9633

Tibetan	ལམ་བཅུ།
Tibetan Alternate
Tibetan Definition	དེ་ཡང་། ཕལ་ཆེན་ལེའུ་ཞེ་གསུམ་པ་དེ་བཞིན་གཤེགས་པ་སྐྱེ་བ་འབྱུང་བ་བསྟན་པ་ལས་བྱུང་བ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ལམ་བཅུ་སྟེ། 1. འདི་ལྟར་གཅིག་པུ་གྲོགས་མེད་པར་བྱང་ཆུབ་ཀྱི་སེམས་མི་གཏོང་བས་བྱང་ཆུབ་སེམས་དཔའ་རྣམས་ཀྱི་ལམ་གཅིག་ལ་རྟེན་པ། 2. ཐབས་དང་ཤེས་རབ་ཀྱིས་མངོན་པར་བསྒྲུབ་པས། བྱང་ཆུབ་སེམས་དཔའ་རྣམས་ཀྱི་ལམ་ཡན་ལག་གཉིས་པ། 3. སྟོང་པ་ཉིད་ཀྱི་སྦྱོར་བ་དང་། མཚན་མ་མེད་པའི་མཐའི་རྩེ་མོར་ཕྱིན་པ། སྨོན་པ་མེད་པའི་ཕྱིར་ཁམས་གསུམ་དང་མི་འདྲེ་བས་བྱང་ཆུབ་སེམས་དཔའི་ལམ་རྣམ་པ་གསུམ། 4. ཉེས་པ་བཤགས་པའི་ཚུལ་དང་། བསོད་ནམས་ཐམས་ཅད་ལ་རྗེས་སུ་ཡི་རང་བ། དེ་བཞིན་གཤེགས་པ་ལ་གསོལ་བ་གདབ་པའི་རིམ་གྲོ་རྒྱུན་མི་གཅོད་པ། ཡོངས་སུ་བསྔོ་བ་ལས་མཁས་པས་ཤིན་ཏུ་བསྔོ་བའི་ཕྱིར། བྱང་ཆུབ་སེམས་དཔའི་ལམ་སྤྱོད་པ་བཞིས་སྨོས་པ། 5. དད་པའི་རྩ་བ་ཚུགས་ཏེ་ཤིན་ཏུ་བརྟན་པ་དང་། བརྩོན་འགྲུས་ཆེན་པོ་ལས་ཕྱིར་མི་ལྡོག་པ་དང་། དྲན་པ་རྩེ་གཅིག་པ་དང་། ཏིང་ངེ་འཛིན་གྱི་ཚུལ་མ་འཁྲུགས་པ་དང་། རབ་ཏུ་རྟོགས་ པའི་ཤེས་རབ་ཀྱི་སྤྱོད་ཡུལ་ལ་མཁས་པས། བྱང་ཆུབ་སེམས་དཔའ་རྣམས་ཀྱི་ལམ་དབང་པོ་ལྔས་རྣམ་པར་སྤེལ་བ། 6. རྫུ་འཕྲུལ་དང་རྣམ་པར་འཕྲུལ་པ་ཆེན་པོ་བསྒྲུབ་པས། སེམས་ཅན་ཇི་ལྟར་འདུལ་བ་བཞིན་དུ་ཆོ་འཕྲུལ་སྣ་ཚོགས་ཡོངས་སུ་སྟོན་ཅིང་། སེམས་ཅན་ཐམས་ཅད་ལ་ཆོས་བརྗོད་པ། ཟག་པ་ཟད་པའི་ཡེ་ཤེས་དང་ལྡན་པས་ཡང་དག་པའི་མཐའ་མངོན་སུམ་དུ་མཐོང་ཞིང་བྱང་ཆུབ་སེམས་དཔའི་སྤྱོད་པ་བསྒྲུབ་པ་རྒྱུན་མི་གཅོད་པས་བྱང་ཆུབ་སེམས་དཔའ་རྣམས་ཀྱིས་ལམ་མངོན་པར་ཤེས་པ་དྲུག་གིས་རྣམ་པར་འཕྲུལ་པ། 