9739

Tibetan	སངས་རྒྱས་ཀྱི་ཐབས་ལ་མཁས་པ་བཅུ།
Tibetan Alternate
Tibetan Definition	དེ་ཡང་། འཕགས་པ་སངས་རྒྱས་ཀྱི་སྟོབས་བསྐྱེད་པའི་ཆོ་འཕྲུལ་རྣམ་པར་འཕྲུལ་པ་བསྟན་པའི་མདོ་ལས་བྱུང་བ་སྟེ། 1. སངས་རྒྱས་བཅོམ་ལྡན་འདས་ཀྱིས་བྱིན་གྱིས་བརླབས་མ་ཡིན་པའི་ཆོས་ཐམས་ཅད་མཁྱེན་ནས་སྤྲོས་པ་མེད་པ་དང་། དགེ་བ་དང་། སངས་རྒྱས་ཀྱི་བྱིན་གྱིས་བརླབས་སྟོན་ཅིང་སྣང་བར་མཛད་དེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཐབས་ལ་མཁས་པ་དང་པོའོ། ། 2. སངས་རྒྱས་བཅོམ་ལྡན་འདས་རྣམས་ཀྱིས་ཆོས་ཐམས་ཅད་བལྟར་མེད་པ་དང་། ཕན་ཚུན་ཤེས་པར་མི་རུང་བ་དང་། མ་བཅིང་བ་དང་། མ་གྲོལ་བ་དང་། གཟུང་དུ་མེད་པ་དང་། རེག་པར་མི་རུང་བ་དང་། མ་བྱུང་བའི་ཆོས་ཐམས་ཅད་ལ་མངའ་དམ་པའི་ཕ་རོལ་ཏུ་ཕྱིན་པ་བརྙེས་ཤིང་། སངས་རྒྱས་བཅོམ་ལྡན་འདས་ཆོས་དེ་དག་ཐམས་ཅད་ཡང་དག་པ་ཉིད་དང་། དེ་ཁོ་ན་དང་། མ་ནོར་པ་དེ་བཞིནཉིད་དང་། གཞན་མ་ཡིན་པའི་ཆོས་ཐམས་ཅད་དང་། བདག་མེད་པ་དང་། གཟུང་བ་མེད་པའི་ཆོས་རྣམས་ཀྱི་དེ་ཁོ་ནའི་མཐའ་ལ་ཆགས་པ་མེད་པའི་དབང་དུ་གྱུར་པ་དེ་ལ་དབང་གིས་ཆེན་པོ་བསླབས་ཏེ། བསླབ་པའི་རྗེས་སུ་འབྲང་ཞིང་ཆོས་ཐམས་ཅད་ལ་གཟིགས་ཏེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཐབས་ལ་མཁས་པ་གཉིས་པའོ། ། 3. སངས་རྒྱས་བཅོམ་ལྡན་འདས་མཚན་མ་ཐམས་ཅད་ཀྱི་མཐའ་དང་བྲལ་ཞིང་མཚན་མ་ཐམས་ཅད་ལ་མི་གནས་པ། མཚན་མ་མངོན་པར་མཁྱེན་པས་མི་ཆགས་པ་དེའི་ངོ་བོ་ཉིད་དང་། ངོ་བོ་ཉིད་མེད་པ་དང་། ཇི་ལྟར་ངོ་བོ་ཉིད་སྨྲ་བའི་ཚུལ་གྱིས་རྗེས་སུ་སོང་བ། གྲངས་མེད་པའི་གཟུགས་ཀྱི་མཚན་མ་མེད་པའི་ཆོས་ཀྱི་སྐུ་རྣམ་པར་དག་པ་སྣ་ཚོགས་ཀྱི་ཞིང་ཐམས་ཅད་ཀྱི་མཚན་མ་དང་། སྤྱོད་པའི་མཚན་མ་ཟད་པར་སྟོན་པ། མུན་པའི་འདུ་ཤེས་ཀྱི་ཕུང་པོ་ཡང་དག་པར་རབ་ཏུ་འཆང་བ་མུན་པའི་འགྲོ་བ་ཐམས་ཅདེ་ལ་སྒྲོན་མ་ཆེན་པོས་སྣང་བ་སྟོན་ཏེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཐབས་ལ་མཁས་པ་གསུམ་པའོ། ། 