9866

Tibetan	ལྷག་པའི་བསམ་པ་རི་བོ་ལྟ་བུ་བཅུ།
Tibetan Alternate
Tibetan Definition	འདི་ལ་ཁག་གཉིས་ཡོད་པ་སྟེ། ཁག་དང་པོ། ཕལ་ཆེན་ལེའུ་ཞེ་གསུམ་པ་དེ་བཞིན་གཤེགས་པ་སྐྱེ་བ་འབྱུང་བ་བསྟན་པ་ལས་བྱུང་བ་བྱང་ཆུབ་སེམས་དཔའ་སེམས་ས་དཔའ་ཆེན་པོ་རྣམས་ཀྱི་ལྷག་པའི་བསམ་པ་རི་བོ་ལྟ་བུ་བཅུ་སྟེ། 1. འདི་ལ་བྱང་ཆུབ་སེམས་དཔའ་ཐམས་ཅད་མཁྱེན་པའི་ཆོས་ཡིད་ལ་བྱ་བས་རྟག་ཏུ་རྒྱུན་མི་འཆད་པར་བརྩོན་པ་ཡིན་ཏེ། འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལྷག་པའི་བསམ་པ་རི་བོ་ལྟ་བུ་དང་པོའོ། ། 2. གཞན་ཡང་བྱང་ཆུབ་སེམས་དཔའ་ཆོས་ཐམས་ཅད་མི་དམིགས་པས། ཆོས་ཐམས་ཅད་ལ་རང་བཞིན་གྱིས་སྟོང་པར་རྣམ་པར་ལྟ་བ་འདི་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལྷག་པའི་བསམ་པ་རི་བོ་ལྟ་བུ་གཉིས་པའོ།། 3. ཞན་ཡང་བྱང་ཆུབ་སེམས་དཔའ་བསྐལ་པ་མཐའ་དང་དབུས་མེད་པར་ཆོས་དཀར་པོ་ཐམས་ཅད་ཀྱི་སྤྱོད་པ་དང་ལྡན་པའི་སེམས་བསྐྱེད་པས། བྱང་ཆུབ་སེམས་དཔའི་སྤྱད་པ་སྤྱོད་ཅིང་། ཆོས་དཀར་པོ་ཡང་དག་པར་བླངས་པ་ཐམས་ཅད་ལ་ནན་ཏན་དུ་བྱེད་པས། དེ་བཞིན་གཤེགས་པའི་ཡེ་ཤེས་ཚད་མེད་པ་ཡང་ཁོང་དུ་ཆུད་པར་བྱེད་པ་འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལྷག་པའི་བསམ་པ་རི་པོ་ལྟ་བུ་གསུམ་པའོ། ། 4. གཞན་ཡང་བྱང་ཆུབ་སེམས་དཔའ་སངས་རྒྱས་ཀྱི་ཆོས་ཐམས་ཅད་ཀྱིས། དགེ་བའི་བཤེས་གཉེན་ལ་ཚུལ་དང་འདྲ་བའི་རིམ་གྲོ་བྱེད་ཅིང་། རེ་བ་མེད་པའི་སེམས་བསྐྱེད་པ་ཆོས་རྐུ་བ་དང་བྲལ་བས་ནན་ཏན་དུ་བྱེད་དེ། གཞན་དུ་ན་འདི་ལ། བདག་གིས་དེ་བས་ཀྱང་རིམ་གྲོ་དང་། བཀུར་སྟི་རྒྱ་ཆེན་པོ་བསྐྱེད་པར་བྱའོ། ། འདི་ལ་ཡོངས་སུ་བཏང་བ་ཐམས་ཅད་ཀྱང་དབུལ་བར་བྱའོ་སྙམ་པ་འདི་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལྷག་པའི་བསམ་པ་རི་བོ་ལྟ་བུ་བཞི་པའོ། ། 5. གཞན་ཡང་བྱང་ཆུབ་སེམས་དཔོའི་སེམས་ཅན་ཐམས་ཅད་ལས་སྡུག་བསྔལ་གྱི་རྣམ་པ་བཟོད་པར་བྱེད་དེ། ལུས་ལ་གནོད་པ་དང་། སྲོག་ལ་འབབ་པ་ཡང་ཉམས་སུ་ལེན་ཅིང་། གཤེ་བ་དང་། མི་སྙན་དུ་ ཟེར་བ་དང་། སྡིགས་པ་དང་། སྨོད་པ་དང་། ཁྱད་དུ་གསོད་པ་ཐམས་ཅད་ལ་བཟོད་པར་བྱེད་དེ། དེའི་རྒྱུས་ཉམས་པར་མི་འགྱུར། འཁྲུལ་པར་མི་འགྱུར། འཁྲུག་པ་དང་། རྣམ་པར་འཁྲུག་པར་མི་བྱེད་དེ། དེའི་རྒྱུས་སེམས་ཅན་རྣམས་ལ་སྙིང་རྗེ་ཆེན་པོའི་གོ་བགོས་པ་ཡང་ཡོངས་སུ་མི་འདོར། རྒྱུན་མི་གཅོད་ཅིང་དེ་བས་ཀྱང་ཤས་ཆེར་སྙིང་རྗེ་ཆེན་པོ་རྣམ་པར་འཕེལ་བར་བྱེད་དོ། ། རྒྱུན་མི་གཅོད་དོ། ། དེ་ཅིའི་ཕྱིར་ཞེ་ན། དེ་ནི་བྱང་ཆུབ་སེམས་དཔའ་དེ་ཆོས་ཐམས་ཅད་ཡང་དག་པར་ཇི་ལྟ་བ་བཞིན་དུ་འབྱུང་བའི་བཏང་སྙོམས་དང་། དེ་བཞིན་གཤེགས་པའི་ཆོས་ཐམས་ཅད་རབ་ཏུ་རྟོགས་པའི་བཟོད་པ་དང་། དེས་པའི་དབང་དང་ལྡན་པའི་ཕྱིར་ཏེ། འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལྷག་པའི་བསམ་པ་རི་བོ་ལྟ་བུ་ལྔ་པའོ། ། 6. གཞན་ཡང་བྱང་ཆུབ་སེམས་དཔའ་བསོད་ནམས་ཀྱིས་དབང་བསྒྱུར་བ་ཆེན་པོ་དང་ལྡན་པ་ཡང་ཡིན་ཏེ། ལྷ་ལ་དབང་བསྒྱུར་བ་དང་། མི་ལ་དབང་བསྒྱུར་བ་དང་། གཟུགས་ལ་དབང་བསྒྱུར་བ་དང་། སྟོབས་ལ་དབང་བསྒྱུར་བ་དང་། འཁོར་ལ་དབང་བསྒྱུར་བ་དང་་འདོད་པ་ལ་དབང་བསྒྱུར་བ་དང་། རྒྱལ་སྲིད་ལ་དབང་བསྒྱུར་བ་དང་། དབང་ཕྱུག་ལ་དབང་བསྒྱུར་བ་དང་། ཡོན་ཏན་ལ་དབང་བསྒྱུར་བ་དང་། ཤེས་རབ་ལ་དབང་བསྒྱུར་བ་ཆེན་པོ་དང་ལྡན་པ་ཡིན་ཏེ། དེ་རྒྱལ་སྲིད་ཀྱི་བདེ་བའི་དབང་ དུ་མི་འགྱུར། འདོད་པའི་བདེ་བའི་དབང་དུ་མི་འགྱུར། ལོངས་སྤྱོད་ཀྱི་བདེ་བའི་དབང་དུ་མི་འགྱུར། འཁོར་གྱི་བདེ་བའི་དབང་དུ་མི་འགྱུར་ཏེ། གཞན་དུ་ནི་ཆོས་འདོད་པའི་ཆོས་ལ་གཞོལ་བ། ཆོས་ལ་འབབ་པ། ་ཆོས་ལ་བབ་པོ། ཆོས་ཀྱི་མཐར་ཐུག་པ། ཆོས་ལ་བརྟེན་པ། ཆོས་ལ་སྐྱོབས་ཚོལ་བ། ཆོས་ལ་དཔུང་གཉེན་ཚོལ་བ་དང་། ཆོས་ལ་གནས་པ། ཆོས་ལ་དོན་དུ་གཉེར་བ། ཆོས་ལ་མངོན་པར་དགའ་བ། ཆོས་ལ་ཚོལ་བ་ཡིན་ཏེ། ཆོས་ཉིད་ལ་བསམ་གཏན་འཆའ་ཞིང་གནས་པ་ཡིན་ཏེ། རྣམ་པ་དེ་ལྟ་བུའི་བདེ་བའི་བྱེ་བྲག་དང་འགྲོགས་པས། བདུད་ཀྱི་ཡུལ་ལ་གནས་པ་མ་ཡིན། དེ་ཡང་ཅིའི་ཕྱིར་ཞེ་ན། དེ་ནི་བྱང་ཆུབ་སེམས་དཔས་སྔོན་སེམས་ཅན་ཐམས་ཅད་བདག་གིས་བདུད་ཀྱི་ཡུལ་ལས་རྣམ་པར་བཟློག་པར་བྱའོ། ། སངས་རྒྱས་ཀྱི་ཡུལ་ལ་དགོད་པར་བྱའོ་ཞེས་སེམས་བསྐྱེད་པའི་ཕྱིར་ཏེ། འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལྷག་པའི་བསམ་པ་རི་བོ་དྲུག་པའོ། ། 