9324

Tibetan	བྱང་ཆུབ་སེམས་དཔའ་སེངྒེ་དང་འདྲ་བའི་ཆོས་བཅུ།
Tibetan Alternate
Tibetan Definition	དེ་ཡང་། འཕགས་པ་དཀོན་མཆོག་སྤྲིན་ཞེས་བྱ་བའི་མདོ་ལས་བྱུང་བ་སྟེ། 1. བག་མི་ཚ་བ་རྣམས་ཡིན། དཔེར་ན། སེངྒེ་ནི། གར་འགྲོ་ཡང་བདག་དང་འདྲ་བ་མེད་པར་མཐོང་བས་བག་མི་ཚ་ཞིང་མི་སྐྲག་པར་འགྲོའོ། ། དེ་བཞིན་དུ་བྱང་ཆུབ་སེམས་དཔའ་སེངྒེའང་བདག་དང་འདྲ་བ་མེད་པར་མཐོང་བས་གར་འགྲོ་བར་བག་མི་ཚ་ཞིང་མི་སྐྲག་པར་འགྲོའོ། ། 2. མི་བརྟབས་པ་རྣམས་ཡིན། དཔེར་ན། སེངྒེ་ནི། ཝ་ཐམས་ཅད་ཀྱི་སྒྲས་མི་བརྟབས་པ་ཡིན་ནོ། དེ་བཞིན་དུ་བྱང་ཆུབ་སེམས་དཔའ་སེངྒེའང་ཕ་རོལ་གྱི་རྒོལ་བ་ཐམས་ཅད་ཀྱིས་བརྩད་པས་བརྒལ་ཀྱང་མི་བརྟབས་ཤིང་རྒོད་པ་དང་། ཞུམ་པར་མི་འགྱུར་རོ། ། 3. མི་ཟློག་པ་རྣམས་ཡིན། དཔེར་ན། སེངྒེ་ནི། བསྐུགས་ན་ཕྱིར་མི་ལྡོག་པ་ཡིན་ནོ། ། དེ་བཞིན་དུ་བྱང་ཆུབ་སེམས་དཔའ་སེངྒེའང་ཕ་རོལ་རྒོལ་བ་ཐམས་ཅད་ཀྱིས་བསྐུགས་ན་མི་ཟློག་ཅིང་མི་ཞུམ་པར་འགྱུར་རོ། ། 4. སེངྒེའི་སྒྲ་སྒྲོག་པ་རྣམས་ཡིན། དཔེར་ན། སེངྒེ་ནི། སྒྲ་གང་གིས་རི་དྭགས་ཕྲ་མོ་ཐམས་ཅད་དང་། ཝ་ཐམས་ཅད་ཕྱོགས་བཅུར་འབྱེར་བར་འགྱུར་བ་དེ་ལྟ་བུར་སྒྲོག་གོ དེ་བཞིན་དུ་བྱང་ཆུབ་སེམས་དཔའ་སེངྒེའང་བདག་མེད་པའི་སེངྒེའི་སྒྲ་གང་གིས་བདག་ཏུ་འཛིན་པ་ལ་མངོན་པར་ཆགས་པའི་གཞན་མུ་སྟེགས་ཅན་གྱི་རི་དྭགས་རྣམས་དང་། གཞན་མུ་སྟེགས་ཅན་གྱི་ཝ་ཐམས་ཅད་ཕྱོགས་བཅུར་འབྱེར་བར་འགྱུར་བ་དེ་ལྟ་བུ་སྒྲོག་སྟེ། བྱང་ཆུབ་སེམས་དཔའ་སེངྒེ་ནི། བདག་ཏུ་འཛིན་པ་ལས་བཟློག་པར་བྱ་བ་དང་། སེམས་ཅན་གཞན་དག་གདུལ་བའི་དབང་དུ་བྱ་བ་མ་གཏོགས་པར་དེ་དག་ལ་གནོད་པ་བྱ་བའི་ཕྱིར་བདག་མེད་པའི་སེངྒེའི་སྒྲ་མི་སྒྲོག་གོ ། 