9960

Tibetan	དབང་བསྐུར་གཞིའི་དཀྱིལ་འཁོར་བརྒྱད་ནས་གཉིས་བར་བརྡབ་པ་དང་བཅས་ཚན་པ་བཅུ་གཅིག
Tibetan Alternate
Tibetan Definition	1. ཀླུའི་བྱང་ཆུབ་ཀྱིས་བརྒྱད་དུ་གསུངས་པ་ནི། བླ་མའི་དོན་ཀུན་བསྒྲུབ་པའི་ཕྱིར། ། དཀྱིལ་འཁོར་རྣམ་བརྒྱད་བྲི་བར་བྱ། ། རིན་ཆེན་དེ་བཞིན་ས་བོན་དང་། ། མེ་ཏོག་ཚོན་དང་དེ་བཞིན་དུ། ། ཕྱེ་མ་གཡོ་དང་ཕྱེ་མ་དང་། ། དེ་བཞིན་ཡིད་ཀྱི་དཀྱིལ་འཁོར་བདེན། །ཞེས་སོ། །(སྐབས་འདིར་རྣམ་གྲངས་རེ་རེ་དབྱེ་མ་ཤེས་པས་གཞུང་ཚིག་ཇི་བཞིན་དུ་བཀོད་པ་ལགས་) 2. འཕགས་ཡུལ་གྱི་ཤིང་རྟ་ཆེན་པོ་འགའ་ཞིག་གིས་བདུན་དུ་གསུངས་པ་ནི། (1)རས་བྲིས། (2)རྡུལ་ཚོན། (3)བསམ་གཏན། (4)ལུས་དཀྱིལ། (5)བྷ་ག (6)ཀུན་རྫོབ་བྱང་ཆུབ་ཀྱི་སེམས། (7)དོན་དམ་བྱང་ཆུབ་ཀྱི་སེམས་ཀྱི་དཀྱིལ་འཁོར་དང་བདུན་ནོ། ། 3. མངོན་བརྗོད་བླ་མ་ལས་དྲུག་ཏུ་གསུངས་པ་ནི། (1)ཡི་གེའི་དཀྱིལ་འཁོར། (2)མཚན་མའི་དཀྱིལ་འཁོར། (3)ལག་པའི་ཕྱག་རྒྱ། (4)གཟུགས་བརྙན་དགོད་པ། (5)མེ་ཏོག་བཀྲམ་པ། (6)ཚོགས་ཀྱི་དཀྱིལ་འཁོར་དང་དྲུག་གོ ། ཡོང་ན་དེ་ཉིད་ལས། (1)ཡེ་ཤེས་ཀྱི་དཀྱིལ་འཁོར། (2) སྤྲུལ་པའི་དཀྱིལ་འཁོར། (3)ཏིང་ངེ་འཛིན་གྱི་དཀྱིལ་འཁོར། (4)རྡུལ་ཚོན་གྱི་དཀྱིལ་འཁོར། (5)རས་བྲིས་ཀྱི་དཀྱིལ་འཁོར། (6)ལུས་ཀྱི་དཀྱིལ་འཁོར་དང་དྲུག་གོ ། 4. ཤིན་ཏུ་ཟབ་པའི་མན་ངག་ལས་དཀྱིལ་འཁོར་ལྔར་གསུངས་པ་ནི། (1)ཕྱི་དབྱིབས་རྡུལ་ཚོན། (2)ལུས། (3)བྷ་ག (4)བྱང་ཆུབ་ཀྱི་སེམས། (5)སྙིང་པོ་ཡེ་ཤེས་རླུང་གི་དཀྱིལ་འཁོར་དང་ལྔའོ། ། ཡང་དེ་ཉིད་ལས་རྣམ་པ་བཞིར་གསུངས་པ་ནི། (1)རྡུལ་ཚོན། (2)རས་བྲིས། (3)ཡིད་དཀྱིལ། (4)ལུས་དཀྱིལ་དང་བཞིའོ། ། 