From Rangjung Yeshe Wiki - Dharma Dictionary
Jump to navigation
Jump to search
| རྨ་སྒོ
|
| Tibetan Definition
|
(འདུལ་བ) ཁ་དང་རྐུབ་མོ་མཚན་གསུམ་གྱི་སྤྱི་མིང་། སྒྲ་བཤད་ནི། རྨ་ནི་སྐབས་འདིར་སྐྱོན་ནམ་མི་གཙང་བའི་དོན་ཡིན་པས། མི་གཙང་བ་འབབ་པའི་སྒོའམ་ལམ་ཡིན་པས་ན་དེ་སྐད་ཅེས་བརྗོད་དོ། །རྨ་ཞེས་པ་སྐྱོན་ལ་འཇུག་ཚུལ་ནི། རྣམ་བཤད་ཐར་ལམ་གསལ་བྱེད་ལས། དེས་ན་ཕ་གི་ན་དུ་བ་འདུག་པས་མེ་འདུག་སྙམ་ཡང་རྟགས་སུ་ནི་དུ་བ་ཉིད་སོང་བ་སྡེ་བདུན་གྱི་དགེངས་པ་རྨ་མེད་པའོ། །ཞེས་གསུངས་པ་ལྟ་བུའོ། །དེ་གསུམ་རྨ་སྒོ་ཞེས་བཏགས་པའི་རྒྱུ་མཚན་ནི། རབ་ཏུ་བྱུང་བ་རྣམས་དེ་དག་ལ་ཆགས་པ་སྤོང་བའི་ཆེད་དུ་ཡིན་ནོ། །རིན་ཆེན་ཕྲེང་བ་༼ གེ ༽༡༡༢བ༤ལས། ལུས་ཀྱི་གྲོང་ཁྱེར་མི་གཙང་བ། །འབྱུང་བའི་བུ་ག་དོད་པ་གང་། །དེ་ནི་སྐྱེ་བོ་བླུན་པོ་ཡིས། །དགའ་བའི་དོན་དུ་ཉེ་བར་བརྟགས། །ཞེས་གསུངས་སོ། །
|