7843

Tibetan	ལྟ་སྟངས་ཀྱི་དངོས་གྲུབ་བརྒྱད།
Tibetan Alternate
Tibetan Definition	1.ཤིང་ཏོག་འབྲས་བུ་མ་སྨིན་པ་ལྟ་སྟངས་བྱས་ནས་ས་ལ་འབེབས་ནུས་པ། 2. མཁྲེགས་ཤིང་གྱེན་དུ་སྐྱེས་པ་ལ་ལྟ་སྟངས་བྱས་པ་ཙམ་གྱིས་ཐུར་དུ་འགུག་ནུས་པ། 3. རྒྱང་རིང་དུ་ཡོད་པའི་ཤིང་ཏོག་དང་མེ་ཏོག་སོགས་ལ་ལྟ་སྟངས་བྱས་པ་ཙམ་གྱིས་རང་གི་མདུན་དུ་འགུག་ནུས་པ། 4. གཅན་གཟན་གདུག་པ་ཅན་ལ་ལྟ་སྟངས་བྱས་པ་ཙམ་གྱིས་རང་གི་དབང་དུ་བྱ་བ། 5. སྔར་རང་ཉིད་ཀྱིས་ལྟ་སྟངས་བྱས་ནས་ས་ལ་ཕབ་པའི་ཤིང་ཏོག་རྣམས་ལ་སླར་ཡང་ལྟ་སྟངས་བྱས་པས་རང་སར་འབྱོར་ནུས་པ། 6. སྔར་རང་ཉིད་ཀྱིས་ལྟ་སྟངས་བྱས་ནས་ཐུར་དུ་བཀུགས་པའི་ཤིང་ལ་སླར་ཡང་ལྟ་སྟངས་བྱས་པས་སྔར་བཞིན་དུ་བསྒྱུར་ནུས་པ། 7. སྔར་རང་ཉིད་ཀྱིས་ལྟ་སྟངས་བྱས་ནས་མདུན་དུ་བཀུག་པའི་ཤིང་དང་མེ་ཏོག་རྣམས་ལ་སླར་ཡང་ལྟ་སྟངས་བྱས་པས་རང་རང་སོ་སོའི་གནས་སུ་བསྐྱལ་ནུས་པ། 8. སྔར་རང་ཉིད་ཀྱིས་ལྟ་སྟངས་བྱས་ནས་བསད་པའི་གཅན་གཟན་གདུག་པ་ཅན་ལ་སླར་ཡང་ལྟ་སྟངས་བྱས་པས་གསོན་པོར་གསོ་ནུས་པ་བཅས་བརྒྱད་པོ་དེ་ནི་གསང་སྔགས་བླ་ན་མེད་པའི་གནས་ཚད་རིམ་པ་དྲུག་གི་ནང་ནས་རིམ་པ་དང་པོ་མཐར་ཕྱིན་པའི་ཚད་གཞི་ཡིན་ཞེས་བཤད་སྲོལ་ཡོད།
Tibetan Source	《དུང་དཀར་ཚིག་མཛོད་ཆེན་མོ་》ཤ་994.25ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number