From Rangjung Yeshe Wiki - Dharma Dictionary
Jump to navigation
Jump to search
| རྣམ་སྣང་གངས་ཅན་མཚོ
|
| Tibetan Definition
|
1 (ལོངས་སྐུ་དངོས) འདི་ལ་ལོངས་སྐུ་དང་སྤྲུལ་སྐུའི་རྣམ་པ་ཅན་གཉིས་ཡོད་ཀྱང་། ལོངས་སྐུའི་ཆ་བྱད་ཅན་དེ་གྲགས་ཆེ། ལོངས་སྐུ་ལའང་དངོས་དང་དེའི་རྟེན་གཉིས་ལས། དང་པོ་དངོས་ནི། བདག་ཅག་གི་སྟོན་པ་ཤཱཀྱ་ཐུབ་པ་སྔོན་བསྐལ་པ་དཔག་ཏུ་མེད་པའི་སྔ་རོལ་ནས་བསྐལ་ཆེན་གྲངས་མེད་གསུམ་གྱི་ཚོགས་རྫོགས་ནས། གཞི་དང་སྙིང་པོ་མེ་ཏོག་གིས་བརྒྱན་པའི་འོག་མིན་སྟུག་པོ་བཀོད་པའི་ཞིང་དུ་ལོངས་སྐུའི་ངོ་བོར་དང་པོར་སངས་རྒྱས་པའི་སངས་རྒྱས་ལ། ཐུབ་པ་རྣམ་སྣང་གངས་ཆེན་མཚོ་ཟེར། འདིའི་ཁུངས་ནི། མདོ་སྡེ་ཕལ་མོ་ཆེ་ལས་གསུངས་པར་བཤད། རྣམ་སྣང་གངས་ཅན་མཚོ་ཞེས་བྱ་བ་སྐུ་མདོག་མཐིང་ག་ཕྱག་གཉིས་མཉམ་བཞག་མཛད་ཅིང་དབུ་ལ་ཟླ་བས་བརྒྱན་པའི་ལོངས་སྐུ་ཞིག འདི་རྣམ་སྣང་མངོན་བྱང་གི་རྒྱུད་གསུང་བ་པོ་ཡིན་ཞེས་ལྕང་སྐྱ་རོལ་པའི་རྡོ་རྗེ་གསུང༌། རྣམ་སྣང་གངས་ཅན་མཚོ་ཞེས་པ་ལོངས་སྐུ་དངོས་དང་དེའི་རྟེན་སྐུ་ངོ་མཚར་ཅན་ཞིག་ཡོད་པ་གཉིས་ཀ་ལ་གོ
|