5. མི་འཇིགས་པ་རྣམས་ཡིན། སེངྒེ་ནི། ཀུན་ཏུ་ལྟའང་མི་འཇིགས་པ་ཡིན་ནོ། ། དེ་བཞིན་དུ་བྱང་ཆུབ་སེམས་དཔའ་སེངྒེའང་སྤྱོད་པ་ཡོངས་སུ་དག་པའི་ནན་ཏན་ལ་ལྟའང་མི་འཇིགས་པ་ཡིན་ནོ། ། 6. ནགས་ཚོལ་གྱི་འདབས་ན་རྒྱུ་བ་རྣམས་ཡིན། ནངས་ཚལ་དང་། སེངྒེ་ནི། རང་བཞིན་གྱིས་ནགས་ཚལ་དང་། ནགས་ཚལ་གྱི་འདབས་ན་རྒྱུ་བ་ཡིན་ནོ། ། དེ་བཞིན་དུ་བྱང་ཆུབ་སེམས་དཔའ་སེངྒེའང་རང་བཞིན་གྱིས་དབེན་པ་ལ་མངོན་པར་ཕྱོགས་ཤིང་ནགས་ཚལ་དང་། ནགས་ཚལ་གྱི་འདབས་ན་སྤྱོད་པ་ཡིན་ནོ། ། 7. རིའི་ཕུག་ན་གནས་པ་རྣམས་ཡིན། སེསྒེ་ནི། རིའི་ཕུག་ན་གནས་པ་ཡིན་ནོ། ། དེ་བཞིན་དུ་བྱང་ཆུབ་སེམས་དཔའ་སེངྒེའང་ཡེ་ཤེས་ཀྱི་བྲག་རིའི་ཕུག་ན་གནས་པ་ཡིན་ནོ། ། 8. ལེན་པ་མེད་པ་རྣམས་ཡིན། སེངྒེ་ནི། མི་ལེན་པར་འགྲོ་བ་ཡིན་ནོ། ། དེ་བཞིན་དུ་བྱང་ཆུབ་སེམས་དཔའ་སེངྒེའང་ཉོན་མོངས་པའི་ཁུར་ཐམས་ཅད་བོར་ཞིང་ལེན་པ་མེད་པར་འགྲོ་བ་ཡིན་ནོ། ། 9. བདག་གི་བརྩོན་འགྲུས་དང་། སྟོབས་དང་། མཐུ་ཐོབ་པས་བདུད་ཀྱི་སྡེ་རབ་ཏུ་འཇོམས་པ་རྣམས་ཡིན། སེངྒེ་ནི། གཅིག་པུ་གཉིས་སུ་མེད་པ་བདག་གི་བརྩོན་འགྲུས་དང་། སྟོབས་དང་། མཐོ་ཐོབ་པས་ཕ་རོལ་གྱི་སྡེ་འཇོམས་སོ། ། དེ་བཞིན་དུ་བྱང་ཆུབ་སེམས་དཔའ་སེངྒེའང་གཅིག་པུ་གཉིས་སུ་མེད་པར་བྱང་ཆུབ་ཀྱི་སྙིང་པོ་ལ་འདུག་ནས་བདག་གི་བརྩོན་འགྲུས་དང་། སྟོབས་དང་། མཐུ་ཐོབ་པས་བདུད་ཀྱི་སྡེ་འཇོམས་སོ། ། 10 .དགེ་བའི་ཆོས་ཀྱི་ལོ་ཐོག་སྲུང་བ་རྣམས་ཡིན། གྲོག་གི་འདབས་གང་ན་སེངྒེ་རྒྱུ་བ་དེར་རི་དྭགས་ཕྲ་མོ་དག་གིས་ལོ་ཐོག་རྣམས་ཆུད་མི་གཟོན་ཏོ། དེ་བཞིན་དུ་བྱང་ཆུབ་སེམས་དཔའ་སེངྒེའང་ཡུལ་དང་ཡུལ་གྱི་ཕྱོགས་གང་ན་འདུག་པ་དེར་མུ་སྟེགས་ཅན་གྱི་རི་དྭགས་ཕྲ་མོ་དག་གིས་དགེ་བའི་ཆོས་ཀྱི་ལོ་ཐོག་རྣམས་ཆུད་མི་གཟོན་ཏོ། །
Tibetan Source	《མདོ་ཚ་པ་》ཤ་89ན་4ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number