5. མན་ངག་ཐུན་མོང་མ་ཡིན་པ་ལས་བཞི་ཚན་གཉིས་སུ་གསུངས་པ་ནི། གང་ལས་ལེན་པའི་སྐུར་བྱེད་ཀྱི་དཀྱིལ་འཁོར་བཞི། གང་དུ་བསྐུར་བ་སྦྱང་གཞིའི་དཀྱིལ་འཁོར་བཞི་སྟེ་ཚན་པ་གཉིས་སུ་གསུངས་པ་སྟེ། (1)གང་ལས་ལེན་པའི་སྐུར་བྱེད་ཀྱི་དཀྱིལ་འཁོར་བཞི་ནི། [1]ཕྱི་དབྱིབས་རྡུལ་ཚོན་གྱི་དཀྱིལ་འཁོར། [2]རྫས་གསང་བ་བྱང་ཆུབ་ཀྱི་སེམས་ཀྱི་དཀྱིལ་འཁོར། [3]ཕྱག་རྒྱ་བྷ་གའི་དཀྱིལ་འཁོར། [4] དོན་དམ་བྱང་ཆུབ་སེམས་ཀྱི་དཀྱིལ་འཁོར་དང་བཞིའོ། ། (2)གང་དུ་བསྐུར་བ་སྦྱང་གཞིའི་དཀྱིལ་འཁོར་བཞི་སྟེ། [1]སློབ་མའི་ལུས་རྩ། [2]ཡི་གེ་བྷ་ག [3]ཁམས་བདུད་རྩི། [4]སྙིང་པོ་ཡེ་ཤེས་རླུང་གི་དཀྱིལ་འཁོར་དང་བཞིའོ། ། 6. དུས་འཁོར་སོགས་ལས་བཞིར་གསུངས་པ་ནི། མཆོག་དབང་གསུམ་དང་། འཇིག་རྟེན་པའི་རྡུལ་ཚོན་དང་བཞིའོ། ། 7. དྲིལ་བུ་པས་གསུམ་དུ་གསུངས་པ་ནི། (1)དབང་རྟུལ་ལ་རས་བྲིས། (2)དབང་འབྲིང་ལ་རྡུལ་ཚོན། (3)དབང་རྣོན་ལ་ལུས་དཀྱིལ་དུ་གསུངས་པ་དང་གསུམ་མོ། ། 7. འདུས་པ་དང་ཁ་སྦྱོར་གྱི་རྒྱུད་ཕྱི་མ་ལས་གསུམ་དུ་གསུངས་པ་ནི། (1)ལུས་དཀྱིལ། (2)བྷ་ག (3)བྱང་ཆུབ་སེམས་ཀྱི་དཀྱིལ་འཁོར་གསུམ་དུ་གསུངས་པ་ཁ་ཅིག་གསང་བ་ཆོས་དཀྱིལ་གསུམ་ཞེས་ཐ་བསྙད་བཏགས་པར་མཛད་པ། 8. སློབ་དཔོན་སངས་རྒྱས་གསང་བས་གསུམ་དུ་གསུངས་པ་ནི། (1)རང་བཞིན་གྱི་དཀྱིལ་འཁོར། (2)ཏིང་ངེ་འཛིན་གྱི་དཀྱིལ་འཁོར། (3)གཟུགས་བརྙན་གྱི་དཀྱིལ་འཁོར་དང་གསུམ་མོ། ། 9. ར་ལི་སྐུ་གསུང་ཐུགས་ཀྱི་རྒྱུད་ལས་གསུམ་དུ་གསུངས་པ་ནི། (1)ཏིང་འཛིན་གྱི་དཀྱིལ་འཁོར། (2)མེ་ཏོག་ཚོམ་བུ། (3)རྡུལ་ཚོན་གྱི་དཀྱིལ་འཁོར་དང་གསུམ་མོ། ། 10. སམྦུ་ཊི་ལས་གཉིས་སུ་གསུངས་པ་ནི། (1)བཅོས་མ་ཕྱི་དཀྱིལ། (2)གྲུབ་པ་ནང་དཀྱིལ་དང་གཉིས་སོ། ། 11. རིམ་ལྔ་ལས་གཉིས་སུ་གསུངས་པ་ནི། (1)བསྐྱེད་པའི་རིམ་པའི་སློབ་དཔོན་ལ་རྡུལ་ཚོན། (2) རྫོགས་པའི་རིམ་པའི་སློབ་དཔོན་ལ་སྒྱུ་མའི་དཀྱིལ་འཁོར་དང་གཉིས་སོ། །
Tibetan Source	《ཤེས་བྱ་ཀུན་ཁྱབ་》དེབ་བར་ཆ་ཤ་660.18ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number