7. གཞན་ཡང་བྱང་ཆུབ་སེམས་དཔའ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བརྩོན་འགྲུས་འདི་ལྟ་བུར་བརྩམས་ཏེ། བསྐལ་པ་གྲངས་མེད་པར་བྱང་ཆུབ་སེམས་དཔའི་སྤྱད་པ་སྤྱོད་ཀྱང་། དེ་རིང་ཁོ་ནར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་གཟོད་ཞུགས་པ་ཙམ་དུ་འཛིན་ཏེ། བྱང་ཆུབ་སེམས་དཔའི་སྤྱོད་པས་མི་འ་པོ་འཇིགས། མི་སྐྲག སྐྲག་པར་མི་འགྱུར་ཞིང། མི་འཇིགས་པ་འདི་ལྟ་བུ་དང་ལྡན་པ་ཡིན་ཏེ། དེ་རིང་ཁོ་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འགྱུར་བ་སྙམ་དུ་འཛིན་པས། དེ་ཕྱིན་ཆད་ཀྱང་འདི་ལྟར་སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་ཕྱིར། བསྐལ་པ་ཚད་མེད་པར་བྱང་ཆུབ་སེམས་དཔའི་སྤྱད་པ་སྤྱོད་པ་འདི་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལྷག་པའི་བསམ་པ་རི་བོ་ལྟ་བུ་བདུན་པའོ། ། 8. གཞན་ཡང་བྱང་ཆུབ་སེམས་དཔའ་སེམས་ཅན་ཕ་རོལ་དང་།. གང་ཟག་ཕ་རོལ་ཅང་ཤེས་མ་ཡིན་པ། གདུལ་དཀའ་བ། གསོ་དཀའ་བ། བྱས་པ་མི་གཟོ་བ། བྱས་པ་མི་དྲན་པ་ཤེས་ནས། དེ་དག་རྣམ་པར་བཟློག་པའི་ཕྱིར། གོ་ཆ་ཆེན་པོ་བགོས་ཏེ། སེམས་ཅན་ཐམས་ཅད་ཀྱི་སེམས་ལ་དབང་བསྒྱུར་བ་ཡང་བསམ་པའི་སྤྱོད་ཡུལ་ཇི་ལྟ་བ་བཞིན་དུ་གནས་པ་ཡིན་ཏེ། སེམས་ཅན་འཁུ་བས་སྐྱོ་བར་མི་འགྱུར་ཞིང། སེམས་ཅན་ཕ་རོལ་གྱི་ཉོན་མོངས་པས་ཕྱིར་ལྡོག་པར་མི་འགྱུར་བ་འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལྷག་པའི་བསམ་པ་རི་བོ་ལྟ་བུ་བརྒྱད་པའོ། ། 9. གཞན་ཡང་བྱང་ཆུབ་སེམས་དཔའ་འདི་ལྟ་བུ་ཞིག་བདག་གིས་བྱང་ཆུབ་སེམས་དཔའི་སྤྱོད་པ་ཡང་དག་པར་བསྒྲུབ་པར་འགྱུར། ཞེས་བྱ་བར་སུ་ལའང་སྐྱབས་འབྱེད་པ་མེད་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ། གཞན་དུ་ན་བདག་གཅིག་པུས་ཕྱི་མའི་མཐའི་མུར་ཐུག་པའི་བསྐལ་པར་བྱང་ཆུབ་སེམས་དཔའི་སྤྱོད་པ་སྤྱད་པར་བྱའོ། །རང་གི་རྒྱུད་འདི་ཉིད་ལས་སངས་རྒྱས་ཀྱི་ཆོས་ཐམས་ཅད་ཡང་དག་པོར་བསྒྲུབ་པར་བྱའོ།། སེམས་བསྐྱེད་པ་ལ་རག་ལས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་རྟོགས་པར་བྱ་སྟེ། བྱང་ཆུབ་ཏུ་སེམས་བསྐྱེད་པར་བྱའོ། ། རང་གི་རྒྱུད་རྣམ་པར་སྦྱང་བར་བྱའོ། ། གཞན་གྱི་རྒྱུད་རྣམ་པར་སྦྱང་བར་བྱའོ། ། རང་གི་ཡུལ་ཁོང་དུ་ཆུད་པར་བྱའོ། ། གཞན་གྱི་ཡུལ་ཁོང་དུ་ཆུད་པར་བྱའོ། ། འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་དང་། ཡུལ་གཅིག་ཏུ་འགྱུར་བར་བྱའོ་སྙམ་པ་འདི་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལྷག་པའི་བསམ་པ་རི་བོ་ལྟ་བུ་དགུ་པའོ། ། 