4. སྔོན་གྱི་མཐའ་དང་། ཕྱི་མའི་མཐའ་དང་། ད་ལྟར་བྱུང་བ་ལ་མ་ཆགས་པ་དང་། འདས་པ་དང་། མ་འོངས་པ་དང་། ད་ལྟར་བྱུང་བ་ལ་མ་ཆགས་པ་དང་། འདས་པ་དང་། མ་འོངས་པ་དང་། ད་ལྟར་བྱུང་བ་དང་། ཆོས་ཀྱི་དབྱིངས་་་་ལ་མི་གནས་པ། དེ་བཞིན་ཉིད་ཀྱི་མཚན་ཉིད་མ་བྱུང་བ་དང་། འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་བྱུང་བ་སྣང་བར་མཛད་པ། བརྗོད་དུ་མེད་་པར་བསྟན་པར། དེ་ལྟར་ཚད་མེད་པའི་རིགས་ཀྱི་ཕྱིར་དང་། སངས་རྒྱས་ཀྱི་ཕྱིར་ལྟ་བ། སངས་རྒྱས་ཀྱི་ཡུལ་ཀུན་ཏུ་་གཟིགས་པ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཐབས་ལ་མཁས་པ་བཞི་པའོ། ། 5. སངས་རྒྱས་བཅོམ་ལྡན་འདས་ལུས་ཀྱི་ལས་དང་། ངག་གི་ལས་དང་། ཡིད་ཀྱི་ལས་མངོན་པར་འདུ་མི་བྱེད་པ། བླང་བ་མེད་པ་དང་། རྒྱུ་མེད་པའི་མཐའ་ལ་གནས་པ། དོར་བ་མེད་པའི་ཆོས་ཀྱི་གནས་ཀྱི་ཕ་རོལ་ཏུ་སོང་བ་མ་ངེས་་པའི་རྣམ་པའི་མཛོད་དང་། གྲངས་ཀྱི་སྤྱོད་པ་ལས་ལོག་པར་ཚོགས་མཐའ་ཡས་པ་སྒྲུབ་པ་དང་། སྣ་ཚོགས་ཀྱི་རིམ་པ་འཇིག་རྟེན་པ་དང་། འཇིག་རྟེན་ལས་འདས་པའི་གྲངས་སུ་གཏོགས་པའི་རྗེས་སུ་སོང་བ། བསྒྲིབས་པ་མེད་པའི་ཡེ་ཤེས་ཀྱི་ལྟ་བ་ཚད་མེད་མཐའ་ཡས་པའི་རྫུ་འཕྲུལ་སྣ་ཚོགས་མངོན་པར་འདུ་མཛད་པ།། ཆོས་ཀྱི་དབྱིངས་མ་ལུས་ཐམས་ཅད་སེམས་ཅན་རྣམས་འདུལ་ཞིང་རྣམ་པར་རིག་པར་བྱེད་པ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཐབས་ལ་མཁས་པ་ལྔ་པའོ། ། 6. ཆོས་ཐམས་ཅད་བལྟར་མེད་པ་དང་། སྣ་ཚོགས་མེད་པར་སོང་བ་དེ་ནི་རིམ་པ་མེད་པར་སོང་བ། མ་བྱུང་བར་སོང་བ། མཚན་ཉིད་མེད་པར་སོང་བ། སྣ་ཚོགས་མེད་པར་སོང་བ། རྒྱན་མེད་པར་སོང་པ། བླང་བ་མེད་པར་སོང་བ། ངོ་བོ་ཉིད་མེད་པར་སོང་ཞིང་ཆོས་ཐམས་ཅད་མཁྱེན་ཏེ། ཆོས་ཀྱི་ཀློང་ལས་ངེས་པར་འབྱིན་པ་རབ་ཏུ་མཁྱེན་པ། འཇིག་རྟེན་གྱི་ཆོས་དང་མི་འགལ་བར་མཛད་པ། ཡང་དག་པའི་ངོ་བོ་ཉིད་མེད་པར་ལྟ་བ། ཐམས་ཅད་མཁྱེན་ཅིང་ཐམས་ཅད་གཟིགས་པ། ཡེ་ཤེས་ཀྱིས་མ་ལུས་པར་གཟིགས་པ། ཆོས་ཐམས་ཅད་དབང་གིས་སྣང་བར་མཛད་ཅིང་དེ་བཞིན་ཉིད་ཀྱི་ངོ་བོ་ཉིད་ལས་མི་འཕོ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཐབས་ལ་མཁས་པ་དྲུག་པའོ། ། 7. དུས་གཅིག་ཏུ་མཚན་མི་གཅིག་ཕན་ཚུན་རྟོགས་ཤིང་མཁྱེན་པ་དེ་ཆོས་གཤའ་མར་འཇུག་པ་ཡོངས་སུ་མི་གནས་པའི་དགེ་བའི་རྩ་བ་མཉམ་པ་རྣམ་པར་དག་པ། ཆོས་གཤའ་མ་ཉིད་དང་།དུས་ཐམས་ཅད་དུ་མི་གནས་པ་དེ་ལ་ཉི་མ་གཅིག་དང་། ཟླ་བ་ཕྱེད་དང་། ལོ་གཅིག་དང། ལོ་བརྒྱ་དང་། བསྐལ་པ་སྡུད་པ་དང་འགྱུར་བའི་རྗེས་སུ་འཇུག་པའང་མ་ཡིན། ལྡོག་པའང་མ་ཡིན། ཚད་མེད་པའི་དུས་དང་། ཉི་མ་གཅིག་དང་། ཡུད་ཙམ་གྱི་དུས་དང་། སྔ་དྲོ་དང་། ཉི་མ་ཕྱེད་ཀྱི་དུས་དང་། ཕྱེམ་རེད་དང་། སྲོད་དང་། ནམ་གྱི་གུང་དང་། ཐོ་རེངས་ཀྱི་དུས་དང་། ཉི་མ་དང་། ་གྲངས་སུ་གཏོགས་པའི་དུས་དང་། ཞག་བདུན་དང་། ཟླ་བ་ཕྱེད་ཀྱི་དུས་དང་། ཟླ་བ་གཅིག་དང་། ལོ་གཅིག་དང་། ལོ་བརྒྱུའི་དུས་དང་། བསྐལ་པ་གཅིག་གི་དུས་དང་། ཚད་མེད། གྲངས་མེད། བསམ་གྱིས་མི་ཁྱབ། བརྗོད་དུ་མེད་པའི་དུས་དང་། ཕྱི་མའི་མཐའི་བར་དུ་ཆོས་སྟོན་ཏེ། ཆོས་ཀྱི་འཁོར་ལོ་ལ་གནས་པའང་མེད། ལྡོག་པའང་མེད། རྒྱུན་ཀྱང་མི་གཅོད། སྦྱོར་བའང་མེད། མཚམས་སུ་མི་འགྱུར། མི་འདོར། མི་འཕོ། མི་གཡོ། རིང་བའང་མ་ཡིན། དེ་མཐའ་ལའང་གནས་པ་མ་ཡིན་ཏེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཐབས་ལ་མཁས་པ་བདུན་པའོ། 8. སངས་རྒྱས་བཅོམ་ལྡན་འདས་ཀྱིས་ཆོས་ཀྱི་དབྱིངས་མ་ལུས་པ་ཐམས་ཅད་དང་། ཚད་མེད་པའི་མི་འཇིགས་པ་བརྙེས་པ། སོ་སོ་ཡང་དག་པར་རིག་པ་གྲངས་མེད་པ་དང་། ༦ ་སོ་སོ་ཡང་དག་པར་རིག་པ་ཚད་མེད་པ་དང་། སོ་སོ་ཡང་དག་པར་རིག་པ་མི་ཟད་པ་དང་། སོ་སོ་ཡང་དག་པར་རིག་པ་གནས་པ་མེད་པ་དང་། ་སོ་སོ་ཡང་དག་པར་རིག་པ་མཐའ་ཡས་པ་དང་། སོ་སོ་ཡང་དག་པར་རིག་པ་དང་། སོ་སོ་ཡང་དག་པར་རིག་པ་ཀུན་ནས་གཟུང་བ་མེད་པ་དང་། དེ་ཁོ་ན་ཉིད་སོ་སོ་ཡང་དག་པར་རིག་པ་དང་། ཚིག་དང་། ཚུལ་དང་། རྟོག་པ་སོ་སོའི་ཡང་དག་པར་རིག་པ་དང་། ཆོས་ཐམས་ཅད་སོ་སོ་ཡང་དག་པར་རིག་པ་དང་། ཇི་ལྟར་བསམ་པ་དང་། དད་པ་དང་། དབང་པོ་དང་། ཇི་ལྟར་བཏགས་པའི་ཆོས་རྣམས་དང་། ཆོས་ཀྱི་གཞུང་གི་མཚམས་སྟོན་པ་དང་། དེ་དང་དེ་དག་ཏུ་བརྗོད་དུ་མེད་པའི་ཡང་བརྗོད་དུ་མེད་པའི་མདོ་སྡེ་བྱེ་བ་ཁྲག་ཁྲིག་བརྒྱ་སྟོང་གི་ཐོག་མ་དང་། ་བར་མ་དང་། ཐ་མའི་མདོ་ཡང་དག་པར་རབ་ཏུ་སྟོན་ཏེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཐབས་ལ་མཁས་པ་བརྒྱད་པའོ། ། 9. མིང་མེད་པ་དང་། མིང་དང་། རིགས་དང་། འབྱུང་བའང་ཆོས་ཐམས་ཅད་མིང་དང་། འབྱེད་པ་དང་། ཁམས་འབར་བ་དང་། མངོན་དུ་རྫོགས་པར་སངས་རྒྱས་པ་དང་། འདས་པ་མེད་པའི་མིང་དང་། མ་འོངས་པ་མེད་་པའི་མིང་དང་། དལྟར་བྱུང་ བ་མེད་པའི་མིང་ དང་། སེམས་ཅན་མེད་པའི་མིང་དང་། ཞིང་མེད་པའི་མིང་དང་། ཆོས་མེད་པའི་མིང་དང་། ཡོན་ཏན་མེད་པའི་མིང་དང་། བྱང་ཆུབ་སེམས་དཔའ་མེད་པའི་མིང་དང་། སངས་རྒྱས་མེད་པའི་མིང་དང་། གྲངས་མེད་པའི་མིང་དང་། གྲངས་མེད་པ་མ་ཡིན་པའི་མིང་དང་། མ་བྱུང་བའི་མིང་དང་། མི་འགོག་པའི་མིང་དང་། མེད་པའི་མིང་དང་། མེད་པ་མ་ཡིན་པའི་མིང་དང་། གཅིག་མ་ཡིན་པའི་མིང་དང་། རྣམ་པ་ཐམས་ཅད་མ་ཡིན་པའི་མིང་རང་བཞིན་གྱིས་བརྗོད་དུ་མེད་པའོ། ། ཆོས་ཐམས་ཅད་ནི་ཕྱོགས་མ་ཡིན། བརྡ་མ་ཡིན། ངག་གི་ལམ་དང་བྲལ་བ། སྒྲ་བྱུང་བ་ཐམས་ཅད་ཀྱིས་མ་བསྒྲུབས་པ། མ་བསྐྱེད་པ་སྣ་ཚོགས་སུ་བསྐྱེད་པ་དང་།། རྣམ་པ་གཅིག་མ་ཡིན་པ་དང་། རྣམ་པ་མང་པོ་མ་ཡིན་པ་དང་། ། སྨྲ་བ་ཐམས་ཅད་བརྗོད་དུ་མེད་པའི་དམ་པའི་ཕ་རོལ་ཏུ་ཕྱིན་པ་བརྙེས་པ། ཀུན་ཏུ་མི་རྟོགས་པའི་ཡུལ་མངོན་པར་འདུ་མི་བྱེད་པ་དང་ལྡན་པ། རྟོག་པ་དང་། ཀུན་ཏུ་རྟོག་པ་དང་། ཡོངས་སུ་རྟོག་པ་ཐམས་ཅད་འགགས་པ། ·སྨྲ་བོ་ཐམས་ཅད་ལ་མི་གནས་པ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཐབས་ལ་མཁས་པ་དགུའོ། ། 