From Rangjung Yeshe Wiki - Dharma Dictionary
Jump to navigation
Jump to search
| ལྷན་སྐྱེས་ཀྱི་ཡེ་ཤེས
|
| Tibetan Definition
|
རླུང་དབུ་མར་ཐིམ་པའི་སྟོབས་ཀྱིས་བདེ་སྟོང་སྦྱོར་བའི་ཡེ་ཤེས་ལ། ལྷན་སྐྱེས་ཀྱི་ཡེ་ཤེས་ཟེར། དེ་ཡང་གོ་སླ་བར་བཤད་ན། ལྷན་སྐྱེས་ཀྱིས་བདེ་བས་སྟོང་ཉིད་རྟོགས་པ་ན། དེ་ལ་ལྷན་སྐྱེས་ཀྱི་ཡེ་ཤེས་ཟེར། རྗེའི་རིམ་ལྔ་གསལ་སྒྲོན་ལས། རྣམ་དཔྱོད་ཅན་གྱིས་ནི་བདག་མེད་པའི་དོན་ཕུ་ཐག་ཆོད་པར་ངེས་པའི་ལྟ་བ་དང༌། ཐུན་མོང་མ་ཡིན་པའི་བདེ་བ་ཆེན་པོ་འདྲེན་པའི་ཐབས་མཐའ་ཆོད་པའི་མན་ངག་ལ་ཞུགས་ནས། བདེ་སྟོང་དབྱེར་མེད་དུ་སྦྱོར་བའི་ལྷན་ཅིག་སྐྱེས་པའི་ཡེ་ཤེས་འཚོལ་བ་ལ་འགུས་པར་བྱའོ། །ཞེས་གསུངས། ཡང་དེ་ཉིད་ལས། འདོད་པའི་ཡུལ་ལོངས་སྤྱད་པ་ལས་བྱུང་བའི་ཞུ་བའི་བདེ་བ་དང༌། ཆོས་ཐམས་ཅད་ལ་རང་གི་མཚན་ཉིད་ཀྱིས་གྲུབ་པ་རྡུལ་ཙམ་ཡང་མེད་ཀྱང༌། བྱ་བྱེད་ཐམས་ཅད་འཐད་པ་རྨི་ལམ་དང་སྒྱུ་མ་ལྟ་བུའི་ཚུལ་གྱིས་བདེན་པ་གཉིས་ཕྱིན་ཅི་མ་ལོག་པར་ངེས་པའི་སྒོ་ནས། བདེ་སྟོང་སྦྱོར་བའི་ལྷན་སྐྱེས་ཀྱི་ཡེ་ཤེས་ཀྱིས་ཐབས་མཁས་པ་དང་མི་ལྡན་པ་རྣམས་ལ་འཇིགས་པ་ཆེན་པོ་འདྲེན་པའི་ཡུལ་རྣམས་ཟིལ་གྱིས་གནོན་པར་གསུངས་པ་བཞིན་དུ་ཕྲ་ཞིང་མཛངས་ལ་ཡངས་པའི་བློ་གྲོས་ཀྱིས་བདེ་བ་དང་སྟོང་པ་སྦྱོར་བའི་ལྷན་ཅིག་སྐྱེས་པའི་ཡེ་ཤེས་སྐྱེད་པའི་ཐབས་ལ་རྒྱུན་མི་འཆད་པར་བརྟག་པར་བྱའོ། །ཞེས་གསུངས་སོ། །ལྷན་སྐྱེས་ཀྱི་བདེ་བ་ལ་གཟིགས།
|