From Rangjung Yeshe Wiki - Dharma Dictionary
Jump to navigation
Jump to search
| རླུང་དེ་གཙོ་བོར་བྱེད་པའི་རྒྱུ་མཚན
|
| Tibetan Definition
|
སྔགས་ཀྱི་སྐབས་སུ་རླུང་དེ་གཙོ་བོར་བྱེད་པའི་རྒྱུ་མཚན་ནི། སྔགས་བླ་མེད་ཀྱི་ལུགས་ལ། ཤེས་པ་ཡིན་ན་དེ་ཡི་བཞོན་པར་གྱུར་པའི་རླུང་ཡོད་པས་ཁྱབ། དེ་ཡི་རྒྱུ་མཚན་གྱིས་མདོ་ཕྱོགས་ཀྱི་སྡེ་སྣོད་གསུམ་དང་བསླབ་པ་གསུམ་པོས། མི་དགེ་བའི་སེམས་དང་ལུང་མ་བསྟན་གྱི་སེམས་རྣམས་བོར། དགེ་བའི་སེམས་ལམ་མ་ཞུགས་ཀྱི་གང་ཟག་ནས་བཟུང་སྟེ། བྱང་ཆུབ་གསུམ་པོ་མ་ཐོབ་བར་དུ། རླུང་དང་དབྱེར་མེད་དུ་འདྲེས་པའི་ཤེས་པ་དེ། དགེ་བའི་ཕྱོགས་སུ་བཀོལ་ཏེ་ཇེ་བཟང་ཇེ་བཟང་ལ་གཏོང་བ་ཡིན། གསང་སྔགས་ཀྱི་རྒྱུ་སྡེ་བཞི་དང་ཁྱད་པར་དུ་ཕ་རྒྱུད་མ་རྒྱུད་འདི། མདོ་ཕྱོགས་ལས་བྱེད་པ་ལྟར་སེམས་ལ་གཙོ་བོར་དགེ་ཕྱོགས་སུ་མི་བཀོལ་བར། སེམས་དེའི་བཞོན་པར་གྱུར་པའི་རླུང་དེ་དགེ་ཕྱོགས་སུ་ཇེ་བཟང་ཇེ་བཟང་ལ་གཏོང་བས། དེ་ཡི་ཞར་ལ་སེམས་དེ་ཡང་ཇེ་བཟང་དུ་མི་འགྲོ་ཀ་མེད་བྱུང་བ་ཡིན་པས། རྒྱུད་སྡེ་བཞི་དང་ཁྱད་པར་དུ་སྔགས་བླ་མེད་ལ་རླུང་དེ་གཙོ་བོར་བྱེད་པའི་དོན་དེ་ཡིན་ནོ། །ཞེས་ཀློང་རྡོལ་བླ་མའི་གསུང་འབུམ་གླེགས་བམ་དང་པོ་༢༦༨ལས་གསུངས་པ་ལྟར་རོ། །
|