10. གཟུགས་ཀྱི་ཆོས་ཐམས་ཅད་མ་སྐྱེས་པར་མཁྱེན་ཏེ། ཚོར་བ་མ་ཡིན། སྤྲོས་པ་མ་ཡིན། གྲངས་མ་ཡིན། འདུ་ཤེས་ཀྱི་སྤྱོད་པ་མ་ཡིན། འདུ་བྱེད་མ་ཡིན། ལེན་པ་མ་ཡིན། རྣམ་པར་ཤེས་པ་མ་ཡིན་ཏེ། རང་བཞིན་གྱིས་ཞི་བར་རབ་ཏུ་མཁྱེན། སྐྱེ་མཆེད་མེད་པར་འཇུག་པ་དང་། ཆོས་ཀྱི་དབྱིངས་མི་དམིགས་པ་དང་། ཆོས་ཐམས་ཅད་མི་འཇིགས་པ་དང་། ཆོས་ཐམས་ཅད་ལྡང་བ་མེད་དོ། ། རང་བཞིན་གྱིས་ནམ་མཁའ་དང་མཉམ་པ། ཆོས་ཐམས་ཅད་དབེན་པ། ལས་མ་ཡིན་པ། སྤྱོད་པ་མེད་པ་ལས་བྱུང་བ།། མ་སྐྱེས་པ། མ་བྱུང་བ། ། གྲངས་མེད་པར་རྟོགས་པ། ཡོད་པ་མ་ཡིན་པ། མེད་པ་མ་ཡིན་པ། མ་སྐྱེས་པ། མ་འགགས་པ། ཀུན་ནས་ཉོན་མོངས་པ་མ་ཡིན།། རྣམ་པར་བྱུང་བ་མ་ཡིན། མིང་མེད་པ། གཤའ་མ་མ་ཡིན་པ། མི་གནས་པ། ཡོངས་སུ་མི་གནས་པ། ཡོངས་སུ་སྨིན་པ་མ་ཡིན་པ། དུལ་བ་མ་ཡིན་པ། སེམས་ཅན་མེད་པ། སེམས་ཅན་མེད་པ་མ་ཡིན་པ། སྲོག་མེད་པ། སྲོག་མེད་པ་མ་ཡིན་པ། རྐྱེན་མེད་པ། རྐྱེན་མེད་པ་མ་ཡིན་པ། རྐྱེན་དང་། འདུ་བ་མེད་པ་མ་ཡིན་པར་ཆོས་ཐམས་ཅད་མཁྱེན་ཏེ། ཆོས་ཐམས་ཅད་ཀྱི་དབྱིངས་སྟོན་པའི་དམ་པའི་ཕ་རོལ་ཏུ་ཕྱིན་པ་བརྙེས་པ། ཚོགས་གསུམ་པ་རྣམ་པར་གནས་པས་ངེས་པ་དང་། མ་ངེས་པ་དང་། ལོག་ – པར་ངེས་པ་དང་། མ་ངེས་པ་དང་། དེ་བཞིན་གཤེགས་པའི་སྟོབས་བཅུ་དང་། ཐམས་ཅད་མཁྱེན་པའི་ཡེ་ཤེས་དང་། མི་འཇིགས་པ་བཞི་རྣམ་པར་དག་པ་དང་། སངས་རྒྱས་ཀྱི་ཡུལ་ཆེན་པོ་སྟེ། འདི་ནི་སངས་རྒྱས་བཅོམ་ལྡན་འདས་，་རྣམས་ཀྱི་སངས་རྒྱས་ཀྱི་ཐབས་ལ་མཁས་པ་བཅུའོ། །
Tibetan Source	《མདོ་བ་པ་》ཤ་269བ་3ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number