9364

Tibetan	བྱིན་གྱིས་བརླབ་པའི་ཆོས་བཅུ།
Tibetan Alternate
Tibetan Definition	དེ་ཡང་། དམ་པའི་ཆོས་ཀྱི་ཚུལ་སྲུང་བའི་ལེའུ་ལས་བྱུང་བ་སྟེ། 1. སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ཀྱིས་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། སྲིན་པོ་དང་། གྲུལ་བུམ་དེ་དག་ལ་ཁྱོད་ཀྱིས་སེམས་ཅན་དེ་དག་རྟག་ཏུ་སྲུངས་ཤིག གནོདཔ་ལས་ཟློག་ཅིག ལུས་དང་། ངག་དང་། ཡིད་ཀྱིས་ལས་དགེ་བ་ལ་ཚུད་ཅིག ཟས་དང་། སྐོམ་དང་། ལོངས་སྤྱོད་དང་། ཀུན་སྤྱོད་པ་མང་པོ་དང་། ནད་མེད་པ་མཁས་པས་བདག་གི་སྲོག་དང་ཡང་བསྡོས་ལ། སེམས་ཅན་དེ་དག་བཟུང་བར་གྱིས་ཤིག ཅེས་རིག་པས་གཏད་ནས་དེ་དག་གི་དྲན་པ་དང་། བློ་གྲོས་དང་། རྟོགས་པ་དང་། སྤོབས་པ་ལ་མཁས་པས་སྐྱོན་མེད་པར་འགྱུར་རོ། ། 2. དེ་དག་གི་ཡིད་ཀྱི་བརྣག་པ་འདོད་པའི་ཡོན་ཏན་དང་ལྡན་པས་གནས་པར་མི་འགྱུར་ཏེ། དེ་དག་སྟོང་པ་ཉིད་ལ་གནས་པར་འགྱུར་རོ། ། 3. དེ་དག་སེམས་དང་མཚུངས་ཤིང་ཟབ་མོ་འདོད་པ་དང་ལྡན་པ་ལ་བསྡུ་བའི་དངོས་པོ་ལའང་བརྩོན་པར་འགྱུར་རོ། ། 4. དགེ་བའི་ཆོས་ལ་གནས་ནས་སེམས་ཅན་གྱི་འཁོར་གྱི་ལུས་ལ་སྙིང་པོ་བླངས་ཏེ་དངོས་པོ་གསུམ་ཡོངས་སུ་དག་པའི་བྱང་ཆུབ་ཀྱི་སྤྱོད་པ་ཉམས་འོག་ཏུ་ཆུད་པར་འགྱུར་རོ། ། 5. ཏིང་ངེ་འཛིན་རིན་པོ་ཆེའི་རྒྱལ་མཚན་ཡང་ཐོབ་པར་འགྱུར་ཏེ། ཏིང་ངེ་འཛིན་དེས་ཏིང་ངེ་འཛིན་ཐམས་ཅད་ལ་རྣམ་པར་སྤྱོད་པའི་ཤེས་པ་ལའང་མཁས་པར་འགྱུར་རོ། ། 6. འཆི་བའི་དུས་ཀྱི་ཚེའང་སེམས་ཅན་དེ་དག་གི་མདུན་དུ་སངས་རྒྱས་བཅོམ་ལྡན་འདས་དགེ་སློང་གི་ཚོགས་ཀྱིས་ཡོངས་སུ་བསྐོར་ཞིང་། བྱང་ཆུབ་སེམས་དཔའི་ཚོགས་ཀྱིས་ཡོངས་སུ་མདུན་དུ་བདར་བ་འཚོ་ཞིང་གཞེས་ལ་ཆོས་ཀྱང་སྟོན་ཅིང་བཞུགས་པ་གྲངས་མེད་པ་དཔག་ཏུ་མེད་པ་དག་ཀྱང་མཐོང་བར་འགྱུར་རོ། ། 7. སངས་རྒྱས་བཅོམ་ལྡན་འདས་དེ་དག་ལས་དོན་དང་། ཚིག་དང་། ཡི་གེར་ལྡན་པའི་ཆོས་བཤད་པ་དེ་ལྟ་བུའང་ཐོས་པར་འགྱུར་རོ། ། 8. ཐམས་ཅད་ལས་ཁྱད་པར་འཕགས་པ་ཟང་ཟིང་མེད་པའི་དགའ་བ་དང་། མཆོག་ཏུ་དགའ་བའི་བར་དུ་ཐོབ་ནས་ལས་ཀྱི་སྒྲིབ་པ་མི་དགེ་བ་དེ་དག་ཐམས་ཅད་རྣམ་པར་ཤེས་པ་ཐ་མ་ལ་ཆོས་དང་ལྡན་པས་མགོ་མཉམ་དུ་འགག་པར་འགྱུར་རོ། ། 9. ཇི་ལྟར་བསམ་པ་བཞིན་དུ་སངས་རྒྱས་ཀྱི་ཞིང་ཡོངས་སུ་དག་པར་བརྫུས་ཏེ་སྐྱེ་བར་འགྱུར་ཞིང་། སངས་རྒྱས་ཀྱི་ཞིང་གང་ན་སངས་རྒྱས་བཅོམ་ལྡན་འདས་དག་འཚོ་ཞིང་གཞེས་ལ་བཞུགས་ཏེ་ཐེག་པ་ཆེན་པོའི་གཏམ་འབའ་ཞིག་འཆད་པའི་སངས་རྒྱས་ཀྱི་ཞིང་དེར་སེམས་ཅན་དེ་དག་ཐེག་པ་ཆེན་པོ་ལ་གནས་ཤིང་སྒྲིབ་པ་མེད་པའི་ཡེ་ཤེས་དང་ལྡན་པའི་སེམས་ནམ་མཁའ་དང་མཚུངས་པའི་སེམས་ཅན་དེ་དག་དང་འགྲོགས་པར་འགྱུར་ཏེ། རིང་པོར་མི་ཐོགས་པར་ཡོན་ཏན་དེ་དག་དང་ལྡན་པར་འགྱུར་རོ། ། 10 .སེམས་ཅན་དེ་དག་རང་གི་སྨོན་ལམ་མ་གཏོགས་པར་ཕྱིན་ཆད་ཉོན་མོངས་པ་ཅན་སྙིགས་མ་ལྔ་དང་ལྡན་པའི་སངས་རྒྱས་ཀྱི་ཞིང་རྣམས་སུ་སྐྱེ་བར་མི་འགྱུར་ཏེ། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། ། ད་ལྟར་དང་། མ་འོངས་པའི་དུས་ན་དམ་པའི་ཆོས་ཀྱི་ཚུལ་འདི་འབར་བར་བྱེད་ཅིང་། གཟུངས་ཀྱི་ཕྱག་རྒྱའི་ཆོས་ཀྱི་རྣམ་གྲངས་འདི་འཛིན་པ་ནས་གླེགས་བམ་ལ་བྲིས་ཏེ་འཆང་བའི་བར་སེམས་ཅན་དེ་དག་ཐམས་ཅད་སངས་རྒྱས་བཅོམ་ལྡན་འདས་རྣམས་ཀྱིས་ཆོས་བཅུ་པོ་དེ་དག་གིས་བྱིན་གྱིས བརླབས་པར་འགྱུར་རོ། །
Tibetan Source	《མདོ་ཐ་པ་》ཤ་428བ་1ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number