8824

Tibetan	བཅོམ་ལྡན་འདས་དགའ་ལྡན་ནས་ལུམྦིའི་ཚལ་དུ་འཕོ་བའི་ལྟས་བཅུ།
Tibetan Alternate
Tibetan Definition	དེ་ཡང་། ཕལ་ཆེན་ཆ་པ་སྡོང་པོས་བརྒྱན་པའི་ལེའུ་ལས་བྱུང་བ་སྟེ། 1. འདི་ལྟར་ལུམྦི་ནིའི་ནགས་ཚལ་འདི་ཐམས་ཅད་མཐོན་དམན་མེད་ལ་ངམ་གྲོག་དང་གཡང་ས་མེད་ཅིང་མཉམ་པར་གནས་པར་འགྱུར་བ་འདི་ནི། སྔོན་གྱི་ལྟས་དང་པོ་བྱུང་བའོ། ། 2. ལུམྦི་ནིའི་ནགས་ཚལ་འདི་ཐམས་ཅད་གསེག་མ་དང་། གྱོ་མོ་མེད་ལ། སྡོང་དུམ་དང་ཚེར་མ་དང་བྲལ་ཏེ་སའི་གཞི་རྡོ་རྗེ་ལས་གྲུབ་པར་གྱུར་ནས་རིན་པོ་ཆེ་མང་པོས་ཡོངས་སུ་གང་བར་གནས་པར་གྱུར་པ་འདི་ནི། སྔོན་གྱི་ལྟས་གཉིས་པ་བྱུང་བའོ། ། 3. ལུམྦི་ནིའི་ནགས་ཚལ་འདི་ཐམས་ཅད་རིན་པོ་ཆེ་ཐམས་ཅད་ཀྱི་ཤིང་དང་། སཱ་ལ་དང་། ཏ་ལའི་ཕྲེང་བས་རྣམ་པར་འཁྲིགས་པས་ཡོངས་སུ་བརྒྱན་པར་ཀུན་ནས་གནས་པར་གྱུར་པ་འདི་ནི། སྔོན་གྱི་ལྟས་གསུམ་པ་བྱུང་བའོ། ། 4. ལུམྦི་ནིའི་ནགས་ཚལ་འདི་ཐམས་ཅད་ལྷ་རྫས་ལས་ཀྱང་འདས་པའི་སྤོས་ཀྱི་མྱུ་གུ་ཀུན་ནས་ཐོན་པ་དང་། ཕྱེ་མ་ཐམས་ཅད་ཀྱི་མཛོད་ཀུན་ནས་ཐོན་པ་དང་། རྒྱལ་མཚན་ཐམས་ཅད་ཀྱི་སྤྲིན་དང་ན་བུན་ཡོངས་སུ་བྱུང་བ་དང་། སྤོས་ཀྱི་རིན་པོ་ཆེའི་གཟུགས་ཀྱི་ཤིང་དྲུང་དུ་ཀུན་ནས་འཁོར་ཏེ་རྒྱན་ཡོངས་སུ་སྦྱངས་པར་ཀུན་ནས་གནས་པར་གྱུར་པ་འདི་ནི། སྔོན་གྱི་ལྟས་བཞི་པ་བྱུང་བའོ། ། 5. ལུམྦི་ནིའི་ནགས་ཚལ་འདི་ཐམས་ཅད་ལྷ་རྫས་ཀྱི་མེ་ཏོག་དང་། ཕྲེང་བ་དང་། ལྷབ་ལྷུབ་སྣ་ཚོགས་ཀྱི་མཛོད་རྣམ་པ་ཐམས་ཅད་ཡོངས་སུ་རྒྱས་པ་དང་ལྡན་པར་ཀུན་ནས་གནས་པར་གྱུར་པ་འདི་ནི། སྔོན་གྱི་ལྟས་ལྔ་པ་བྱུང་བའོ། ། 6. ལུམྦི་ནིའི་ནགས་ཚལ་འདི་ཐམས་ཅད་ཀྱི་ཤིང་ཐམས་ཅད་ལ་ནོར་བུ་རིན་པོ་ཆེ་དམ་པའི་མཛོད་མངོན་པར་གྲུབ་པར་གྱུར་པ་འདི་ནི། སྔོན་གྱི་ལྟས་དྲུག་པ་བྱུང་བའོ། ། 