7. གདུལ་བ་རྒྱུན་མི་འཆད་པ་ལ་ཞུགས་ཏེ། སེམས་ཅན་རྗེས་སུ་དྲན་པའི་ཕྱིར་དགེ་འདུན་རྗེས་སུ་དྲན་པས། བྱང་ཆུབ་སེམས་དཔའི་ལམ་རྗེས་སུ་དྲན་པ་བདུན་གྱིས་མངོན་པར་བསྒྲུབ་པ། 8. སྒྲ་ཐམས་ཅད་འཛིན་ཅིང་དྲན་པ་འཇིག་རྟེན་གྱི་རྣམ་པར་འཁྲུག་པ་ཐམས་ཅད་ཀྱིས་བར་དུ་མི་ཆོད་པའི་ཕྱིར་ཡང་དག་པའི་དྲན་པ་དང་། བྱང་ཆུབ་སེམས་དཔའི་རྣམ་པར་ཐར་པ་བསམ་གྱིས་མི་ཁྱབ་པའི་ཏིང་ངེ་འཛིན་གཅིག་གིས་ཏིང་ངེ་འཛིན་ཐམས་ཅད་མངོན་པར་བསྒྲུབ་པ་ལ་མཁས་པའི་ཕྱིར། ཡང་དག་པའི་ཏིང་ངེ་འཛིན་དང་དང་ལྡན་པས། བྱང་ཆུབ་སེམས་དཔའ་རྣམས་ཀྱི་ལམ་ནི། འཕགས་པའི་ལམ་ཡན་ལག་བརྒྱད་པ་དང་ལྡན་ཞིང་། བྱང་ཆུབ་དང་མཐུན་པར་གྱུར་པ། 9. དེ་བཞིན་གཤེགས་པ་ཐམས་ཅད་མཐོང་བས་དགའ་བའི་ཡིད་བདེ་བ་ཡང་རྒྱུན་མི་འཆད་ཅིང་། འཇིག་རྟེན་པའི་བདེ་བ་དང་། སྡུག་བསྔལ་དང་བྲལ་བས། འཕགས་པ་འཇིག་རྟེན་ལས་འདས་པའི་བྱང་ཆུབ་སེམས་དཔའི་ལམ་དང་མཐུན་པ། མི་གཡོ་བའི་གཟུགས་མེད་པའི་སྙོམས་པར་འཇུག་པས་མངོན་པར་བསྒྲུབ་པ། འདོད་པའི་ཁམས་དང་། གཟུགས་ཀྱི་ཁམས་སུ་སྐྱེས་པ་ལས་མ་གཡོས་པར་འདུ་ཤེས་དང་། ཚོར་བ་ཐམས་ཅད་འགོག་པའི་སྙོམས་པར་འཇུག་པས་མངོན་པར་བསྒྲུབས་ཤིང་། བྱང་ཆུབ་སེམས་དཔའི་སྤྱོད་པ་བསྒྲུབ་པ་རྒྱུན་མི་གཅོད་པས། བྱང་ཆུབ་སེམས་དཔའ་རྣམས་ཀྱི་ལམ་མཐར་གྱིས་སྤྱོད་ཅིང་སྙོམས་པར་འཇུག་པ་དགུས་མངོན་པར་བསྒྲུབ་པ། 10 .