10. གཞན་ཡང་བྱང་ཆུབ་སེམས་དཔའ་ནི་ཆོས་ག་བྱང་ཆུབ་སེམས་དཔའི་སྤྱད་པ་སྤྱོད་པ་དེ་ལྟ་བུའི་ཆོས་ཀྱང་རྗེས་སུ་མི་མཐོང་ངོ་། ། ཆོས་གང་བྱུང་ཆུབ་སེམས་དཔའི་པ་གང་སྤྱོད་པ་ཡོངས་སུ་རྫོགས་པར་བྱེད་པ་དེ་ལྟ་བུའི་ཆོས་ཀྱང་རྗེས་སུ་མི་མཐོང་ངོ་། ། ཆོས་གང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་པའམ། འཚང་རྒྱ་བའམ། འཚང་ང་རྒྱ་བར་འགྱུར་བ་དེ་ལྟ་བུའི་ཆེས་ཀྱང་རྗེས་སུ་མི་མཐོང་ངོ་། ། གང་གིས་ཆོས་བསྟན་པ་དང་། སྟོན་པ་དང་། སྟོན་པར་འགྱུར་བ་དེ་ལྟ་བུའི་ཆོས་ཀྱང་རྗེས་སུ་མི་མཐོང་ངོ་། ། དེ་ལ་སྟོན་པར་བྱེད་པ་དེ་ཡང་མི་དམིགས་ལ། ཆོས་ལ། ཆོས་སྟོན་པ་ཉིད་ཀྱང་མི་དམིགས་ཏེ། འོན་ཀྱང་བྱང་ཆུབ་སེམས་དཔའ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་སྨོན་ལམ་ཕྱིར་ཟློག་པར་མི་བྱེད་དོ། །དེ་ཅིའི་ཕྱིར་ཞེ་ན། འདི་ལྟ་སྟེ། ཆོས་ཐམས་ཅད་མི་དམིགས་པའི་སྤྱོད་པས། ཆོས་ཐམས་ཅད་ཡོངས་སུ་བཙལ་བ་དེ་ལྟ་བུས་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འབྱུང་བར་འགྱུར་ཏེ། དེ་ནི་གཉེན་པོ་ཡོངས་སུ་སྦྱང་བ་དང་། ཤེས་རབ་ཡོངས་སུ་རྫོགས་པར་བྱ་བའི་ཕྱིར། ལས་དང་དགེ་བའི་རྩ་བ་དེ་བས་ཀྱང་ཤས་ཆེར་ཡང་དག་པར་སྡུད་དོ། ། དགེ་བའི་ལས་ཐམས་ཅད་ཡང་དག་པར་བསྡུས་པོས་སེམས་ཀྱི་སྐད་ཅིག་རེ་རེ་ཞིང་ཤིན་ཏུ་ཤས་ཆེ་བར་རྣམ་པར་འཕེལ་ཏེ། དེ་ལ་གལ་ཏེ་ཆོས་འདི་དག་ཐམས་ཅད་དེ་ལྟ་བུར་དབེན་ན། བདག་ཀྱང་སུ་ཞིག་གི་ཕྱིར། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཞུགས་སྙམ་པའི་འཇིགས་པ་མེད། སྡང་བ་མེད་དེ། འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལྷག་པའི་བསམ་པ་རི་བོ་ལྟ་བུ་བཅུ་པའོ། ། བཅུ་པོ་དེ་དག་ནི། བྱང་ཆུབ་སེམས་དཔའ་རྣམས་ཀྱི་ལྷག་པའི་བསམ་པ་རི་བོ་ལྟ་བུ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་ཡེ་ཤེས་ཆེན་པོ་ཐུགས་རི་བོའི་རྒྱལ་པོ་ལྟ་བུ་བླ་ན་མེད་པ་འཐོབ་པར་འགྱུར་བ་དག་གོ།
Tibetan Source	《ཕལ་ཆེན་ང་པ་》ཤ་251བ་4ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number