་རུང་སྟེ། ལུས་ཤིན་ཏུ་བསྲུང་བ་དང་། དབང་པོ་རྣམས་བསྡམས་པ་དང་། དྲན་པ་ལ་ཤིན་ཏུ་གནས་པས་གྲོང་ལ་སོགས་པར་བསོད་སྙོམས་ལ་འཇུག་སྟེ། དམན་པ་རྣམས་ལ་བརྩེ་བར་བྱེད་པ་ན་ཡང་ལུས་ཀྱིས་ཡིན་གྱི། ངག་གིས་ནི་མ་ཡིན་ཏེ་དེ་དག་ཀྱང་ལུས་ཀྱིས་ཆོས་སྟོན་གྱི་ངག་གིས་མི་སྟོན་པའི་ཕྱིར་དང་། ཞེ་འགྲས་པ་བཟློག་པའི་ཕྱིར་རྫུ་འཕྲུལ་དུ་མ་སྟོན་པར་མཛད་དོ། ། 7. སྒྲ་བཤད་པ་ནི། མཛོད་འགྲེལ་ལས། ལུང་མེད་པར་བདག་གཅིག་པུའི་ཕྱིར་སངས་རྒྱས་པས་རང་སངས་རྒྱས་ཏེ་ཞེས་དང་། བྱེ་བྲག་དང་པོའི་སྒྲ་བཤད། ཇི་ལྟར་བསེ་རུ་དག་གཉིས་པ་མེད་པ་དེ་བཞིན་དུ་དེ་དག་ཀྱང་ཁྱིམ་པ་དང་། རབ་ཏུ་བྱུང་བ་རྣམས་དང་། རང་སངས་རྒྱས་གཞན་དག་དང་མི་འདྲེ་བར་གནས་པས་ན་བསེ་རུ་ལྟ་བུ་རྣམས་ཞེས་བྱའོ། ཞེས་པ་ལྟར་རོ། །
Tibetan Source	《དཔལ་སྤྲུལ་གསུང་འབུམ་ག་པ་》ཤ་111ན་4ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number