9155

Tibetan	རྣམ་པར་སྤྱོད་པ་རིན་པོ་ཆེ་ལྟ་བུ་བཅུ།
Tibetan Alternate
Tibetan Definition	དེ་ཡང་། ཕལ་ཆེན་ལེའུ་ཞེ་གསུམ་པ་དེ་བཞིན་གཤེགས་པ་སྐྱེ་བ་འབྱུང་བ་བསྟན་པ་ལས་བྱུང་བ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་རྣམ་པར་སྤྱོད་པ་རིན་པོ་ཆེ་ལྟ་བུ་བཅུ་སྟེ། 1. འདི་ལྟར་སངས་རྒྱས་བཞུགས་པའི་འཇིག་རྟེན་གྱི་ཁམས་གྲངས་མེད་པར་འགྲོ་ཞིང་། དེ་བཞིན་གཤེགས་པ་རྣམས་བལྟ་བ་དང་། དེ་དག་ལ་ཕྱག་བྱ་བ་དང་། བསྙེན་བཀུར་བྱེད་པ་འདི་ནི། བྱང་ཆུབ་སེམས་དཔའ་རྣམས་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་རྣམ་པར་སྤྱོད་པ་རིན་པོ་ཆེ་ལྟ་བུ་དང་པོའོ། ། 2. གཞན་ཡང་བྱང་ཆུབ་སེམས་དཔའ་བསམ་གྱིས་མི་ཁྱབ་པའི་སངས་རྒྱས་ལྡན་བཅོམ་ལྡན་འདས་རྣམས་ལས་ཆོས་ཉན་ཅིང་ཐོས་ནས་ཀྱང་འཛིན་ཅིང་ཁོང་དུ་ཆུད་པར་བྱེད་དེ། དྲན་པས་ཡང་དག་པར་འཛིན་པ་དང་། བློ་གྲོས་ཀྱིས་རྣམ་པར་འབྱེད་པ་དང་། རྟོགས་པས་རྣམ་པར་འཕེལ་བར་བྱེད་པ་དང་། བློས་ཕྱོགས་བཅུར་ཚད་མེད་པར་འགེངས་པ་འདི་ནི། བྱང་ཆུབ་སེམས་དཔའ་རྣམས་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་རྣམ་པར་སྤྱོད་པ་རིན་པོ་ཆེ་ལྟ་བུ་གཉིས་པའོ། ། 3. གཞན་ཡང་བྱང་ཆུབ་སེམས་དཔའ་སངས་རྒྱས་ཀྱི་ཞིང་འདི་ནས་ཀྱང་མི་སྣང་བར་མ་གྱུར་ལ། གཞན་དུ་ཡང་ལུས་སྟོན་ལ། སངས་རྒྱས་ཀྱི་ཆོས་ལ་ཡང་མགོ་རྨོངས་པ་མེད་པ་འདི་ནི། བྱང་ཆུབ་སེམས་དཔའ་རྣམས་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་རྣམ་པར་སྤྱོད་པ་རིན་པོ་ཆེ་ལྟ་བུ་གསུམ་པའོ། ། 4. གཞན་ཡང་བྱང་ཆུབ་སེམས་དཔའ་ཆོས་གཅིག་ལ་རྣམ་པར་སྤྱོད་པས་ཆོས་ཐམས་ཅད་ཤེས་ཤིང་། ཆོས་ཐམས་ཅད་དོན་གཅིག་པ་དང་། དོན་ཐ་དད་པ་མ་ཡིན་པའི་མཐར་ཐུག་པའི་ཚུལ་གྱིས་ཆོས་ཐ་དད་པ་ཡང་དག་པར་བསྟན་པ་ཡང་རབ་ཏུ་ཤེས་པ་འདི་ནི། བྱང་ཆུབ་སེམས་དཔའ་རྣམས་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་རྣམ་པར་སྤྱོད་པ་རིན་པོ་ཆེ་ལྟ་བུ་བཞི་པའོ། ། 