9938

Tibetan	ན་སྒྲ་འཇུག་ཚུལ་བཅུ་གཅིག
Tibetan Alternate
Tibetan Definition	1. གལ་འཛུགས་ཀྱི་དམིགས་ཀྱིས་དགར་བ་ནི། དཔེར་ན་སྐྱེས་བུ་དམ་པ་ཡིན་ངེས་ན་ཡོན་ཏན་ཁྱད་པར་ཅན་དང་ལྡན་པ་ཞིག་ཡིན་དགོས་ཞེས་པ་ལྟ་བུའོ། ། 2. གཞུང་འཛུགས་ཀྱི་དམིགས་ཀྱིས་དགར་བ་ནི། དཔེར་ན། བཤད་དོན་རྣམས་ཧྲིལ་གྱིས་བསྡུ་ན་ཞེས་པ་ལྟ་བུའོ། ། 3. རྒྱུ་མཚན་བསྟན་པ་ནི། དཔེར་ན། རྒྱུ་ཡོད་ན་འབྲས་བུ་ཡོད་ཅེས་པ་ལྟ་བུའོ། ། 4. རྒྱུ་མཚན་དོན་གྱིས་བསྟན་པ་ནི། དཔེར་ན། སྦྱིན་པ་བཏང་བ་མེད་ན་ལོངས་སྤྱོད་ཅི་ལྟར་འབྱུང་ཞེས་པ་ལྟ་བུའོ། ། 5. ཚིག་སྔ་མའི་དོན་ལས་ཕྱི་མས་དོན་གཞན་སྟོན་པ་ནི། དཔེར་ན། སློབ་དཔོན་རྟ་དབྱངས་སྐུ་ཚེ་སྟོད་ལ་མུ་སྟེགས་པ་ཡིན་ན་ཕྱིས་སུ་ནང་པའི་པཎྜི་ཏ་ཆེན་པོར་འགྱུར་ཞེས་པ་ལྟ་བུའོ། ། 6. ཚིག་ཕྱི་མས་ཚིག་སྔ་མའི་དོན་དང་འགལ་བ་སྟོན་པ། དཔེར་ན། བདེ་བ་ཡོད་ན་སྡུག་བསྔལ་མེད། ཅེས་པ་ལྟ་བུའོ། ། 7. དོན་སྔ་ཕྱི་གཉིས་ལས་ཕྱི་མ་མེད་པར་སྟོན་པ། དཔེར་ན། དགེ་སྡིག་གཉིས་སྤྱོད་པ་མེད་ན་བདེ་སྡུག་གཉིས་མྱོང་བ་ཡང་མེད། ཅེས་པ་ལྟ་བུའོ། ། 8. མི་འོས་པའི་ཚིག་གིས་འོས་པ་སྟོན་པ། དཔེར་ན། རིག་གནས་མཁས་པ་རྣམས་སུམ་རྟགས་ལ་མགོ་རྨོངས་ན་མ་བསླབ་པའི་གསར་བུ་པ་རྣམས་སྨོས་ཅི་དགོས་ཞེས་པ་ལྟ་བུའོ། ། 9. འོས་པའི་ཚིག་གིས་མི་འོས་པ་སྟོན་པ། དཔེར་ན། དབུལ་པོ་རྣམས་ནོར་ལོངས་སྤྱོད་འབད་རྩོལ་གྱིས་སྒྲུབ་ན་འབྱོར་ལྡན་རྣམས་ཀྱང་བུན་སྐྱེད་ཀྱིས་སྒྲུབ་པར་བྱེད་ཅེས་པ་ལྟ་བུའོ། ། 10. སྨོན་པའི་དོན་སྟོན་པ། དཔེར་ན། མ་རྒན་སེམས་ཙན་རྣམས་སངས་སངས་རྒྱས་ཀྱི་གོ་འཕང་ཐོབ་ན་ཅི་མ་རུང་ཞེས་པ་ལྟ་བུའོ། ། 11. ཐེ་ཚོམ་གྱི་གཞི་སྟོན་པ་ནི། དཔེར་ན། རྒྱལ་པོ་ལ་དགོས་དོན་ཞུ་ན་འདོད་པའི་རེ་བ་འགྲུབ་བམ་མི་འགྲུབ་ཅེས་པ་ལྟ་བུའོ། །
Tibetan Source	《གསེར་ཏོག་སུམ་རྟགས་》དེབ་ཤ་280.1ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number