8804

Tibetan	མངལ་ན་གནས་པ་སྟོན་པ་བཅུ།
Tibetan Alternate
Tibetan Definition	དེ་ཡང་། ཕལ་ཆེན་ལེའུ་ཞེ་གསུམ་པ་དེ་བཞིན་གཤེགས་པ་སྐྱེ་བ་འབྱུང་བ་བསྟན་པ་ལས་བྱུང་བ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་མངལ་ན་གནས་པ་སྟོན་པ་བཅུ་སྟེ། 1. འདི་ལྟར་སེམས་རྒྱ་ཆུང་བ་དང་། དམའ་བ་ལ་དགའ་བ་རྣམས་ཡོངས་སུ་སྨོན་པར་བྱ་བའི་ཕྱིར། བྱང་ཆུབ་སེམས་དཔའི་དངོས་པོའི་བསོད་ནམས་ཀྱི་རྩ་བ་ལ་ཡིད་མི་ཆེས་པར་གྱུར་དུ་འོང་ཞེས་བྱང་ཆུབ་སེམས་དཔའ་མངལ་ན་གནས་པར་སྟོན་པ་འདི་ནི་མངལ་ན་གནས་པར་སྟོན་པ་དང་པོའོ། ། 2. ཕ་དང་། མ་དང་། གཉེན་བཤེས་ཀྱི་ཚོགས་དང་། སྔོན་ལྷན་ཅིག་ཏུ་སྤྱོད་སྤྱོད་པའི་བྱང་ཆུབ་སེམས་དཔའ་རྣམས་དང་། སེམས་ཅན་གང་གི་དགེ་བའི་རྩ་བ་མངལ་ན་གནས་པས་ཡོངས་སུ་སྨིན་པར་བྱ་བ་དེ་དག་གི་དོན་དུ། བྱང་ཆུབ་སེམས་དཔའ་མངལ་ན་གནས་པར་སྟོན་ཏེ། འདི་ནི་མངལ་ན་གནས་པར་སྟོན་པ་གཉིས་པའོ། ། 3. བྱང་ཆུབ་སེམས་དཔའི་ནི་རྨོངས་པ་མེད་ཅིང་དྲན་ལ་ཤེས་བཞིན་དུ་མའི་ལྟོར་འགྲོ་སྟེ། མའི་ལྟོ་ན་འདུག་པའི་ཚེ་ཡང་དྲན་པ་ཉམས་པ་མེད་དོ། ། འདི་ནི་མངལ་ན་གནས་པར་སྟོན་པ་གསུམ་པའོ། ། 4. བྱང་ཆུབ་སེམས་དཔའ་ནི་མའི་མངལ་ན་འདུག་ཀྱང་འདི་ལྟ་སྟེ། ཕྱོགས་དང་འཇིག་རྟེན་གྱི་ཁམས་ནས་འདུས་པའི་བྱང་ཆུབ་སེམས་དཔའ་དང་། བརྒྱ་བྱིན་དང་། ཚངས་པ་དང་། འཇིག་རྟེན་གྱི་མགོན་པོ་རྣམས་དང་ལྷན་ཅིག་ཏུ་འགྲོགས་ཤིང་ཆོས་བསྒྲག་པ་དང་། ཡང་དག་པའི་གཏམ་བྱ་བ་རྒྱུན་མི་གཅོད་ཅིང་། བྱང་ཆུབ་སེམས་དཔའི་སྟོབས་ཚད་མེད་པ་ཡང་ཡོངས་སུ་སྟོན་ཏེ། དེ་དག་མངལ་ན་གནས་ཀྱང་དེ་ལྟ་བུའི་སྨོན་ལམ་གྱི་ཁྱད་པར་བདོག་པས། བྱང་ཆུབ་སེམས་དཔའ་དེ་དག་ནི་ཡེ་ཤེས་མུ་མེད་པ་དང་ལྡན་པ་སྟེ། འདི་ནི་མངལ་ན་གནས་པར་སྟོན་པ་བཞི་པའོ། ། 5. བྱང་ཆུབ་སེམས་དཔའ་མའི་མངལ་ན་གནས་པའི་ཚེ། དེ་ནི་འཁོར་གྱི་དཀྱིལ་འཁོར་ཀུན་ནས་གནས་པར་འགྱུར་བ་ཡོད་དེ། བྱང་ཆུབ་སེམས་དཔའ་དེ་དག་གི་སྔོན་གྱི་སྨོན་ལམ་གྱིས་དེ་དག་ཡོངས་སུ་སྨིན་པར་བྱ་བའི་ཕྱིར། བྱང་ཆུབ་སེམས་དཔའ་མངལ་ན་གནས་པར་སྟོན་ཏེ། འདི་ནི་མངལ་ན་གནས་པར་སྟོན་པ་ལྔ་པའོ། ། 6. བྱང་ཆུབ་སེམས་དཔའ་མིའི་འཇིག་རྟེན་དུ་བྱུང་ནས་ཀྱང་། མིར་སྐྱེས་པ་རྣམ་པ་མཆོག་ཐམས་ཅད་དང་ལྡན་པ་སྟོན་ཏེ། འདི་ནི་མངལ་ན་གནས་པར་སྟོན་པ་དྲུག་པའོ། ། 7. བྱང་ཆུབ་སེམས་དཔའ་ནི་མའི་ལུས་ན་འདུག་བཞིན་དུ། འདི་ལྟ་སྟེ། དཔེར་ན། མེ་ལོང་གི་དཀྱིལ་འཁོར་ཡོངས་སུ་དག་པའི་བཞིན་གྱི་དཀྱིལ་འཁོར་ལྟ་བར་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་སྣང་སྟེ། དེ་ལ་མོས་པ་ཆེན་པོ་དང་ལྡན་པའི་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་དེ་དག་གིས་ཤེས་པར་གྱུར་ནས། དེ་དག་ཉེ་བར་འོངས་ཤིང་མཆོད་པ་དང་། རིམ་གྲོ་བྱེད་དེ། འདི་ནི་མངལ་ན་གནས་པར་སྟོན་པ་བདུན་པའོ། ། 8. བྱང་ཆུབ་སེམས་དཔའ་མངལ་ན་གནས་པས་འཇིག་རྟེན་གྱི་ཁམས་གཞན་ན་འཁོད་པའི་བྱང་ཆུབ་སེམས་དཔའི་སྲིད་པ་ཐ་མ་པར་གྱུར་པ་རྣམས་དང་ཚོགས་ཏེ། ཆོས་ཀྱི་བརྡའི་སྒོ་ཆེན་པོ་ཡེ་ཤེས་ཆེན་པོའི་སྙིང་པོ་ཞེས་བྱ་བ་ཡང་དག་པར་བགྲོ་བར་བྱ་བ་ཡོད་དེ། དེ་དག་དང་འདུ་བའི་ཕྱིར་བྱང་ཆུབ་སེམས་དཔའ་མངལ་ན་གནས་པ་སྟོན་ཏེ། འདི་ནི་མངལ་ན་གནས་པར་སྟོན་པ་བརྒྱད་པའོ། ། 9. བྱང་ཆུབ་སེམས་དཔའ་ནི་དྲི་མ་མེད་པའི་སྙིང་པོ་ཅན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཤིང་མའི་མངལ་དུ་འགྲོ་སྟེ། ཏིང་ངེ་འཛིན་དེའི་མཐུས་མ་ལ་ཡང་གནོད་པར་མི་འགྱུར་བར་དགའ་ལྡན་གྱི་གནས་རབ་དགའ་བས་ཀྱང་ལྷག་པའི་རྒྱན་མའི་ཁོང་དུ་ཀུན་ནས་གནས་པར་འགྱུར་ཏེ། འདི་ནི་མངལ་ན་གནས་པར་སྟོན་པ་དགུ་པའོ། ། 10 .གཞན་ཡང་བྱང་ཆུབ་སེམས་དཔའ་མའི་མངལ་ན་འདུག་པའི་མཐུས་འཇིག་རྟེན་གྱི་ཁམས་འབྱམས་ཀླས་པ་ཐམས་ཅད་དུ་དེ་བཞིན་གཤེགས་པའི་མཆོད་པའི་ལས་ཀྱི་ཕྱིར། བསོད་ནམས་ཆེན་པོའི་མེ་ཏོག་ཀུན་ནས་རྒྱས་པ་ཞེས་བྱ་བའི་དེ་བཞིན་གཤེགས་པའི་མཆོད་པའི་རིམ་གྲོ་འབྱུང་སྟེ། སངས་རྒྱས་བཅོམ་ལྡན་འདས་དེ་དག་ཀྱང་དེ་ལ་བྱང་ཆུབ་སེམས་དཔའི་རྣམ་པར་སྤྱོད་པ་ཆོས་ཀྱི་དབྱིངས་ཀྱི་སྙིང་པོ་མཐའ་དང་དབུས་མེད་པ་ཡང་དག་པར་སྟོན་ཏེ། ཤེས་པར་བྱ་བ་དེ་ཤེས་པས་བྱང་ཆུབ་སེམས་དཔའ་རྣམས་རབ་ཏུ་ཕྲ་བའི་འགྲོ་བ་བཅུ་སྟོན་པའོ། །
Tibetan Source	《ཕལ་ཆེན་ང་པ་》ཤ་362ན་1ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number