7. ལུམྦི་ནིའི་ནགས་ཚལ་འདི་ཐམས་ཅད་ཀྱི་པདྨོའི་ཚལ་ཐམས་ཅད་དུ་ཆུ་ལས་སྐྱེས་པའི་མེ་ཏོག་ཐམས་ཅད་ཀྱང་ཁ་འབུས་ཏེ་སའི་གཞི་ལས་ཐོན་ནས་ཆུ་ལས་མངོན་པར་འཕགས་པར་གནས་པ་འདི་ནི། སྔོན་གྱི་ལྟས་བདུན་པ་བྱུང་བའོ། ། 8. འཇིག་རྟེན་གྱི་ཁམས་འདིའི་འདོད་པ་ལ་སྤྱོད་པ་དང་། གཟུགས་ལ་སྤྱོད་པའི་ལྷའི་བུ་རྣམས་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། མིའམ་ཅི་དང་། ལྟོ་འཕྱེ་ཆེན་པོ་དང་། འཇིག་རྟེན་དབང་པོའམ་། འགྲོ་བའི་དབང་པོ་ཇི་སྙེད་ཡོད་པ་དེ་དག་ཐམས་ཅད་ལུམྦི་ནིའི་ནགས་ཚལ་འདི་ནི་ཐལ་མོ་སྦྱར་ཅིང་འཁོད་པར་གྱུར་ཏེ། འདི་ནི། སྔོན་གྱི་ལྟས་བརྒྱད་པ་བྱུང་བའོ། ། 9. འཛམ་བུའི་གླིང་གི་འཇིག་རྟེན་གྱི་ཁམས་འདིའི་ལྷའི་བུ་མོའམ། ཀླུའི་བུ་མོའམ། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོའི་བུ་མོ་ཇི་སྙེད་ཡོད་པ་དེ་དག་ཐམས་ཅད་ཀྱང་རབ་ཏུ་དགའ་བའི་ཡིད་ཀྱིས་མཆོད་པའི་རྣམ་པ་ཐམས་ཅད་ལག་ན་ཐོགས་ཤིང་བླག་ཤའི་ཡལ་ག་ལ་མངོན་དུ་ལྟ་སྟེ་འདུད་ཅིང་ཕྱག་འཚལ་བར་འཁོད་པར་གྱུར་པ་འདི་ནི། སྔོན་གྱི་ལྟས་དགུ་པ་བྱུང་བའོ། ། 10 .ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་སྐུ་ལྟེ་བའི་དཀྱིལ་དག་ནས་བྱང་ཆུབ་སེམས་དཔའི་སྐྱེ་བས་རྣམ་པར་འཕྲུལ་པའི་སྒྲོན་མ་ཞེས་བྱ་བའི་འོད་ཟེར་མང་པོ་ཐོན་ཏེ། ལུམྦི་ནིའི་ནགས་ཚལ་འདི་ཐམས་ཅད་སྣང་བར་བྱས་ནས་གནས་པར་གྱུར་ཏེ། འོད་ཟེར་གྱི་སྒོའི་དཀྱིལ་འཁོར་དེ་དག་ཐམས་ཅད་ལ་ཡང་དེ་བཞིན་གཤེགས་པ་དེ་དག་ཐམས་ཅད་ཀྱི་སྐྱེ་བས་རྣམ་པར་འཕྲུལ་པ་གཟུགས་བརྙན་དུ་གྱུར་པར་སྣང་བ་དང་། ཐོག་མ་བལྟམས་པའི་རྣམ་པར་འཕྲུལ་པ་དང་བཅས་པར་བྱང་ཆུབ་སེམས་དཔའི་ཡོན་ཏན་ཐམས་ཅད་ཀྱང་སངས་རྒྱས་ཀྱི་གསུང་གི་དབྱངས་དང་ལྡན་པར་འོད་ཟེར་གྱི་སྒོའི་དཀྱིལ་འཁོར་དེ་དག་ལས་སྒྲར་ཐོན་ཅིང་གྲགས་པར་གྱུར་པ་འདི་ནི། སྔོན་གྱི་ལྟས་བཅུ་པ་བྱུང་བའོ། །
Tibetan Source	《ཕལ་ཆེན་ཆ་པ་》ཤ་116བ་7ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number