766

Tibetan	གསང་སྔགས་འགྱུར་གསར་རྙིང་གི་དབྱེ་བ་གཉིས།
Tibetan Alternate
Tibetan Definition	དེ་ཡང་། སྡོམ་པ་གསུམ་རྣམ་པར་ངེས་པའི་འགྲེལ་པ་ལེགས་བཤད་ངོ་མཚར་དཔག་བསམ་གྱི་སྙེ་མ་ལས་བྱུང་བ་སྟེ། དེ་ལ་གསར་རྙིང་གི་ཁྱད་པར་ནི། རྒྱ་གར་ན་སོ་སོར་ཕྱེ་བ་མེད་ནའང་བོད་འདིར་འགྱུར་སྔ་ཕྱི་ཞེས་གྲགས་ཏེ། 1.སྔོན་གྱི་པཎྜི་ཏ་སངས་རྒྱས་གསང་བ་དང་། བོདྷི་སཏྭཱ་དང་། ཨོ་རྒྱན་གྱི་སློབ་དཔོན་པདྨ་འབྱུང་གནས་དང་། པཎ་ཆེན་བི་མ་ལ་མི་ཏྲ་ལ་སོགས་པ་དང་། ལོ་ཙཱ་བ་བཻ་རོ་ཙ་ན་རྨ་གཉགས་སྐ་ཅོག་ཞང་གསུམ་སོགས་ཀྱིས་བསྒྱུར་བ་ནས་བཟུང་པཎྜི་ཏ་སྨྲྀ་ཏི་བྱོན་པ་ཡན་ཆད་ལ་བསྒྱུར་བའི་མདོ་རྒྱུད་དགོངས་འགྲེལ་དང་བཅས་པ་ཐམས་ཅད་ལ་རྙིང་མའམ་སྔ་འགྱུར་ཞེས་བྱ། 2.ལོ་ཆེན་རིན་ཆེན་བཟང་པོའི་འགྱུར་འགོ་ཚུགས་པ་ནས་བཟུང་ལོ་ཆེ་ཆུང་མར་མལ་འགོས་འབྲོག་ར་འབྲོ་སོགས་ཀྱིས་རྒྱ་བལ་གྱི་པཎྜི་ཏ་ཅི་རིགས་སྤྱན་དྲངས་ཏེ་བསྒྱུར་བ་རྣམས་ལ་གསར་མའམ་ཕྱི་འགྱུར་ཞེས་གྲགས་པ་དང་གཉིས་སོ། ། འགྱུར་འདི་གཉིས་གོ་དཀའ་སླ་དང་དབྱིངས་འཇལ་བ་ལ་རླབས་ཆེ་ཆུང་འབྱུང་བ་ནི། སྔོན་གྱི་ལོ་པཎ་རྣམས་སངས་རྒྱས་བྱང་སེམས་ཀྱི་རྣམ་འཕྲུལ་ཤ་སྟག་ཡིན་པས་དོན་ཇི་ལྟ་དབྱིངས་འཇལ་བ་ལ་རླབས་ཆེ། ཕྱིས་འགྱུར་གྱི་ལོ་ཙཱ་བ་དུས་དེར་བོད་དུ་གྲགས་ཆུང་བས་ཆོས་རེ་ལ་འདོད་པའི་དམིགས་བཙུགས་ཏེ་རྒྱ་བལ་ཐེངས་འགའ་རེ་བསྐོར་ནས་སྦྱངས་པའི་མཁས་པ་རྣམས་ཀྱིས་དོན་ཇི་ལྟ་བ་བཞིན་དུ་མ་ལྷོངས་ཏེ་སྒྲ་འགྱུར་གཙོ་བོར་བཏོན་པས་ཚིག་མི་སྒྲིམ་ཞིང་གོ་དཀའ་དབྱིངས་འཇལ་བ་ལ་རླབས་ཆུང་བ་ལྟར་སྣང་སྟེ། དཔེར་ན་གསང་བ་སྙིང་པོའི་རྒྱུད་རྨ་གཉགས་ཀྱི་འགྱུར་དང་ཐར་ལོའི་འགྱུར་ལ་བལྟས་པས་འགྱུར་སྔ་ཕྱིའི་ཁྱད་པར་ཤེས་པར་འགྱུར་རོ། །
Tibetan Source	《སྔ་འགྱུར་བཀའ་མའི་གླེགས་བམ་ཇི་པ་》ཤ་196བ་6ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number