From Rangjung Yeshe Wiki - Dharma Dictionary
Jump to navigation
Jump to search
| ལྷ་མོ་ཤྲ་མ་ཎ
|
| Tibetan Definition
|
འདི་སྒྲོལ་མ་ཡིན་ཞིང་འདི་ལ་བརྟེན་ནས་རྨི་ལམ་བརྟག་པའི་གདམས་པ་རྗེ་དགེ་འདུན་གྲུབ་ཀྱིས་གསུངས། དེའི་སྐུ་མདོག་ཕྱག་མཚན་སོགས་ཀྱི་ཁྱད་པར་ནི། རི་རབ་ཀྱི་སྟེང་དུ་ལྷ་མོ་ཤྲ་མ་ཎ་སྐུ་མདོག་སྔོན་པོ་ཞལ་གཅིག་ཕྱག་གཉིས་མ། གཡས་པས་རྔ་ཡབ་བམ། མེ་ལོང་། གཡོན་པ་དཔག་བསམ་ཤིང་གི་ཡལ་ག་འཛིན་པ། ཞབས་གཉིས་བརྐྱངས་ནས་རི་རབ་ལ་བརྐྱངས་འདུག་གི་ཚུལ་དུ་བཞུགས་པ། དཔག་བསམ་གྱི་ཤིང་གི་སྡོང་པོ་ལ་རྒྱབ་བརྟེན་པ། རྐེད་པ་ཕྲ་བ། ནུ་མ་འབུར་བ། ཞལ་འཛུམ་པ་དང་བཅས་པས་རང་ལ་གཟིགས་པ། དར་སྣ་ཚོགས་པའི་སྟོད་གཡོགས་དང་སྨད་གཡོགས་ཅན། རཏྣ་དང་མེ་ཏོག་སྣ་ཚོགས་པའི་རྒྱན་གྱིས་མཛེས་ཤིང་ཡིད་དུ་འོང་བ། ཞེས་རྗེ་དགེ་འདུན་གྲུབ་ཀྱི་༼ལྷ་མོ་ཤྲ་མ་ཎའི་སྒོ་ནས་རྨི་ལམ་བརྟག་པ༽༣༩ན༦ལས་གསུངས་སོ། །
|