7955

Tibetan	སྡུག་བསྔལ་བརྒྱད།
Tibetan Alternate
Tibetan Definition	ཁག་གཉིས་པ། དཔལ་བརྩེགས་ཆོས་ཀྱི་རྣམ་གྲངས་ཀྱི་བརྗེད་བྱང་ལས་བྱུང་བ་སྟེ། 1. སྐྱེ་བའི་སྡུག་བསྔལ་ནི། ཁམས་གསུམ་དུ་སྐྱེ་བའི་ཕུང་པོ་གྲུབ་ན་སྡུག་བསྔལ་གསུམ་དང་བརྒྱད་ཀྱི་གཞི་ལྟ་བུར་གྱུར་ཏེ། སྡུག་བསྔལ་གྱི་སྡུག་བསྔལ་དང་། འགྱུར་བའི་སྡུག་བསྔལ་དང་། འདུ་བྱེད་ཀྱི་སྡུག་བསྔལ་གྱིས་ཁྱབ་པའི་ཕྱིར་སྐྱེ་བའི་སྡུག་བསྔལ་ཞེས་བྱའོ། ། 2. རྒས་པའི་སྡུག་བསྔལ་ནི། ལང་ཚོ་གཞོན་ནུ་མཐུ་རྩལ་དང་སྟོབས་དང་བྱད་བཞིན་གྱི་ཁ་དོག་དང་དབྱིབས་རྣམས་གཞོན་ནུ་ལས་ཉམས་ཏེ་སྐྲ་དཀར་དང་གཉེར་མས་གང་ཞིང་བརྩོན་འགྲུས་དང་བློ་གྲོས་ལ་སོགས་པ་མེད་པར་གྱུར་པ་ནི་རྒས་པའི་སྡུག་བསྔལ་ཞེས་བྱའོ། ། 3. ན་བའི་སྡུག་བསྔལ་ནི། ལུས་ལ་བད་ཀན་དང་ཆུ་སེར་རམ་མཛེ་དང་ཤུ་བ་དང་རིམས་ཀྱིས་བཏབ་པ་དང་བདག་གི་འཁོར་གཉེན་བཤེས་དང་ནོར་རྫས་ལ་སོགས་པ་ལ་དམིགས་ཏེ་སེམས་ཀྱི་ནང་དུ་གདུང་ཞིང་མྱ་ངན་སྐྱེས་པ་དག་ནི་ན་བའི་སྡུག་བསྔལ་ལོ། ། 4. འཆི་བའི་སྡུག་བསྔལ་ནི། ལས་དང་ཚེ་ཟད་དེ་དྲོད་དང་རྣམ་པར་ཤེས་པས་ལུས་གཏོང་བ་ན་ཉེ་དུ་གཉེན་བཤེས་སྡུག་པ་དང་། ནོར་རྫས་བཟང་པོ་རྣམས་ནི་བོར། གཤིན་རྗེ་ཐག་འབྲེང་དང་དབྱུག་ལྕག་ཐོགས་པ་རྣམས་ཀྱིས་རང་དབང་མེད་པར་ཁྲིད་པ་ནི་འཆི་བའི་སྡུག་བསྔལ་ལོ། ། 5. སྡུག་པ་དང་བྲལ་བའི་སྡུག་བསྔལ་ནི། སེམས་ཅན་ཡང་རུང་སེམས་ཅན་མ་ཡིན་པ་ནོར་རྫས་ཀྱང་རུང་བདག་ལ་མཁོ་ཞིང་གཅེས་པ་ལས་མེ་དང་ཆུ་ལ་སོགས་པའི་དགྲ་དག་གིས་ཕྲོགས་སམ། ཤི་བརླག་པར་གྱུར་པའི་སྒོ་ནས་མྱ་ངན་སྐྱེ་ཞིང་སེམས་གདུངས་པ་ནི་སྡུག་པ་དང་བྲལ་བའི་སྡུག་བསྔལ་ལོ། ། 