11426

ཤེས་རྒྱུད
Tibetan Definition	སེམས་རྒྱུད། སེམས་རྒྱུད་དམ་ཤེས་རྒྱུད་ཅེས་པ་སེམས་ཉིད་ལ་གོ་དགོས་ཀྱི། དེ་ལས་གཞན་ཤེས་རྒྱུད་ཅེས་པ་ལོགས་སུ་མེད། མཁས་གྲུབ་རིན་པོ་ཆེའི་གསུང་ཐོར་བུ་རྟོགས་པ་དང་ལྡན་པ་དག་ལ་གཏམ་དུ་བྱ་བ་གཟུགས་བརྙན་གསལ་བའི་མེ་ལོང་༤༤བ༡ལས། བྱང་ཆུབ་སེམས་ཀྱིས་ཤེས་རྒྱུད་མ་སྦྱངས་ཤིང་། །རྒྱལ་སྲས་སྤྱོད་པའི་མིང་ཙམ་མ་ཐོས་ཀྱང་། །ཁ་འཇམ་ལུས་དུལ་བྱི་ལའི་ཀུན་སྤྱོད་ཀྱིས། །ཕྱི་ཚུལ་འཆོས་པ་བྱང་སེམས་གཟུགས་བརྙན་ཡིན། །ཞེས་གསུངས་པ་ལྟར་རོ། །