9663

Tibetan	ཤིན་ཏུ་བཟོད་པར་དཀའ་བའི་ཆོས་ཀྱི་བླ་བྲེ་བཅུ།
Tibetan Alternate
Tibetan Definition	སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་བཟོད་པར་དཀའ་བའི་ཆོས་ཀྱི་བླ་བྲེ་བཅུ་སྟེ། 1. བདུད་ཀྱི་རྒོལ་བ་བཅོམ་ཞིང་གཏོར་བ་སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་བཟོད་པར་དཀའ་བའི་ཆོས་ཀྱི་བླ་བྲེ་ཆེན་པོ། 2. གཞན་མུར་འདུག་དང་། ཕ་རོལ་རྒོལ་བ་ཐམས་ཅད་ཚར་གཅོད་པ་ཤིན་ཏུ་བཟོད་པར་དཀའ་བའི་ཆོས་ཀྱི་བླ་བྲེ་ཆེན་པོ། 3. སེམས་ཅན་འདུལ་ཞིང་ཚིམ་པར་མཛད་པ་སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་བཟོད་པར་དཀའ་བའི་ཆོས་ཀྱི་བླ་བྲེ་ཆེན་པོ། 4. སེམས་ཅན་འདུལ་བའི་དབང་གིས་འཇིག་རྟེན་གྱི་ཁམས་ཐམས་ཅད་དུ་གཤེགས་པ་སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་བཟོད་པར་དཀའ་བའི་ཆོས་ཀྱི་བླ་བྲེ་ཆེན་པོ། 5. ཆོས་ཀྱི་དབྱིངས་རབ་ཏུ་རིགས་ཤིང་མཁྱེན་པ་སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་བཟོད་པར་དཀའ་བའི་ཆོས་ཀྱི་བླ་བྲེ་ཆེན་པོ། 6. འཇིག་རྟེན་གྱི་ཁམས་ཐམས་ཅད་མ་ལུས་པའི་རྗེས་སུ་འགྲོ་བའི་སྐུ་གཉིས་སུ་མེད་པས་སངས་རྒྱས་ཀྱི་སྐུ་སྣ་ཚོགས་རྣམ་པར་ཕྱེ་བ་སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་བཟོད་པར་དཀའ་བའི་ཆོས་ཀྱི་བླ་བྲེ་ཆེན་པོ། 7. སངས་རྒྱས་བཅོམ་ལྡན་འདས་ཀྱིས་དབྱངས་ཀྱི་ཡན་ལག་ཐམས་ཅད་ཀྱིས་སོ་སོ་ཡང་དག་པར་རིག་པ་བཞི་ལ་འཇུག་པའི་གནས་དང་། སོ་སོ་ཡང་དག་པར་རིག་པ་སྟོན་པ་དང་། སེམས་ཅན་གཏི་མུག་མེད་ཅིང་དང་བའི་སེམས་ཅན་ཐོས་པས་འདུལ་བ་ཤིན་ཏུ་བཟོད་པར་དཀའ་བའི་ཆོས་ཀྱི་བླ་བྲེ་ཆེན་པོ། 8. སངས་རྒྱས་བཅོམ་ལྡན་འདས་རྣམས་བ་སྤུའི་བུ་ག་གཅིག་བཞིན་དུ་བ་སྤུའི་བུ་ག་ཐམས་ཅད་ནས་རབ་ཏུ་ཕྲ་བའི་རྡུལ་དང་མཉམ་པ་དེ་སྙེད་གཤེགས་པ་གནས་པའི་ཚུལ་གྱིས་འབྱུང་བ་དང་། སངས་རྒྱས་ཀྱི་སྐུའི་བ་སྤུའི་བུ་ག་ནས་འདི་བཞིན་དུ་རིམ་པས་འཇིག་རྟེན་གྱི་ཁམས་ཐམས་ཅད་ཀྱི་རབ་ཏུ་ཕྲ་བའི་རྡུལ་དང་མཉམ་པའི་སེམས་ཅན་འབྱིན་པ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་བཟོད་པར་དཀའ་བའི་ཆོས་ཀྱི་བླ་བྲེ་ཆེན་པོ། 9. དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་གནས་གཅིག་གི་རབ་ཏུ་ཕྲ་བའི་རྡུལ་ལ་འཇིག་རྟེན་གྱི་ཁམས་ཐམས་ཅད་ཀྱི་རབ་ཏུ་ཕྲ་བའི་རྡུལ་དང་མཉམ་པའི་སངས་རྒྱས་ཀྱི་ཞིང་སྟོན་པ་དང་། སངས་རྒྱས་ཀྱི་རྒྱན་རང་བཞིན་གྱིས་འཚེར་བས་ཆོས་ཀྱི་འཁོར་ལོ་བསྐོར་ཞིང་སེམས་ཅན་འདུལ་བ་རྒྱུན་མི་གཅོད་ལ་གཏོང་བ་མེད་ཀྱང་གནོད་པ་མེད་ཅིང་འཇིག་རྟེན་གྱི་ཁམས་ཅད་དུའང་གནོད་པ་མེད་དེ། རབ་ཏུ་ཕྲ་བའི་རྡུལ་དེ་རྒྱས་པར་བྱས་པའང་མེད། འཇིག་རྟེན་གྱི་ཁམས་ཆུང་ངུར་བྱས་པའང་མེད་པ་ཆོས་ཀྱི་དབྱིངས་རབ་ཏུ་རྟོགས་ཤིང་མཁྱེན་ནས་གནས་པ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་བཟོད་པར་དཀའ་བའི་ཆོས་ཀྱི་བླ་བྲེ་ཆེན་པོ། 10 .མུན་པ་མེད་པའི་དབྱིངས་སུ་དེ་བཞིན་གཤེགས་པས་མངོན་པར་རྫོགས་པར་སངས་རྒྱས་ཏེ་མུན་པ་དང་བཅས་པ་སྣང་བར་གྱུར་ནས། སངས་རྒྱས་ཀྱི་ཆོས་རབ་རིབ་མེད་པ། རྣམ་པར་རབ་རིབ་མེད་པའི་གནས་ལ་སེམས་ཅན་ཕ་རོལ་འཛུད་པ་དང་། དེ་ན་བཅོམ་ལྡན་འདས་དེ་བཞིན་གཤེགས་པའི་སྟོབས་བཅུའི་རྗེས་སུ་སོང་བ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་བཟོད་པར་དཀའ་བའི་ཆོས་ཀྱི་བླ་བྲེ་ཆེན་པོའོ། ། འདི་དག་ནི་སངས་རྒྱས་བཅོམ་ལྡན་རྣམས་ཀྱི་ཟིལ་གྱིས་གནོན་པའི་ཆོས་ཀྱི་བླ་བྲེ་ ཆེན་པོའོ། །
Tibetan Source	《མདོ་བ་པ་》ཤ་254བ་1ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number