6. མི་སྡུག་པ་དང་འཕྲད་པའི་སྡུག་བསྔལ་ནི། གནས་མི་བདེ་བ་དང་། གྲོགས་མི་སྲུན་པ་དང་། ལས་མི་དགེ་བའི་འབྲས་བུ་ལ་སོགས་པ་ཡིད་དུ་མི་འོང་བ་དང་ཕྲད་ནས་རྟག་ཏུ་ལུས་དང་སེམས་ལ་གནོད་ཅིང་ཞེ་སྡང་བར་བྱེད་པ་ནི། མི་སྡུག་པ་དང་འཕྲད་པའི་སྡུག་བསྔལ་ཞེས་བྱའོ། ། 7. འདོད་པ་བཙལ་གྱིས་མི་རྙེད་པའི་སྡུག་བསྔལ་ནི། གོང་མ་ལྟ་བུའི་སྡུག་པ་རྣམས་དང་འགྲོགས་པར་འདོད་ན་ནི་འགྲོགས་སུ་མེད། མི་སྡུག་པ་དང་ཕྲད་པར་མི་འདོད་ན་ནི་ཕྲད་པར་གྱུར་པ་ནི་འདོད་པ་བཙལ་གྱིས་མི་རྙེད་པའི་སྡུག་བསྔལ་ཞེས་བྱའོ། ། ཡང་ན་དགེ་བ་བྱེད་བྱེད་པ་རྣམས་དགེ་བ་འཕེལ་བ་དང་། མི་དགེ་བ་སྒྲིབ་པར་འདོད་ན་ཡང་དེ་ལྟར་མི་ནུས་པ་ལ་ཡང་བྱའོ། ། མདོར་ན་ཞེས་བྱ་བའི་དོན་ནི་སྡུག་བསྔལ་བརྒྱད་པོ་རྣམ་གསུམ་དུ་སྡུད་དེ། སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མི་སྡུག་པ་དང་ཕྲད་པ་ལྔ་ནི་སྡུག་བསྔལ་གྱི་སྡུག་བསྔལ་ལོ། ། སྡུག་པ་དང་བྲལ་བ་དང་འདོད་པ་བཙལ་གྱིས་མི་རྙེད་པ་ནི་འགྱུར་བའི་སྡུག་བསྔལ་ལོ། ། 8. ཉེ་བར་ལེན་པའི་ཕུང་པོའི་སྡུག་བསྔལ་ནི། འདུ་བྱེད་ཀྱི་སྡུག་བསྔལ་ཏེ། དེ་ལྟར་སྡུག་བསྔལ་གྱིས་ཚོར་བ་གསུམ་ལ་ཁྱབ་སྟེ། ཁམས་གསུམ་དུ་སྐྱེས་པའི་ཉེ་བར་ལེན་པའི་ཕུང་པོ་ནི་སྡུག་བསྔལ་གྱི་གཞི་ཡིན་པར་བསྟན་ནོ། ། ཇི་ལྟར་ཞེ་ན། སྡུག་བསྔལ་རྣམ་པ་གསུམ་སྟེ། དང་པོའི་སྡུག་བསྔལ་དང་། བར་གྱི་སྡུག་བསྔལ་དང་། ཐ་མའི་སྡུག་བསྔལ་ཏེ་གསུམ་མོ། ། དེ་ལ་སྐྱེ་བའི་སྡུག་བསྔལ་ནི་དང་པོའོ། ། རྒས་པ་ལ་སོགས་པ་ཕྱི་མ་དྲུག་ནི་བར་གྱི་སྡུག་བསྔལ་ལོ། ། འཆི་བའི་སྡུག་བསྔལ་ནི་ཐ་མ་སྟེ། སྡུག་བསྔལ་ཐམས་ཅད་ཕུང་པོ་ལྔས་ལེན་པའི་ཕྱིར་མདོར་ན་ཉེ་བར་ལེན་པའི་ཕུང་པོ་ལྔ་ནི་སྡུག་བསྔལ་ལོ་ཞེས་བྱ་བ་དང་སྦྱར་རོ། །
Tibetan Source	《དཔལ་བརྩེགས་ཆོས་ཀྱི་རྣམ་གྲངས་ཀྱི་བརྗེད་བྱང》ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number