9353

Tibetan	བྱང་ཆུབ་སེམས་དཔའི་རྣམ་ཐར་རྒྱ་ཆེན་པོའི་ཆོས་བཅུ།
Tibetan Alternate
Tibetan Definition	དེ་ཡང་། ཕལ་ཆེན་ཆ་པ་སྡོང་པོས་བརྒྱན་པའི་ལེའུ་ལས་བྱུང་བ་སྟེ། 1. བྱང་ཆུབ་སེམས་དཔའི་སྦྱིན་པ་སེམས་ཅན་རྒྱ་མཚོ་ཐམས་ཅད་ཀྱི་བསམ་པ་ཇི་ལྟ་བ་བཞིན་དུ་ཡོངས་སུ་ཚིམ་པར་བྱེད་པ་ལ་ཞུགས་པ་ནི། རྒྱ་ཆེན་པོའི་ཆོས་སོ། 2. བྱང་ཆུབ་སེམས་དཔའི་ཚུལ་ཁྲིམས་དེ་བཞིན་གཤེགས་པའི་ཡོན་ཏན་རྒྱ་མཚོ་ལ་འཇུག་པའི་ནན་ཏན་ལ་ཞུགས་པ་ནི། རྒྱ་ཆེན་པོའི་ཆོས་སོ། ། 3. བྱང་ཆུབ་སེམས་དཔའི་བཟོད་པ་ཆོས་ཐམས་ཅད་ཀྱི་རང་བཞིན་ངེས་པར་རྟོགས་པར་བྱ་བ་ལ་ཞུགས་པ་ནི། རྒྱ་ཆེན་པོའི་ཆོས་སོ། ། 4. བྱང་ཆུབ་སེམས་དཔའི་བརྩོན་འགྲུས་ཐམས་ཅད་མཁྱེན་པ་ཉིད་དུ་ཡང་དག་པར་བརྩམས་པ་ལས་ཕྱིར་མི་ལྡོག་པར་ཞུགས་པ་ནི། རྒྱ་ཆེན་པོའི་ཆོས་སོ། ། 5. བྱང་ཆུབ་སེམས་དཔའི་བསམ་གཏན་སེམས་ཅན་ཐམས་ཅད་ཀྱི་ཉོན་མོངས་པའི་གདུང་བ་རབ་ཏུ་ཞི་བར་བྱ་བ་ལ་ཞུགས་པ་ནི། རྒྱ་ཆེན་པོའི་ཆོས་སོ། ། 6. བྱང་ཆུབ་སེམས་དཔའི་ཤེས་རབ་ཆོས་རྒྱ་མཚོ་ཐམས་ཅད་ཡོངས་སུ་ཤེས་པར་བྱ་བ་ལ་ཞུགས་པ་ནི། རྒྱ་ཆེན་པོའི་ཆོས་སོ། ། 7. བྱང་ཆུབ་སེམས་དཔའི་ཐབས་སེམས་ཅན་རྒྱ་མཚོ་ཐམས་ཅད་ཡོངས་སུ་སྨིན་པར་བྱ་བ་དང་གདུལ་བ་ལ་ཞུགས་པ་ནི། རྒྱ་ཆེན་པོའི་ཆོས་སོ། ། 8. བྱང་ཆུབ་སེམས་དཔའི་སྨོན་ལམ་ཕྱི་མའི་མཐའི་མུར་ཐུག་པའི་བསྐལ་པར་སངས་རྒྱས་ཀྱི་ཞིང་ཐམས་ཅད་དུ་བྱང་ཆུབ་སེམས་དཔའི་སྤྱོད་པ་སྤྱད་པའི་ཕྱིར་ཞིང་རྒྱ་མཚོ་ཐམས་ཅད་ལ་ཞུགས་པ་ནི། རྒྱ་ཆེན་པོའི་ཆོས་སོ། ། 9. བྱང་ཆུབ་སེམས་དཔའི་སྟོབས་སངས་རྒྱས་ཀྱི་ཞིང་ཐམས་ཅད་སྐད་ཅིག་རེ་རེ་ལ་མངོན་པར་རྫོགས་པ་འཚང་རྒྱ་བར་ཡོངས་སུ་བསྟན་པ་རྒྱུན་མི་གཅད་པའི་ཕྱིར་ཆོས་ཀྱི་དབྱིངས་ཀྱི་ཚུལ་རྒྱ་མཚོ་ཐམས་ཅད་ལ་ཞུགས་པ་ནི། རྒྱ་ཆེན་པོའི་ཆོས་སོ། ། 10 .བྱང་ཆུབ་སེམས་དཔའི་ཡེ་ཤེས་དུས་གསུམ་གྱི་ཆོས་ཐམས་ཅད་ལ་སྒྲིབ་པ་མེད་པའི་ཡེ་ཤེས་ཐོབ་པར་བྱ་བའི་ཕྱིར་དེ་བཞིན་གཤེས་པའི་སྟོབས་ལ་ཞུགས་པ་ནི། རྒྱ་ཆེན་པོའི་ཆོས་སོ། །
Tibetan Source	《ཕལ་ཆེན་ཅ་པ་》ཤ་14ན་4ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number