5. གཞན་ཡང་བྱང་ཆུབ་སེམས་དཔའ་ཉོན་མོངས་པ་རྣམ་པར་བཟློག་པ་ཡང་རབ་ཏུ་ཤེས། ཉོན་མོངས་པའི་རྒྱུན་བཅད་པ་ཡང་རབ་ཏུ་ཤས། ཉོན་མོངས་པ་རྣམ་པར་གཞིལ་བ་ཡང་རབ་ཏུ་ཤེས་ཏེ། ཉོན་མོངས་པ་སྤོང་བ་ལ་ཤིན་ཏུ་གནས་ཀྱང་། བྱང་ཆུབ་སེམས་དཔའི་སྤྱོད་པ་ལས་ཡང་དག་པའི་མཐའ་མངོན་དུ་མི་བྱེད་ཅིང་ཡང་དག་པའི་མཐའ་ལ་ཡང་ཕ་རོལ་ཏུ་ཕྱིན་པའི་མཆོག་ཀྱང་ཐོབ་ལ། ཐབས་མཁས་པའི་བསླབ་པ་ལ་ཤིན་ཏུ་བྱང་བས། སྔོན་གྱི་སྨོན་ལམ་ཡོངས་སུ་བསྐང་བའི་སྤྱོད་པ་དེ་ཡོངས་སུ་རྫོགས་པར་བྱེད་ཀྱང་ལུས་དུབ་པར་མི་འགྱུར་བ་འདི་ནི། བྱང་ཆུབ་སེམས་དཔའ་རྣམས་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་རྣམ་པར་སྤྱོད་པ་རིན་པོ་ཆེ་ལྟ་བུ་ལྔ་པའོ། ། 6. གཞན་ཡང་བྱང་ཆུབ་སེམས་དཔའ་ནི་འགྲོ་བ་ཐམས་ཅད་སེམས་ཀྱིས་བརྟགས་པ་ཡུལ་ན་མི་གནས་པ། ཕྱོགས་ན་མི་གནས་པར་ཡང་ཤེས་ཤིང་འཇུག་ལ། ཡུལ་དང་གནས་ཀྱང་སྟོན་ཏེ། རྟོག་པ་དང་། མངོན་པར་འདུ་བྱེད་པ་ཡང་མེད་ལ། སེམས་ཅན་ཐམས་ཅད་ཡོངས་སུ་སྨིན་པར་བྱ་བ་དང་། གདུལ་བའི་ཕྱིར་མངོན་པར་འདུ་བྱ་བའི་ས་ལ་ཡང་སྤྱོད་པ་འདི་ནི། བྱང་ཆུབ་སེམས་དཔའ་རྣམས་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་རྣམ་པར་སྤྱོད་པ་རིན་པོ་ཆེ་ལྟ་བུ་དྲུག་པའོ། ། 7. བྱང་ཆུབ་སེམས་དཔའ་ཆོས་ཐམས་ཅད་རང་བཞིན་མེད་པ་དང་། སྣ་ཚོགས་མ་ཡིན་པ་དང་། རྣམ་པ་ཐ་དད་པ་མེད་པ་དང་། བགྲང་བ་མེད་པ་དང་། མཚུངས་པ་མེད་པ་དང་། ཁ་དོག་མེད་པ་དང་། མཚན་ཉིད་མེད་པས་རང་བཞིན་གཅིག་པར་རབ་ཏུ་ཤེས་ཏེ། གཅིག་ཏུ་ཡང་མི་དམིགས་ལ། མང་པོའི་རང་བཞིན་དུ་ཡང་ཡོད་པ་མ་ཡིན་པར་རབ་ཏུ་ཤེས་ཏེ། བྱང་ཆུབ་སེམས་དཔས་ཆོས་འདི་དག་ནི་སངས་རྒྱས་ཀྱི་ཆོས་སོ། ། འདི་དག་ནི་བྱང་ཆུབ་སེམས་དཔའི་ཆོས་སོ། ། འདི་དག་ནི་རང་སངས་རྒྱས་ཀྱི་ཆོས་སོ། ། འདི་དག་ནི་ཉན་ཐོས་ཀྱི་ཆོས་སོ། ། འདི་དག་ནི་སོ་སོའི་སྐྱེ་བོའི་ཆོས་སོ། ། འདི་དག་ནི་དགེ་བའི་ཆོས་སོ། ། འདི་དག་ནི་མི་དགེ་བའི་ཆོས་སོ། ། འདི་དག་ནི་འཇིག་རྟེན་པའི་ཆོས་སོ། ། འདི་དག་ནི