From Rangjung Yeshe Wiki - Dharma Dictionary
Jump to navigation
Jump to search
| ལས་བརྒྱ་རྩ་གཅིག
|
| Tibetan Definition
|
(འདུལ་བ) གསོལ་བ་འབའ་ཞིག་པའི་ལས་ཉི་ཤུ་རྩ་བཞི། གསོལ་གཉིས་ཀྱི་ལས་བཞི་བཅུ་ཞེ་བདུན། གསོལ་བཞིའི་ལས་སུམ་ཅུ་བཅས་སོ། །དང་པོ་ (གསོལ་བ་འབའ་ཞིག་པའི་ལས་ཉི་ཤུ་རྩ་བཞི) ནི། གསང་སྟོན་བསྐོ་བའི་ལས། དགེ་འདུན་གྱི་ནང་དུ་བར་ཆད་དྲི་བར་གསོལ་བའི་ལས། གསོ་སྦྱོང་གི་ཚེ་སོ་ཐར་གྱི་མདོ་འདོན་པར་གསོལ་བའི་ལས། དེའི་ཚེ་དགེ་འདུན་གྱི་ལྟུང་བ་ཐུན་མོང་བ། ལྟུང་བ་ཡིད་གཉིས་ཅན། ལྟུང་བའི་ཕྱིར་རྩོད་པ། ལྟུང་བ་ངེས་ཀྱང་གང་ཡིན་མ་ངེས་པ་སྟེ་བཞི་ལ་བྱིན་གྱིས་བརླབ་པར་གསོལ་བའི་ལས་བཞི། དགག་དབྱེའི་ལས། དེའི་དུས་ཀྱི་ལྟུང་བ་བཞིའི་བཞི། དབྱར་ཁས་ལེན་དང་ཚུལ་ཤིང་བྲིམས་པར་གསོལ་བའི་ལས། ཤི་བའི་རྫས་དང་དེའི་ནོར་འདྲ་བ་བྱིན་གྱིས་བརླབ་པར་གསོལ་བའི་ལས། སྲ་བརྐྱང་གཏད་པ་དང་རས་ཡུག་ཆེན་སྦྱིན་པའི་ལས། སྡིག་ལྟ་ཅན་གྱི་གནས་ལེན་བརྗོད་པ་པོ་བསྐོ་བའི་ལས། ཞལ་ཏ་བར་བཤེས་ངོར་འཕྱ་བ། ཟུར་གྱིས་འཕྱ་བ། བསྒོ་བ་རྣར་གཟན་པ། ཅང་མི་སྨྲ་བས་རྣར་གཟན་པ་ལ་ངན་པའི་གྲངས་སུ་གཞུག་པའི་ལས་བཞི། ཁྱིམ་པ་དབུལ་པོའི་ཟས་མི་ལེན་པར་བསླབ་པ་སྟེར་བའི་ལས། དེ་བཤིག་པའི་ལས། ལྷུང་བཟེད་ཁ་སྦུབ་པའི་ལས། དེའི་ཁ་བསླང་བའི་ལས་ཏེ་གསོལ་བ་འབའ་ཞིག་པའི་ལས་ཉི་ཤུ་རྩ་བཞིའོ། །གཉིས་པ་ (གསོལ་གཉིས་ཀྱི་ལས་བཞི་བཅུ་ཞེ་བདུན) ནི། གསོ་སྦྱོང་གི་གནས་ལ་བློ་མཐུན་བྱས་པའི་ལས། མཚམས་ཆེ་ཆུང་གཅོད་པའི་ལས། མཚམས་པོ་ཆེའི་ནང་དུ་ཆོས་གོས་དང་མི་འབྲལ་བར་གནང་བའི་ལས། སྨྱོས་པའི་གནང་བ་སྦྱིན་པའི་ལས། དགག་དབྱེ་བྱེད་པ་བསྐོ་བའི་ལས། གནས་མལ་སྟོབ་པ་བསྐོ་བའི་ལས། རུང་ཁང་བྱིན་རླབས་ཀྱི་ལས། སྲ་བརྐྱང་ལ་བློ་མཐུན་བྱས་པའི་ལས། སྲ་བརྐྱང་གདིང་བ་པོ་བསྐོ་བའི་ལས། སྤོང་བ་པོའི་ཞལ་ཏ་བ་བསྐོ་བའི་ལས། ལག་གི་བླ་བསྐོ་བའི་ལས། གནས་ཁང་བསྐོ་བའི་ལས། ཟས་ལ་བསྐོ་བའི་ལས། ཐུག་པ་ལ་བསྐོ་བའི་ལས། བག་ཆོལ་འབྲིམ་པར་བྱ་བའི་ལས། ཕྲན་ཚེགས་འབྲིམ་པའི་ལས། སྣོད་སྤྱད་འདྲུབས་པའི་ལས། གོས་འགྱེད་པའི་ལས། དབྱར་གྱི་རས་ཆེན་སྦེད་པའི་ལས། དབྱར་གྱི་རས་ཆེན་འགྱེད་པའི་ལས། མངག་གཞུག་བསྐོ་བའི་ལས། མཛེས་འཆོས་བསྐོ་བའི་ལས། རྩོད་པ་འདུམ་པོ་གཟུ་བོ་བསྐོ་བའི་ལས། གསལ་བ་བསྐོ་བའི་ལས། རྩོད་པ་སྦེད་པ་པོ་བསྐོ་བའི་ལས། རྩོད་པ་ཤེས་སླད་ཚུལ་ཤིང་འབྲིམ་པ་བསྐོ་བའི་ལས། ཁང་པའི་གཞི་རུང་བ་བསྟན་པའི་ལས། ཁང་ཆེན་གྱི་གཞུ་རུང་བ་བསྟན་པའི་ལས། ཁྱིམ་པ་སུན་འབྱིན་པ་ལ་ཆོས་མིན་པ་མང་པོ་གླེང་བ་བསྐོ་བའི་ལས། རྒན་པོ་དང་ནད་པ་ཆོས་གོས་དང་མི་འབྲལ་བར་གནང་བ་སྦྱིན་པའི་ལས། ལག་གི་བླ་ལ་ལོ་དྲུག་གི་ནང་དུ་སྟན་གཉིས་པ་བྱེད་པའི་གནང་བ་སྦྱིན་པའི་ལས། འབྲེལ་མེད་ལྷུང་བཟེད་འབྲིམ་པ་པོ་བསྐོ་བའི་ལས། སྡིག་ལྟ་ཅན་ཁྱིམ་སོ་སོར་གོ་བར་བྱེད་པ་པོ་བསྐོ་བའི་ལས། དགེ་སློང་མས་ཕྱག་མི་བྱ་བར་སྡོམ་པ་སྦྱིན་པའི་ལས། ལོ་བཅུ་གཉིས་ལོན་ཅིང་འཁོར་སྐྱོང་ནུས་པའི་དགེ་སློང་མ་ལ་འཁོར་འཇོག་པའི་གནང་བ་སྦྱིན་པའི་ལས། འཁོར་མང་པོ་འཇོག་པའི་གནང་བ་སྦྱིན་པའི་ལས། རྒན་པོ་དང་ནད་པ་ལ་འཁོར་བའི་གནང་བ་སྦྱིན་པའི་ལས། དྲ་བའི་གནང་བ་སྦྱིན་པའི་ལས། གསོ་སྦྱོང་ཐ་དད་པའི་གཙུག་ལག་ཁང་གི་རྙེད་པ་གཅིག་ཏུ་བྱ་བའི་ལས། དགེ་སློབ་མའི་སྡོམ་པ་སྦྱིན་པའི་ལས། ཚངས་སྤྱོད་ཉེར་གནས་ཀྱི་སྡོམ་པ་སྦྱིན་པའི་ལས། དགེ་སློབ་མ་བུ་དང་ལྷན་ཅིག་ཉལ་བའི་གནང་བ་སྦྱིན་པའི་ལས། མུ་གེའི་ཚེ་དགེ་སློང་མ་ཉེ་དུའི་ཁྱིམ་དུ་འགྲོ་བའི་གནང་བ་སྦྱིན་པའི་ལས། དབྱར་མཚམས་ཀྱི་ཕྱི་རོལ་དུ་འགྲོ་བའི་གནང་བ་སྦྱིན་པའི་ལས་ཏེ་གསོལ་གཉིས་ཀྱི་ལས་བཞི་བཅུ་ཞེ་བདུན་ནོ། །གསུམ་པ་(གསོལ་བཞིའི་ལས་སུམ་ཅུ)ནི། བསྙེན་པར་རྫོགས་པའི་ལས། མུ་སྟེགས་ལ་གནང་བ་སྦྱིན་པའི་ལས། མཚམས་ཆེ་ཆུང་དགྲོལ་བའི་ལས། ཕན་ཚུན་མཐུན་པའི་ལས། མཐུན་པའི་གསོ་སྦྱོང་སྦྱིན་པའི་ལས། ནན་ཏུར་བྱ་བའི་ལས། ནན་ཏུར་ལ་བཟོད་པ་གསོལ་བའི་ལས། སྤོ་བ་དང་མགུ་བའི་ལས་དྲུག དབྱུང་བའི་ལས། སྲ་བརྐྱང་དབྱུང་བའི་ལས། དྲན་པའི་འདུལ་བ་སྦྱིན་པའི་ལས། སྨྱོས་པའི་འདུལ་བ་སྦྱིན་པའི་ལས། ངོ་བོ་ཉིད་འཚོལ་དུ་གཞུག་པའི་ལས། དགེ་འདུན་དབྱེན། དེ་རྗེས་ཕྱོགས། ཁྱིམ་སུན་འབྱིན། བཀའ་བློ་མི་བདེ་བ། སྡིག་ལྟ་མི་གཏོང་བ། གནས་ནས་ཕྱུང་བའི་རྗེས་སུ་ཕྱོགས་པའི་དགེ་སློང་མ། དཀོན་མཆོག་གཏོང་བའི་དགེ་སློང་མ། འཐབ་ཀྲོལ་བྱེད་པ། བདེ་ཞིང་གནས་པ། བདེ་ཞིང་གནས་སུ་འཇུག་པའི་སྟེ་བཅུ་ལ་བཟློག་པ་བསྒོ་གྱུར་བྱེད་པའི་ལས་བཅུ། སྡིག་ལྟ་མི་གཏོང་བའི་དགེ་ཚུལ་བསྙིལ་བའི་ལས། ཉམས་པ་ལ་བསླབ་པ་སྦྱིན་པའི་ལས་ཏེ་གསོལ་བ་དང་བཞིའི་ལས་སུམ་ཅུ་རྣམས་བསྡོམས་པས་བརྒྱ་རྩ་གཅིག་གོ།
|