From Rangjung Yeshe Wiki - Dharma Dictionary
Jump to navigation
Jump to search
| ལྟ་བ་རྙེད
|
| Tibetan Definition
|
ལྟ་བ་རང་རྒྱུད་སྐྱེས་པའི་དོན། དེང་སང་མང་པོས། ལྟ་བ་རྙེད་ཟེར་རྒྱུར་ལྟ་བ་རྟོགས་ཟེར་བ་ནི། མ་དག་རྒྱུན་འབྱམས་སུ་སོང་བར་སེམས་ཏེ། འདིའི་ལྟ་བ་ནི་སྟོང་ཉིད་རྟོགས་པའི་བློའམ་ཤེས་རབ་ལྟ་བུ་ལ་གོ་དགོས་པས། དེ་རྟོགས་ཞེས་བརྗོད་ན་གོ་མི་བདེ་བའི་ཕྱིར། གཞན་ཡང་༼ ལྟ་བ་རྙེད ༽ཅེས་པའི་ཚིག་འདི་རྗེའི་ལམ་རིམ་ཆེན་མོའི་ནང་ཐེངས་༡༥དང་། རྗེའི་ལམ་རིམ་འབྲིང་པོའི་ནང་ཐེངས་༦དང་། རྗེའི་དགོངས་པ་རབ་གསལ་ནང་༤གསལ་འདུག་ཀྱང་།ལྟ་བ་རྟོགསཞེས་པའི་ཚིག་འདི་ཟུར་ཙམ་ཡང་མི་འབྱུང་བ་དེ་ལ་རྒྱུ་མཚན་ཡོད་པའི་ཕྱིར། གལ་ཏེ་ལྟ་བ་ཞེས་པ་ལྟ་བའི་ཡུལ་ལམ་བལྟ་བྱ་ལ་འཇུག་པའི་དབང་དུ་བཏང་ན། སུམ་རྟགས་ཀྱི་འགྲོས་དང་བསྟུན་ན་འདི་ལ་བལྟ་བཞེས་པ་ལྟ་བུའི་བས་ཕུལ་ངེས་པར་དགོས། དཔེར་ན། བཟའ་བྱ་ལ་བཟའ་བ། བཏུང་བྱ་ལ་བཏུང་བ། གདིང་བྱ་ལ་གདིང་བ། བསླབ་བྱ་ལ་བསླབ་པ་བསླབ་པ་གསུམཟེར་བ་ལྟ་བུས་མཚོན་ནོ། །གསང་བའི་རྣམ་ཐར་ལས། ཡང་དག་ལྟ་བ་རྟོགས་པའི་སྐལ་ལྡན་གྱུར། །ཞེས་པ་ལྟ་བུ་རེ་ཟུང་ཡོད་ཀྱང་། དེ་ནི་གོང་དུ་བཤད་པ་ལྟར་མ་དག་རྒྱུན་འབྱམས་སམ། ཡང་ན་ཚིག་སྡེབ་སྦྱོར་ལྟ་བུས་ཡིན་པར་སེམས་སོ། །
|