From Rangjung Yeshe Wiki - Dharma Dictionary
Jump to navigation
Jump to search
| རྩྭ་དུར་བ
|
| Tibetan Definition
|
(འདུལ་བ) རྩྭ་རམ་པ། སྦྱིན་སྲེག་ལ་འབུལ་རྒྱུའི་རྩྭ་དེའོ། །བསམ་གཏན་པ་རྣམས་ཀྱིས་སྟན་འོག་ཏུ་རྩྭ་དུར་བ་འདིང་བའི་དགོས་པ་ནི། བྱང་ཆུབ་སེམས་དཔའ་ (བདག་ཅག་གི་སྟོན་པ) འཚང་རྒྱ་ཁར་རྩྭ་ཚོང་གི་ཁྱེའུ་བཀྲ་ཤིས་ལ། བཀྲ་ཤིས་རྩྭ་ནི་ང་ལ་མྱུར་དུ་བྱིན། །དེ་རིང་ང་ལ་རྩྭ་ནི་དོན་ཆེན་འགྱུར། །དཔུང་དང་བཅས་པའི་བདུད་ནི་བཅོམ་ནས་སུ། །བྱང་ཆུབ་དམ་པ་ཞི་བར་རེག་པར་འགྱུར། །ཞེས་དང་། སྟན་འདིར་བདག་ནི་ལུས་ནི་བསྐམས་ཀྱང་རུང་། །པགས་པ་རུས་པ་ཤ་རྣམས་ཞིག་ཀྱང་རུང་། །བསྐལ་མང་རྙེད་དཀའི་བྱང་ཆུབ་མ་ཐོབ་པར། །སྟན་འདི་ལས་ནི་ལུས་བསྐྱོད་མི་བྱའོ། །ཞེས་གསུངས་ནས་རྩྭ་བཞེས་ཏེ་འདིང་བར་མཛད་ནས་ཡི་དམ་བརྟན་པོས་བྱང་ཆུབ་མངོན་དུ་མཛད་པའི་རྣམ་ཐར་དྲན་པའི་ཆེད་དུ་ཡིན། རྩྭ་འདིང་ཚུལ་ནི། རྩྭའི་རྩེ་མོ་ནང་དང་རྩ་བ་ཕྱིར་བསྟན་ནས་དགྲམ་མོ། །
|