གནས་དང་གནས་མ་ཡིན་པ་ལ་མཁས་པའི་ཡེ་ཤེས་དང་ལྡན་པ་དང་། འགྲོ་བ་ཐམས་ཅད་ཀྱི་འདས་པ་དང་། མ་འོངས་པ་དང་། ད་ལྟར་བྱུང་བའི་ལས་དང་། རྒྱུ་དང་། རྣམ་པར་སྨིན་པ་ཡོངས་སུ་ལེན་པ་ཤིན་ཏུ་རྟོག་པ་དང་། དབང་པོ་ཇི་ལྟ་བ་བཞིན་དུ་ཆོས་སྟོན་ཅིང་། གོ་བར་བྱེད་པས་སེམས་ཅན་གྱི་ཁམས་ཐམས་ཅད་ཀྱི་དབང་པོ་རབ་དང་ཐ་མ་ཤེས་པའི་ཡེ་ཤེས་ཀྱིས་ཤིན་ཏུ་བརྟགས་པ་དང་། ཁམས་ཐ་དད་པ་དང་ཁམས་དུ་མ་ལ་མཁས་པ་དང་ལྡན་པ་དང་། རབ་དང་ཐ་མ་དང་འབྲིང་ལ་མོས་པ་རབ་ཏུ་རྟོགས་པའི་ཆོས་ཀྱི་ཚུལ་གྱི་ཚུལ་ལ་ཞུགས་པ་དང་། འགྲོ་བ་ཐམས་ཅད་དང་། ཞིང་དང་། དུས་དང་། བསྐལ་པ་ཐམས་ཅད་བྱང་ཆུབ་སེམས་དཔའི་ལུས་དང་། གཟུགས་ཀྱིས་རྒྱས་པར་དགང་ཞིང་། དེ་བཞིན་གཤེགས་པའི་ཚུལ་ཡོངས་སུ་བསྟན་པས། བྱང་ཆུབ་སེམས་དཔའི་སྤྱོད་པ་བསྒྲུབ་པ་ཡོངས་སུ་མི་གཏོང་བ་དང་། བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་དང་། ཀུན་ནས་ཉོན་མོངས་པ་དང་། རྣམ་པར་བྱང་བ་ཐམས་ཅད་ལས་རྣམ་པར་ལྡང་བ་དུས་ལ་བབ་པ་དང་། དུས་ལ་མ་བབ་པ་རྟོགས་པའི་ཡེ་ཤེས་ཀྱི་ཚུལ་གྱིས་མངོན་པར་བསྒྲུབས་པའི་བྱང་ཆུབ་སེམས་དཔའི་རྣམ་པར་ཐར་པ་ལ་རབ་ཏུ་གནས་པ་དང་། སེམས་ཅན་ཐམས་ཅད་ཀྱི་སྐྱེ་བ་དང་། ཤི་འཕོ་བ་དང། ལམ་གྱི་རྒྱུད་དང་། འཕོ་བ་ཐ་དད་པའི་གནས་ལ་མཁས་པ་དང་ལྡན་པ་དང་། དུས་གསུམ་གྱི་བསྐལ་པ་འགྲངས་པ་ཐམས་ཅད་སྐད་ཅིག་གཅིག་ཏུ་གཟུང་བ་རྟོགས་པའི་ཡེ་ཤེས་སྣང་བས་མངོན་པར་བསྒྲུབ་པ་དང་། འགྲོ་བ་ཐམས་ཅད་ཀྱི་ཉོན་མོངས་པ་དང་། བག་ཆགས་དང་། བསམ་པ་དང་། བག་ལ་ཉལ་བ་བྱང་བ་ཐོབ་པའི་ཡེ་ཤེས་ཀྱི་ཚུལ་གྱིས་མངོན་པར་བསྒྲུབས་པའི་བྱང་ཆུབ་སེམས་དཔའི་སྤྱོད་པ་བསྒྲུབ་པ་མི་གཏོང་བས་བྱང་ཆུབ་དཔའ་རྣམས་ཀྱི་ལམ་ནི་དེ་བཞིན་གཤེགས་པའི་སྟོབས་བཅུ་རབ་ཏུ་རྟོགས་པ་ལ་ཡང་དག་པར་བཏང་བའོ། །
Tibetan Source	《ཕལ་ཆེན་ང་པ་》ཤ་308བ་7ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number