་འཇིག་རྟེན་ལས་འདས་ཆོས་སོ། ། འདི་དག་ནི་ཁ་ན་མ་ཐོ་བ་དང་བཅས་པའི་ཆོས་སོ། ། འདི་དག་ནི་ཁ་ན་མ་ཐོ་བ་མེད་པའི་ཆོས་སོ། ། འདི་དག་ནི་ཟག་པ་དང་བཅས་པའི་ཆོས་སོ། འདི་དག་ནི་ཟག་པ་མེད་པའི་ཆོས་སོ། ། འདི་དག་ནི་འདུས་བྱས་ཀྱི་ཆོས་སོ། ། འདི་དག་ནི་འདུས་མ་བྱས་ཀྱི་ཆོས་སོ་ཞེས་བྱ་བར་རབ་ཏུ་ཤེས་པ་འདི་ནི། བྱང་ཆུབ་སེམས་དཔའ་རྣམས་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་རྣམ་པར་སྤྱོད་པ་རིན་པོ་ཆེ་ལྟ་བུ་བདུན་པའོ། ། 8. གཞན་ཡང་བྱང་ཆུབ་སེམས་དཔའ་ནི་སངས་རྒྱས་བཅོམ་ལྡན་འདས་ཀྱང་མི་དམིགས། བྱང་ཆུབ་སེམས་དཔའ་ཡང་མི་དམིགས། ཆོས་ཀྱང་མི་དམིགས། སེམས་ཅན་ཡང་མི་དམིགས་ཏེ། འདི་ལྟར་སེམས་ཅན་ཐམས་ཅད་གདུལ་བ་དང་། ཆོས་ཐམས་ཅད་རྟོགས་པར་བྱ་བའི་ཕྱིར་སྨོན་ལམ་གྱི་རྒྱུན་ཀྱང་མི་གཅོད་དོ། ། དེ་ཅིའི་ཕྱིར་ཞེ་ན། དེ་ནི་བྱང་ཆུབ་སེམས་དཔའ་སེམས་ལ་མཁས་པས་སེམས་ཅན་གཞན་གྱི་རབ་ཏུ་རྟོག་པ་ལ་མཁས་པ་དང་། སེམས་ཅན་ཐམས་ཅད་ཀྱི་དམིགས་པ་ལ་མཁས་པས། སེམས་ཅན་ཐམས་ཅད་ལ་གདམས་ངག་རྗེས་སུ་སྟོན་པ་ལ་མཁས་པ་དང་། སེམས་ཅན་ཐམས་ཅད་ཡོངས་སུ་མྱ་ངན་ལས་འདའ་བར་བྱ་བ་ལ་མཁས་པའི་ཕྱིར་ཏེ། བྱང་ཆུབ་སེམས་དཔའི་སྤྱོད་པ་དེ་ཡང་སྨོན་ལམ་ཡོངས་སུ་རྫོགས་པར་བྱ་བའི་ཕྱིར་སྤྱོད་པ་འདི་ནི། བྱང་ཆུབ་སེམས་དཔའི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་རྣམ་པར་སྤྱོད་པ་རིན་པོ་ཆེ་ལྟ་བུ་བརྒྱད་པའོ། ། 9. གཞན་ཡང་བྱང་ཆུབ་སེམས་དཔའ་ནི་འདུ་ཤེས་ཀྱི་བྱིན་གྱི་རླབས་ཐམས་ཅད་ལ་མཁས་པས་ཆོས་རབ་ཏུ་སྟོན་ཅིང་རྣམ་པར་འབྱེད་དེ། ཤེས་པར་ཡང་བྱེད་ལ། ཐབས་མཁས་པས་མྱ་ངན་ལས་འདས་པ་ཡང་ཡོངས་སུ་སྟོན་ཏེ། དེ་ཡང་ཕྱིན་ཅི་ལོག་མེད་པ་དང་། ནོར་པ་མེད་པར་རབ་ཏུ་ཤེས་ཏེ། བྱང་ཆུབ་སེམས་དཔའ་དེས་དེ་བཞིན་ཉིད་མི་གཡོ་བའི་ཕྱིར། ཆོས་ཐམས་ཅད་དུས་གསུམ་མཉམ་པ་ཉིད་ལ་གནས་ཤིང་། ཡང་དག་པའི་མཐའ་ལ་རབ་ཏུ་བརྟེན་པར་ཡང་ཡང་དག་པར་ཤེས་ཏེ། སེམས་ཅན་གང་དུལ་བའམ། འདུལ་བའམ། འདུལ་བར་འགྱུར་བ་དེ་ལྟ་བུའི་སེམས་ཅན་གང་ཡང་རྗེས་སུ་མི་མཐོང་ལ། བྱུང་རྒྱལ་དུ་བདག་གིས་སེམས་བསྐྱེད་དོ། ། སྙམ་དུ་ཡང་མི་སེམས་ཏེ། ཆོས་གང་སྐྱེ་བའམ། འགག་པར་འགྱུར་བ་དེ་ལྟ་བུ་ཡང་མི་དམིགས་ཏེ། ཆོས་ཐམས་ཅད་ལ་མི་གནས་པས་དོན་ཡོད་པར་འགྱུར་བ་འདི་ནི། བྱང་ཆུབ་སེམས་དཔའ་རྣམས་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་རྣམ་པར་སྤྱོད་པ་རིན་པོ་ཆེ་ལྟ་བུ་དགུ་པའོ། ། 10 .གཞན་ཡང་བྱང་ཆུབ་སེམས་དཔའ་ནི་སངས་རྒྱས་བཅོམ་ལྡན་འདས་བསམ་གྱིས་མི་ཁྱབ་པའི་དེ་བཞིན་གཤེགས་པ་རེ་རེ་ལས་ཀྱང་རྣམ་པ་ཐ་དད་དུ་བགྲང་བའི་ཚུལ་གྱིས་བསྐལ་པ་བགྲང་བ་སྣ་ཚོགས་མིང་ཐ་དད་པ་གཞན་དང་གཞན་བསྐལ་པ་དེ་དང་དེ་དག་ཏུ་གདགས་པའི་བསྐལ་པ་གཅིག་བཟུང་བ་ནས་བརྗོད་དུ་མེད་པ་ཤིན་ཏུ་བསྟན་པའི་བར་དུ་ལུང་བསྟན་པ་ཉན་ཅིང་ལུང་བསྟན་པ་དེ་དག་ཐོས་ནས་ཀྱང་། བྱང་ཆུབ་སེམས་དཔའི་སྤྱོད་པ་དང་། དེ་བཞིན་གཤེགས་པའི་ཡེ་ཤེས་བསམ་གྱིས་མི་ཁྱབ་པ་ལ་འཁོར་བ་མེད་ཅིང་མགོ་རྨོངས་པ་མེད་པ་ལ་ལུང་བསྟན་པ་དེ་དག་རྣམ་པ་དེ་ལྟ་བུར་ཐོས་ནས་ཀྱང་། དེ་བཞིན་གཤེགས་པ་གཉིས་སུ་མི་གསུང་བ་དང་། བདག་ཉིད་ཀྱི་སྤྱོད་པའི་མཐུ་དང་། སྨོན་ལམ་གྱི་ཁྱད་པར་གྱིས་སེམས་ཅན་ཇི་ལྟར་སྨིན་པར་བྱས་པ་རྣམས་ཀྱི་སྨོན་ལམ་དེ་ དག་ཐམས་ཅད་ཆོས་ཀྱི་དབྱིངས་ཁོང་དུ་ཆུད་པས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་རྫོགས་པར་བྱེད་པ་འདི་ནི། བྱང་ཆུབ་སེམས་དཔའ་རྣམས་ ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་རྣམ་པར་སྤྱོད་པ་རིན་པོ་ཆེ་ལྟ་བུ་བཅུ་པའོ། ། བཅུ་པོ་དེ་དག་ནི། བྱང་ཆུབ་སེམས་དཔའ་རྣམས་ཀྱི་བྱང་ཆུབ་སེམས་དཔའ་རྣམ་པར་སྤྱོད་པ་རིན་པོ་ཆེ་ལྟ་བུ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་ཡང་དག་པར་རྫོགས་པའི་སངས་རྒྱས་ཀྱི་ཡེ་ཤེས་རིན་པོ་ཆེ་ཆེན་པོ་བླ་ན་མེད་པར་འཚང་རྒྱ་བར་འགྱུར་བ་དག་གོ །
Tibetan Source	《ཕལ་ཆེན་ང་པ་》ཤ་259བ་7ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number