9824

Tibetan	བསམ་གྱིས་མི་ཁྱབ་པ་ཉིད་བཅུ།
Tibetan Alternate
Tibetan Definition	དེ་ཡང་། ཕལ་ཆེན་ལེའུ་ཞེ་གསུམ་པ་དེ་བཞིན་གཤེགས་པ་སྐྱེ་བ་འབྱུང་བ་བསྟན་པ་ལས་བྱུང་བ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་བསམ་གྱིས་མི་ཁྱབ་པ་ཉིད་བཅུ་སྟེ། 1. འདི་ལྟར་དགེ་བའི་རྩ་བ་ཐམས་ཅད་ལ་བསམ་གྱིས་མི་ཁྱབ་པ་ཡིན། 2. སྨོན་ལམ་ཐམས་ཅད་ལ་བསམ་གྱིས་མི་ཁྱབ་པ་ཡིན། 3. ཆོས་ཐམས་ཅད་སྒྱུ་མ་ལྟ་བུར་འཇུག་པ་ལ་བསམ་གྱིས་མི་ཁྱབ་པ་ཡིན། 4. བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ།བྱང་ཆུབ་ཏུ་སེམས་བསྐྱེད་པ་ལ་གནས་པའི་དགེ་བའི་རྩ་བ་ཆུད་མི་ཟ་ཞིང་རྟོག་པ་མེད་པ་དང་། རྣམ་པར་རྟོག་པ་མེད་པ་ལ་བསམ་གྱིས་མི་ཁྱབ་པ་ཡིན། 5. གཞན་ཡང་བྱང་ཆུབ་སེམས་དཔའ་ཟབ་མོའི་ཆོས་ཐམས་ཅད་ལའང་རབ་ཏུ་འཇུག་པ་སྨོན་ལམ་ཐམས་ཅད་ཡོངས་སུ་རྫོགས་ཀྱི་བར་དུ་ཡོངས་སུ་མྱ་ངན་ལས་ཀྱང་མི་འདའ་བ་འདི་ནི་བསམ་གྱིས་མི་ཁྱབ་པ་ལྔ་པའོ། ། 6. གཞན་ཡང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ༔ མངལ་དུ་འགྲོ་བ་དང་། སྐྱེ་བ་དང་། གོམ་པ་བདུན་དུ་འགྲོ་བ་དང་། བཙུན་མོའི་འཁོར་གྱི་ནང་ན་གནས་པ་དང་། མངོན་པར་འབྱུང་བ་དང་། དཀའ་བ་སྤྱོད་པའི་སྦྱོར་བ་དང་། སྙིང་པོ་བྱང་ཆུབ་ཏུ་འགྲོ་བ་དང་། བདུད་འདུལ་བ་དང་། རྣམ་པར་འ་ཚང་རྒྱ་བ་དང་། ཆོས་ཀྱི་འཁོར་ལོ་བསྐོར་བ་དང་། ཡོངས་སུ་མྱ་ངན་ལས་འདའ་བ་དང་། སངས་རྒྱས་ཀྱི་རྣམ་པར་འཕྲུལ་པའི་བྱིན་གྱི་རླབས་ཐམས་ཅད་ཡོངས་སུ་སྟོན་ཅིང་། སྙིང་རྗེ་ཆེན་པོ་དང་། འགྲོ་བ་ཐམས་ཅད་ཡོངས་སུ་སྐྱོབ་པའི་སྨོན་ལམ་གྱི་བར་གྱིས་ཡོངས་སུ་རྒྱུན་མི་གཅོད་པ་འདི་ནི་བསམ་གྱིས་མི་ཁྱུབ་པ་དྲུག་པའོ། ། 7. གཞན་ཡང་བྱང་ཆུབ་སེམས་དཔའ་ཆོས་ཀྱི་དབྱིངས་ཀྱིས་ཀླས་པར་སེམས་བསྐྱད་པས། དེ་བཞིན་གཤེགས་པའི་སྟོབས་བཅུ་དང་། བྱིན་གྱི་རླབས་ཀྱང་ཡང་དག་པར་སྟོན་ལ། སེམས་ཅན་ཡོངས་སུ་སྨིན་པར་བྱ་བ་ཡང་རྒྱུན་མི་གཅོད་པ་འདི་ནི་བསམ་གྱིས་མི་ཁྱབ་པ་བདུན་པའོ། ། 8. གཞན་ཡང་བྱང་ཆུབ་སེམས་དཔའ་ཆོས་ཐམས་ཅད་མཚན་མ་མེད་པ་ལ་མཚན་མ་ཡོད་པར་འཇུག ། མཚན་མ་ཡོད་པ་ལ་མཚན་མ་མེད་པར་འཇུག ། རྟོག་པ་མེད་པ་ལ་རྟོག་པ་ཡོད་པར་སྟོན། རྟོག་པ་ཡོད་པ་ལ་རྟོག་པ་མེད་པར་སྟོན། དངོས་པོ་མེད་པ་ལ་དངོས་པོ་ཡོད་པར་འཇུག ། དངོས་པོ་ཡོད་པ་ལ་དངོས་པོ་མེད་པར་འཇུག ། མངོན་པར་འདུ་བྱེད་པ་ལ་མངོན་པར་འདུ་བྱ་བ་མེད་པར་སྟོན། མངོན་པར་འདུ་བྱ་བ་མེད་པ་ལ་མངོན་པར་འདུ་བྱ་བ་ཡོད་པར་སྟོན། ཆོས་ཐམས་ཅད་བརྗོད་དུ་མེད་པ་ལ་བརྗོད་དུ་ཡོད་པར་ཤེས། འདི་ནི་བསམ་གྱིས་མི་ཁྱབ་པ་བརྒྱད་པའོ། ། 9. གཞན་ཡང་བྱང་ཆུབ་སེམས་དཔའ་བྱང་ཆུབ་ཀྱང་སེམས་དང་མཉམ་པར་ཤེས་ལ། སེམས་ཀྱང་བྱང་ཆུབ་དང་མཉམ་པར་ཤེས་ཏེ། འགྲོ་བ་ཐམས་ཅད་ཀྱང་སེམས་དང་བྱང་ཆུབ་ཏུ་ཤེས་མོད་ཀྱི། དེའི་སེམས་ཕྱིན་ཅི་ལོག་ཏུ་འགྱུར་བ་མེད། འདུ་ཤེས་ཕྱིན་ཅི་ལོག་ཏུ་འགྱུར་བ་མེད། ལྟ་བ་ཕྱིན་ཅི་ལོག་ཏུ་འགྱུར་བ་མེད་དེ། འདི་ནི་བསམ་གྱིས་མི་ཁྱབ་པ་དགུ་པའོ།། 10. གཞན་ཡང་བྱང་ཆུབ་སེམས་དཔའ་སེམས་ཀྱི་སྐད་ཅིག་རེ་རེ་ཞིང་འགོག་པ་པ་ལ་སྙོམས་པར་འཇུག་ཀྱང་། ཡང་དག་པའི་མཐའ་མངོན་དུ་མི་བྱེད། ཟག་པ་ཟད་པ་ཡིན་ཡང་དགེ་བའི་རྩ་བ་ཟག་པ་ཟད་པར་མི་བྱེད། ཆོས་ས་ཐམས་ཅད་ཟུག་པ་མེད་པར་ཡང་ཤེས། ཟག་པ་ཟད་པར་ཡང་ཤེས། ཟག་པ་འགག་པར་ཡང་ཤེས་ཤིང་། སངས་རྒྱས་ཀྱི་ཆོས་ལ་འཇིག་རྟེན་གྱི་ཆོས་སུ་འཇུག་སྟེ། འཇིག་རྟེན་གྱི་ཆོས་ལ་སངས་རྒྱས་ཀྱི་ཆོས་སུ་འཇུག་ཀྱང་། སངས་རྒྱས་ཀྱི་ཆོས་ཀྱིས་འཇིག་རྟེན་གྱི་ཆོས་ལ་རྣམ་པར་མི་རྟོག འཇིག་རྟེན་གྱི་ཆོས་ཀྱིས་སངས་རྒྱས་ཀྱི་ཆོས་ལ་རྣམ་པར་མི་རྟོག ཆོས་ཐམས་ཅད་གཟུང་བ་མེད་པའི་ཚུལ་དུ་ཆོས་ཀྱི་དབྱིངས་སུ་འཛུད་ལ། ཆོས་ཐམས་ཅད་འགྱུར་བ་མེད་པའི་ཚུལ་གྱིས་གཉིས་སུ་མེད་པར་ཡང་ཤེས་པ་འདི་ནི། བསམ་གྱིས་མི་ཁྱབ་པ་བཅུ་པའོ། །
Tibetan Source	《ཕལ་ཆེན་ང་པ་》ཤ་231བ་4ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number